العمر مع جنابك و العمر معك ما امله

" البارت الـ 12 "

توجه لـ مساعد اللي واقف قدام غرفة العمليات : عمي ! ايش صاير !!!
تنهد مساعد : صارت هوشه وانطعن ابوك
جمد وجه سهاج : وكيف انطعن ! اش التسيُب هاذا !!! كيف تدخل ادواوت حاده داخل السجن !!
نزل راسه مساعد وسكت لان اللوم كله على جسار هو اللي جازف
مسح على وجهه سهاج:ايش صار ذحين ايش قال الدكتور !
مساعد : ما طلع لسع هدي يا ولدي ابوك هو اللي عرض نفسه للخطر حاولت امنعه بس رفض
رفع حاجبه وجا بيتكلم لكن سكت على دخلة رسلان وهذال
عقد مساعد حواجبه: رسلان !! ايش جابك ؟
رسلان : جاني اتصال و جيت
عقد مساعد حواجبه : كيف ؟ و اجازتك !
رسلان: كلمني خلف انا قلتله علمني على اي مستجدات و اجازتي بقطعها طال عمرك امي قامت الحمدالله وابوي على حاله مراح استفيد شيء من الاجازه وش صاير على جسار !
تنهد مساعد : هاذي كانت خطته
عقد هذال حواجبه : كيف !!
مساعد : كشف جاسوس ساطي عموماً مو مكان كلام الحين نأجلها الين نرجع المركز الله يقوم جسار وفادي بالسلامه
التفت عليه: مين فادي؟
مساعد: صاحب ابوك من السجن جات الطعنه في صدره الله يشفيه
طلع بهدوء ونزل كمامته وهو يمسح على راسه
ناظره سهاج : احمد! ايش صار طمني
احمد: سوينا اللي علينا ياسهاج السكين وصلت للكبد و سببت تلف فيها وقدرنا نتدخل ونطلع بأقل الاضرار الحمدالله على كل الحال عطيناه منوم وممكن يصحى بُكرا اما بالنسبه لفادي سكت شوي وتكلم فـ العمر لكم
رفع مساعد يده على راسه وتنهدو سهاج وهذال
مساعد بغبنه : سجين ماله اي صله في موضوع ساطي مات بسبب مساعدته لـ رجُل دوله الله ياكثر ذنوبك ياساطي انا لله وانا اليه راجعون لا حول ولاقوة الا بالله
رسلان بهدوء : الله يرحمه ويغفر له له اهل نتواصل معهم؟
هز مساعد راسه بالموافقه: له اخوه وامه
رسلان : راح نروح نبلغهم انا وهذال و نرجع اذا استجد شيء في حالة جسار عطونا العلم
—

وبعد مرور اسبوعين ما كان فيه تطور في حالة والد رسلان ، جسار استفاق بعد اسبوع ورجع بيته البدر اهله رجعو الديره هذال ورسلان لازالو يحققون في موضوع ساطي ، و سالم اصابته كانت عرضيه و سجنوه في السجن الانفرادي ، سُهاد لازالت تفكر في عرض هذال والجميع رجع لحياته الطبيعيه
—
دق باب غرفتها وسمحت له بالدخول قرب منها و قبـل راسها وابتسم بهدوء: ما جلسنا مع بعض من زمان !
سُهاد : وحشتني
فتح حضنه لها وتوجهت له مباشره
سهاد: بابا اطلبك طلب ؟
جسار: عيوني وقلبي وروحي ؟
سهاد : نروح جدة وبعدها الطايف !
جسار: اشتقتي لها !
سُهاد: ٧ شهور وانا بعيده عنها والحين اجواء جدة حلوه مره خلينا نروح اشتقت للبحر وكمان تروح تزور ماما وبعدها نروح الطايف اشتقت لها مره 
جسار: نروح ليش ما نروح ونحضر مباراة كمان
سُهاد ببتسامه : يسس ابغاا
هز راسه : بس اخوانك ودواماتهم !
هزت كتفها وهي تحط راسها على صدره تستنشق ريحته بلعت ريقها وهي تحارب دموعها اللي داهمتها بدون سابق انذار تحس انتهت طاقتها تعبت كان تفكيرها ايش شعوره لو عرف باللي صار لها ما تبغا تتخيل ردة فعله ما تقدر هوا كان امانها ومكانها وحياتها واهلها وامها وابوها واخوها واختها عاشت معاه اكثر من اخوانها تشوفه روحها ودها تموت ولا تعيش يوم زياده و تشوف الكسره في عينه خايفه من ذاك اليوم تتمنى روحها تطلع ولا تشوفه
لاحظ جسار هدوءها : اشبك ياروحي!
