العمر مع جنابك و العمر معك ما امله

" البارت السابع "

دخل وجلس قدامه وابتسم : شلونك ياعزام
ناظره عزام من فوق لتحت ورفع يده على خشمه يمسحه بطريقة مُريبه و يتجاهل وجوده قدامه
هذال: انا المحقق هذال البدر ودك تعلمني بالهداوه ولا بالشده وغمز له يكمل وفهمك كفايه يا عزام
عزام : وش تبي تحقق فيه هوشه وصارت وانتهت
هذال: لا لا الموضوع اكبر من هوشه ابي اعرف السم اللي كان في دمك من وين جايبه!
عزام : حقي
هذال : سؤالي واضح من معطيك منين مشتريه!
رد بلا مُباله : مو من احد
ركز هذال في ملامح وجهه : منهو شاهر ؟
التفت عليه بسرعه يناظره بذهول وبلع ريقه ترجف يده بطريقه واضحه لـ عين هذال ويحاول يخبيها في كم فنيلته : ماعرف احد بذا الاسم
هز هذال راسه: بس شاهر يقول يعرفك
هز راسه بالنفي: يكذب معرفه
اعتدل هذال بجلسته يمسح على ملابسه و يناظره : تدري ان شاهر قال انك مروج
وسع عيونه بصدمه ينطق بلا شعور : كذاب هو اللي مروج
ابتسم هذال: كيف عرفت انه مروج
قام من مكانه وصار يمشي فالغرفه : طلعوني من هنا ما اعرف شيء انا ما اعرف شيء
ناظره هذال : تعال اجلس وكلمني زي الناس
ضرب الجدار بيده يصرخ على هذال : مالك دخل فيني طلعوني من هنا ابي اطلع
تجاهل هذال حركاته : منهو شاهر !!
ناظره عزام يصارخ بـ اعلا صوته : ماعرفه ماعرفه كذاب كذاب ما اعرفه ما اعرف شيء مالي دخل
هز هذال راسه بالموافقه : تعال اجلس وكلمني بهدوء مراح يصير لك شيء
ناظره عزام يسكت ثواني وبعدها نطق : لا بتسجنوني ماعندي كلام ماعندي شيء ابي ارجع بيتنا
هذال: اذا عطيتني معلومات عن شاهر بترجع بيتكم
عزام : قول والله
هز هذال راسه وكانت المعامله معاه سهله جداً بحُكم ان عزام صغير سن واساساً عقله ملخبط وهذال قادر يسيطر عليه فـ ذي اللحظه و جلس عزام قدامه يـهل السبحه كامله
—
قبل ساعه في مكتب رسلان '
دخل خلف ومعاه ملف دق التحيه و مده لـ هذال وهو يبتسم عقد حواجبه : ماشاءالله ياخلف بين اللولو واضح ان اللي بالملف شي عليه الكلام
هز راسه خلف: شاهر
رفع حاجبه : وش شاهره!
جلس خلف : المُـبلغ
فتح الملف بسرعه وهو يقراء محتواه : والله اني داري احد حقق معه ولا انا احقق
خلف: انت اللي ماسك القضيه طال عمرك يعني انت اللي بتحقق
رسلان : وش صاير !!
خلف: شاهر اللي بلغ على الهوشه طلب المحقق هذال نجيبه و نشوف وضعه و بعد م جبناه وبحثنا عنه طلع عليه سوابق وغير ذا كله تطابق الـ DNA اللي كان فالمنديل مع الـ DNA حق شاهر و بحكم السوابق اللي عليه له ملف عندنا
هز هذال راسه ببتسامه : وينه الحين !
خلف: دخلناه غرفة التحقيق وينتظرك
ناظرهم رسلان ورفع حاجبه : متى مداه يختفي ويرجع لـ سيارة جسار و بعد وين سيارته ما طلعت بـ كاميرات الاشاره هو مو بعد الهوشه روح علطول متى مداه يرجع !! وش القربعه ذي !!
خلف : فيه يوتيرن اكيد رجع معه و اكيد فيه احد ساعده يبين ف التحقيق
قام هذال وتوجه لغرفة التحقيق بينما في الغرفة المقابله كان خلف ورسلان ومساعد يتابعون التحقيق من خلف القزاز جلس هذال قدام شاهر وحط الملف قدمه وابتسم: شلونك يا شاهر
ميل شفايفه ينطق : ليش جايبني هنا
هذال : اوب وشفيك شادها رد السلام طيب ترا رد السلام واجب
تجاهله يرجع ينطق : ليش جايبني هنا
فتح الملف قدامه : ندردش
شاهر: في وش
رفع عينه يناظره : انت اللي بلغت على الهوشه اللي كانت عند الاشاره
هز شاهر راسه بالموافقه: اي كنت رايح لبيتي وشفت الهوشه وبلغت
هذال : وين بيتك يا شاهر
شاهر بغباء : في حي الـ**
ضحك هذال : بيتك في حي الـ** وش جايبك عند اشارة حي الـ** يعني بيتك فالشمال وانت عند اشارة فالجنوب!
عض شفته يستوعب غبائه و تنحنح : ايه مريت لي صاحب
هذال : منهو عطنا معلوماته
سكت شاهر يفكر
اعتدل بجلسته ينطق بهدوء : وين وديت البنت
التفت عليه بقوه يناظره برعب : اي بنت
هذال: البنت اللي خطفتها وسرقت سيارت ابوها !
هز راسه بالنفي: ماسرقت شيء ولا خطفت احد مادري عن شيء انا شفت الهوشه و بلغت و روحت بيتي
حط المنديل قدامه : وهذه !!
عقد حواجبه : وشو منديل!
هذال ببتسامه: هاذا يا شاهر منديل عليه الحمض النووي حقك !
شاهر : طيب وش يعني !
استند على الكرسي : يعني لقينا هالمنديل فالسياره
اللي كانت فيها البنت يعني الحين لا تحاول تتهرب بتعترف وتقول وين وديت البنت
هز راسه بالنفي : ماعرف شيء
ظرب على الطاوله يتمالك اعصابه : لا تستنزف صبري !!!!
شاهر : قلتلك ماعرف شيء
هذال بعصبيه : شاهر لا تخليني افتري فيك اعترف احسن لك كل شيء واضح فـ لا تتعبنا
انخرش شاهر من اسلوبه وسكت ، ووقف هذال يمسكه من ياقة ثوبه : تكلم مبغا استخدم معك العُنف !!
بلع ريقه ونطق بتوتر ينطق بسرعه : ساطي
عقد حواجبه وهو متاكد هالاسم مر عليه بس ناسي : من ساطي
ضحك بسخريه : انت تعتبر من الحكومه ! و ما تعرف ساطي ياخساره !
ميل هذال شفايفه : والتراب فيك وفيه علمني منهو ساطي ذا !!
شاهر بهدوء : ساطي تاجر مخدرات ويعمل في غسيل الاموال وعنده كثير مشاريع من غسيل الاموال و غيره سكت شوي ورجع تكلم بهدوء يتاجر بالنساء
انفجع هذال وناظره بذهول : يتاجر بالنساء!!!! وين عايشين حنا !! من وين يجيبهم عشان يتاجر فيهم ! رفع يده على ملامحه وناظر شاهر يكمل يخطفهم يعني !!
هز راسه بالنفي : هم يجونه الحاجه تجيبهم وبعدها يتاجر فيهم وما يركز الا على الفقارة والمساكين اللي مالهم احد
حط يده على راسه بغبنه ونزلها يمسح على شنبه: الله لا يوفقكم كمل كمل
شاهر : ساطي اسم الشهره محد يعرف اسمه الحقيقي و ما يقابل اي احد الا ناس هو يثق فيهم انا جاني اتصال وكلمته وطلب مني اتبع جسار من اول م وصل الرياض و عرفت عنه كل شيء و تتبعته اول بـ اول بعدها جبت عزام وقلت له اذا اتفقت معي راح اعطيك ببلاش و سكت من استوعب اللي قاله انصدم من نفسه واستوعب انه اعترف على نفسه بلع ريقه وتلعثم وكمل اءء انا ما عندي شيء بس كذبت على عزام لاني ادري انه مدمن وقلت له اذا ساعدتني بعطيك كيسين انا اصلن كذبت و ما عندي ولا شيء
ناظره هذال و ابتسم بشماته : طيب وش المقابل!! اكيد انك ما بتنفذ اوامر ساطي ببلاش!