سهاد : اشتقت لـ ماما كانت تحب الطايف مرا
تنهد جسار وهو يمسح على راسها : الله يرحمها تذكرين لمن كنتو صغار بكت على شان سوار طاحت من اللعبه وانكسرت يدها وحلفت ماعاد تطب الطايف ومن بعدها ماعاد رحنا !
ضحكت وهي تهز راسها: حبيبتي
سكت شوي وتكلم بهدوء : قولي يابابا اسمعك فضفضي
سهاد: ايش اقول؟
جسار: قولي ايش سوالك ساطي!
هزت راسها بالنفي برعب : ممكن ما نتكلم في الموضوع
جسار: مو ممكن تعرفين انو ما يتخبى عني شيء؟
بلعت ريقها : نروح نشرب شاهي ونسمع ابو نوره ؟
جسار: تتهربين سُهاد!
وقفت : يالله حبيبي بجهز نروح مع السواق
تنهد بضيق هو ما تخطى كلمة سالم له " يسلم عليك ساطي ويقولك بنتك كانت وجبه ثقييلله" ما مرت عليه مرور الكرام هو يعرف انواع هالقضايا كان خايف يسألها وخايف من اجابتها خايف يجرحها كان شايف حالتها تهربها هدوئها ماكانت سُهاد كذا كانت روحها مرحه تحب تضحك وتعيش لاحظتها وكان متاكد ان هذال عنده خلفيه كامله عن موضوعها وهو مبيت النيه يستجوبه وخايف من الاجابات مو مستعد لأي اجابه مؤلمه
—
في غرفة التحقيق '
هذال: سالم ياسالم كيف حالك لك اسبوعين مريح ومنفرده وامورك طيبه الحين بتتكلم مثل الريجيل وتعطيني علم ساطي
سالم ببتسامه : ابي دخان
مد هذال عليه وحده واخذ وحده : تدري اني ما ادخن الا يوم اعصابي تتلف ؟
ابتسم سالم : اعصابك تلفت ! بدري عليك ياحضرة المحقق
زفر هذال دخانه : وش صلتك في ساطي !
ناظره سالم وهو ينفث دخانه: ذراعه اليمين داخل السجن
هذال: ايه يعني تعرفه شخصياً
سالم : مثل اسمي
هذال: اجل تكلم
سالم : ماعندي كلام
هذال: لا تستفزني من بدري و تكلم دامك ذراعه اليمين اكيد تعرف وينه
ابتسم سالم : من هو اللي وينه ؟
عض على شفته يتمالك نفسه: سالم ساطي وينه!
ابتسم بـ استفزاز : مين ساطي؟
ضرب هذال على الطاوله ووقف: تبي تستفزني من بداية التحقيق !! ما بيكون في صالحك
اعتدل سالم بجلسته يشرب دخانه ويناظره بلا مُباله : انت اللي لقيت بنت جسار ؟
عض هذال شفته : لا تغير الموضوع و شدخل البنت !!سؤالي واضح لا ترواغ ياسالم
سالم ببتسامه: شفتها ! حلوه صـ
بتر كلمته اللكمه اللي توجهت له مِن قبضة هذال  و توجهت لخشمه
ناظره يمسح الدم من خشمه : اوح اشفيك شادها عادي ندردش
حاول يمسك اعصابه بعد ما نفض يده ونطق : سالم ! لا تلخبط المواضيع وتكلم معي زين
هز سالم اكتافه بلا مُباله وقرب من هذال وهمس في اذنه : ساطي يقول اغتصـ
انقض عليه وصار يضربه بشكل هستيري ما وخره الا رسلان ومساعد
مساعد : خذوه للمنفرده وجيبو له طبيب يشوف
جروحه
—
لاحقاً في المكتب'
صرخ بقهر : تستهبل هذال تتهجم عليه كذا تدري انه شخص مهم ما لازم يتعرض لأي اذا
هذال : ما شفته كيف يستفزني !!
رسلان : حتى لو استفزك امسك نفسك  ، ضرب  وسلان على الطاوله ونطق هذال لو مرا ثانيه انعادت الحركه بنجيب محقق غيرك يمسك القضيه وهاذا اخر كلامي ، المفروض تمسك نفسك وتحاول تتكلم معاه بهدوء حتى لو استفزك انت محقق يا هذال !
هذال : والله لو عادها اني لاذبحه
رفع رسلان جواله اللي دق على اذنه يتجاهل كلام هذال : ايوه سهاج امر!
سهاج : تعال المستشفى رسلان ابوك صحي
فز بذهول: اسئلك بالله!
هز راسه وكأنه يشوفه : تعال نقلناه لغرفه واموره طيبه
قفل منه ورفع هذال حواجبه: علامك ! بتشقق من الفرحه!
ضحك رسلان وتوجه لـ هذال يحضنه : تدري اني احبك
هذال بتوتر : ورع!!! اعوذ بالله منك فكني من شرك بس فارق عن وجهي يا رسلان مني ناقصك توك معصب علي
رسلان ببتسامه: اللي معصب عليك العميد رسلان ماهو رسلان اخوك
ناظره بنص عين و طنشه يجلس
و ابتسم رسلان : هات البشاره
عقد هذال حاجبه : انت مريض ؟
رسلان: ابوي صحي
جمدت ملامحه ثواني و فز : صادق انت !!!
هز راسه بالموافقه يوقف هذال وهو يلتقط محفظته وسبحته : و لسع واقف مشينا مشينا
—
في المستشفى'
دخل رسلان للغرفه والفرحه مو سايعته قرب من ابوه يقبل راسه و يده وابتسم : حمدالله ع السلامه ابو رسلان طهور ان شاءالله
هذال ببتسامة : اخر الاوجاع ياعمي عساها كفاره
حرك راسه بشويش يالله يتكلم : الله يسلمكم الحمدالله الحمدالله جات سليمه
دق الباب سهاج ودخل ببتسامه : الحمدالله عالسلامه يابو رسلان امورك طيبه ماشاءالله
رسلان : ماقصرت يا سهاج ماني ناسيلك وقفتك معنا
ابتسم : ولو شغلي هاذا اهمشي صحي بالسلامه و الحمدالله على سلامتو ان شاءالله اخرة الاوجاع و تقدر تجيني بعدين يارسلان!
هز رسلان راسه وخرج سهاج على دخلت عايلة عقاب
توجهت رولان لابوها علطول تضمه و خرج هذال يبشر الباقين ، كانت تدفن وجهها بـ رقبته وتشمه من كل قلبها تنطق بشوق : حبيبي وقلبي وروحي انت الحمدالله على السلامه وحشتني مووووت الله لا يحرمني منك
مسح على راسها عقاب ينطق بتعب : الله يسلمك ويخليك لي يادنيتي انتي
قرب رواف منه يقبل راسه: بابا حمدالله على سلامتك وحشتنا مره
ابتسم عقاب وهو يفتح له حضنه يجي له و توجه له رواف ينطق ببتسامه : جبتلك ورد اللي تحبه
ام رسلان : حمدالله على سلامتك يانظر عيني ياقلبي طهور ان شاءالله
ابتسم رسلان يغمز لابوه : حركااات يا ابو رسلان يانظر عيني ياقلبي اقول رولان قومي خلي امي تجلس مكانك واضح الشوق مقطعها
ام رسلان بنص عين : انت ما تستحي ؟ تتكلم قدام رواف كذا !
هز اكتافه بلا مُبالاه : رولان قومي عن ابوي اوجعتيه تحسبين نفسك خفيفه تراك بطه
ناظرته بنص عين تميل شفايفها : والله ما البطه غير انت وبعدين انت وش دخلك انا في حضنك ولا حضن ابوي انقلع بس
التفت رواف لـ ابوه يرفع يده على خده : ابوي يعورك ؟
هز عقاب راسه بـ النفي : ما يعورني يابوك انا طيب
ابتسم رواف يقبل يد ابوه ونطق : اشتريلي مثل بسة دُرر اول لمن كنا في بيت عمي نياف انا شفتها حلوه ابي زيها
هز عقاب راسه بالموافقه : على خشمي
تكتف رسلان يبتسم : قول عليه الشحم يا رواف
رواف ببتسامه : عليه الشحم
—
7:30 مساء '
وصل بيت اهله وهو مقرر يفاتح ابوه بالموضوع ويخلصه  بأسرع وقت بما ان جسار صار في بيته و مو بعيده يعرف بـ الموضوع ، دخل ووقف بصدمه من بلونة المويه اللي انفجرت عليه ينطق بذهول : اخوو رسلان !