عض شفته: قال بعطيك اللي تبي
رفع هذال حاجبه: و وش طلبت!
سكت شاهر و ضرب هذال الطاوله : خلصني
بلع ريقه ينطق بهدوء : طلبت ٢ مليون وشقه
حط رجل على رجل : ٢ مليون مقنع لاكن الشقه ليش!! ما اظن ما عندك بيت!! لان الثنين مليون تجيب لك فله!
نزل شاهر راسه وناظره هذال ساكت و انصعق من الفكره اللي جات براسه اعتدل بجلسته و صرخ بقهر وهو يضرب على الطاوله للمره الالف : دعا* ره !!!!!!!
رجف داخل شاهر مفجوع من اسلوب هذال المندفع
وكمل هذال بغبنه وهو شاد على قبضة يده: حسبي الله عليك والحين وين وديت البنت ليكون تاجر فيها ابن الكلب !
شاهر بتلعثم: م ممدري اخذوها مني كلاب ساطي ومدري وين ودوها
رفع يده يخنق شاهر بغبنه : كلاب ساطي وانت طالع منها انت اكبر سلقه قال ايش م تعرف وين ودوها بس تعرف كيف تخطف البنت وتعرف كيف تطلب ٢ مليون !
كان يضرب على يد هذال اللي شادة على رقبته تقطع نفسه ، و دخل رسلان بسرعه يبعده عنه : هذال !
هذال بقهر: خلني اذبحه واريح العالم منه الكلب المختل اللي مو صاحي
سحبه رسلان لبرا الغرفه ويأشر للعسكر ياخذون شاهر لتوقيف
—
بعد مرور اسبوع ما تغير شيء بخصوص سهاد لازال البحث مُستمر عنها ولا زالت تعيش عند احمد وفاطمه وفاطمه تعودت عليها واحمد مرتاع وكل يوم تزيد روعته وسوار عرفت بموضوع سهاد وابوها وتعبت جداً كان الخبر عليها مثل الصاعقه فقدت اثنين مع بعض تدمرت نفسيتها ، كانو سهاج و جود هم اللي يقوونها ، و سهاج يحاول يكون قريب منها و حولها عشان ما تحس بالوحده خايف عليها من هالظرف اللي ممكن يوصلها للأكتئاب هو دكتور وعنده خلفيه ان اذا ما تدارك اخته ما بتكون بعيده عن هـ المرض ، كانت جود تطمن عليها كل يوم وتجي عندها الى ان يرجع سهاج من دوامه اللي استأنفه بعد ما كان في اسبوع اجازه قدم عليها بعد الظرف اللي صار وعشان يكون قريب سوار اللي اضطرت تقدم على اجازه اسبوعين بسبب حالتها ماكانت تقدر تركز في شغلها بذي الحاله وشاهر وعزام و جسار جميعهم اُحيلو لسجن
—
جالس يشرب قهوته ويسولف مع رسلان بخصوص القضيه و رفع جواله اللي دق بأسم بتال يرد ببتسامه : ارحب
بتال بتوتر: هذال الحق مصيبه
فز برعب: خير علامك !
بتال: احمد
عقد حواجبه : تتكلم بالقطـّاره شفيه احمد علامه!
بتال: قرصته حيه وديته للرياض للمستشفى بس خايف يموت وابتلش
هذال بصدمه: حسبي الله عليك تفاول على الرجال وينكم اي مستشفى!
بتال بوهقه : مستشفى الـ** اسمع لا تعلم ابوي والله بينصرع
هذال: عساك تنصرع انت بسم الله على ابوي تفاول عليه انت اللي لسانك مفلوت ياويلك لو علمت احد قفل جايك الله ياخذ ابليسك
ناظره رسلان معقد حواجبه: علامكم !!
تنهد يرفع يده على ملامحه : احمد قرصته حيه وبتال الخبل ما يعرف يتصرف بروح اشوف وش وضعه
رسلان : طمني
وصل هذال عند الباب ورجع لف عليه وهو يحك راسه : رسلان امكن انزل الديره امر اهلي اسلم عليهم
رسلان عض شفته: واذا سئلو عنك !
هذال: دبرني يامحزمي دبرني
رسلان ببتسامه: ابشربي خرج متوجه للمستشفى

النجمه يانجومي 🙈💫