صرخت روح برعب وهي منهاره ضحك وهجت عند ابوها : انا فوجهك يابوي تكفى
طاحو بتال ورانسي ع الارض وهم منهارين ضحك ، و البدر اللي كان في بيت الشعر يتفرج عليهم كبح ضحكته على شكل هذال وصدمته
هذال بعصبيه : هاذا ايش!!!
روح: والله اسفه والله اسفه كنت برميها على بتال وانت دخلت
ناظر الحوش حوله : ابوي !! كيف مخليهم كذا شوف كيف محوسين الحوش!
البدر بضحكه : خلهم ينبسطون
رانسي : اي والله ماعندنا حياه في ذا الديره غير اننا نسوي فعاليات لنفسنا
ناظرها بنص عين : تبيني ادق على ابوك ياخذك الرياض ترا فيها فعاليات
رانسي برعب: دوعااااابه ياخالي سوبر مان دوعابه لا تصعد الموضوع ، مشى لأبوه يسلم على راسه ويجلس عنده
بتال بضحكه : تستاهلين ما ينفع معك الا كذا
رانسي : فارق بس
بتال: خالك انا خالك احترميني
رانسي : والتراب
حذفها بنعاله وهجت للجلسه : اقول انقلع بس والله لو انك خالي هذال عشان احترمك
روح بضحكه: تزبط العلاقه مع هذال
البدر: وشلون ابو رسلان يا هذال كيف سوا ؟
هذال: ايه الحمدالله اموره طيبه وامكن يطلع بعد يومين ثلاثه
البدر: يارب لك الحمد اللي خليته لعياله الحمدالله الحمدالله
هذال : وين امي !
رانسي : مسيره هي وامي لبيت ام محمد يقولون ولدها طاح و انسكرت رجله
بتال بتشفي: يستاهل
هذال بنص عين: وش مسويلك الضعيف تتشمت فيه ورع ابو ١٠ سنين
بتال:  والله ما الضعيف غير انا كاسر قزاز سيارتي الكلب و يوم انشده يقول مو انا و عيال الحاره يقولون هو
البدر : هذه ورع يا بتيل لا تحط عقلك بعقله انت ورع؟
بتال بحماس: اناا مُهندس
روح : ياكبدي كبداه غثنا غثنا
وبعد ٤ ساعات  تحديداً غرفة والد ووالدة هذال دق الباب ودخل بهدوء وهو يبتسم ابتسامه بلهاء وناظره البدر بنص عين : نعم!!
هذال بهدوء: ابي اتكلم معكم في موضوع مهم
البدر: والله اني داري اشوفك من اليوم رايح جاي وراك بلا قول شبلاك؟
تنحنح واعتدل في وقفته : ابي اتزوج
تهلل وجه ام نياف واعتدل البدر بجلسته والابتسامه شقت وجهه 
البدر : ابركها ساعه
ام نياف : صدق يابوي اخيراً الحمدالله الحمدالله فيه وحده من بنـ
قاطعها بسرعه: لا امي لا ، لا تدورين ولا تتعبين نفسك فيه وحده بخاطري وابيها
البدر  بذهول : ابو نياف!!
هذال: ابوي ابي اتزوج بختياري ، ناظره البدر بنص عين و ميلت شفايفها ام نياف : من بنته؟
هذال: ابوها استخباراتي عندنا فالمركز لكنه تقاعد
البدر : ماشاءالله اجل عطني رقمه
هذال: ابوي اصبر تكفى مو الحين
ام نياف: تقول ابي اتزوج واذا قالك ابوك هات رقم الرجال يبي يخطب لك تقول مو الحين !
هذال: الحين الوقت متاخر 
—
في اليوم التالي الرابعة عصراً
رفع جسار جواله على اذنه: ارحب
رسلان : سلام عليكم كيف حالك يابو سهاج
جسار ببتسامه : والله الحمدالله تمام انتَ كيفك يارسلان و حمدالله على سلامة الوالد الف لا باس ان شاءالله
رسلان: الله يسلمك يابو سهاج الفضل لله ثم لسهاج ما قصر دقيت عليك وانا اخوك اعزمك على عشاء سلامة الوالد الله يحيك انت وعيالك يوم الجمعه
جسار : الله يحفظو ويخليه لكُم يارسلان وان شاءالله باذن الله على خير
رسلان: امين يارب الله يحيك يالله توصي شيء؟
جسار ببتسامه: سلامتك الله يحفظك
قفل منه ورن جوال مساعد اللي كان عند بيت جسار وكان المتصل رسلان يعزمه

النجمه يانجومي 🙈💫

insta : rwzohal_66
X : rwzohal