العمر مع جنابك و العمر معك ما امله

" البارت الـ 24 "

مسائوووو ، حبايب زُحل وصلنا العشرين الف و عقبال الـ ١٠٠ الف ، اسفين على التأخير🩷🩷
—

قرأه مُمتعه للجميع ⭐️🩵🩵🩵
البارت الـ ٢٤  ⬇️⬇️
—

الديره'
رانسي : ايييهه يالدنيا من الديره لـ باريس يارب حياتي تنقلب الانقلابه ذي و اروح لندن
هذال : ابوي لا تنسى تشرط على السيف يوديها لندن
ناظرته بنص عين ينطق البدر ببتسامه : الله يفرحني فيكم كلكم
ناظرته رانسي : يبه ابي فلوس
ناظرها بتال: اي بس ذا اللي فالحه فيه فلوس كن ابوي مسؤل عنك دلع بنات
عضت رانسي شفتها بـ احراج وهي توقف و تتوجه لـ الداخل وناظرته زين بذهول : بتال!! بنتي م طلبت منك يومنك تنفلت عليها مثل الثور الهايج
بتال بذهول : وش فيه !! امزح هي زعلت ذحين ؟؟ وش فيها صايره حساسه !
روح بنص عين : وش رايك احرجتها اكيد زعلت ، وش اللي كن ابوي مسؤل عنك اذا ابوي مو مسؤل عنها من المسؤل !
بتال : الله وشفيكم علي صعدو الموضوع امزح معها
وقفت زين من نزلت دموعها تتوجه لـ الداخل : لا تمزح ذا المزح ترا بنتي ماهي عاله عليكم اذا ما تبون تصرفونها انا اصرفها و لا عاد تضغط عليها في موضوع الاب تتحس منه ، مشت من جنبهم تدخل
حذف هذال عليه نعاله : ولعنه يا بتيل انبسطت الحين يوم صيحت اختك و بنتها !!!
بكت ام نياف وناظروها بذهول و وقف هذال يقرب منها
يسلم على راسها : يمه وشفيك يا حبيبتي!
ناظرت ام نياف بتال : ليه يا امي؟ ليه على اختك وبنتها الضعيفه ! يولدي بنت اختك كنها يتيمه ابوها مافيه خير و يوم انها لقت ابوها في ابوك تقول لها الكلام ذا تجرحها يا امي عيب عليك يا بتال !
تنهد بتال بضيق: يمه والله اني ما اقصد والله اني امزح
البدر بهدوء : واحد يا بتيل محروم من المصروف اسبوعين يا حمار ، واثنين يا السلوقي لمن بنتي رانسي تاخذ من جيبك ريال ذيك الساعه فك فمك ومّن عليها ، وانا لو تطلب عيوني عطيتها ما تغلى عليها وقم يا حمار جيبها واعتذر منها ومن اختك قدامنا ، و ثلاثه لم عفشك من صبح ربي بكره وانت مستلم عند الحلال بدل احمد وان دريت ان احمد مساعدك بشيء ياويلك مني و ان جيت ولقيت المخيم وصخ انه نكدك لـ جاء الخميس انشاءالله وحنا بصحيه وعافيه الاقي المخيم يلق سمعت ابيه يلققق
ابتسمو هذال و روح بـ شماته وناظره بتال بذهول : يبه تكفى تكفى الا عند الحلال تكفى و بعدين عندي دوام مقدر عندي جامعه
البدر : العلم جاك قم خلصني
مسحت ام نياف عينها بشيلتها : والله انك تستاهل يا بتيل عشان تتوب انت و لسانك اللي متبري منك
—

جلس آسر و جود بجنبه وكل واحد خايف اكثر من الثاني وناظرهم مساعد و رفع حاجبه: علامكم !
دقته جود ينطق آسر : ابوي فيه موضوع ابي اتكلم معكم فيه
نزل مساعد فنجاله : انطق واضح ان وراك بلوه
غمض عينه يشد على يد جود ينطق بسرعه : انا تزوجت وطلقت وعندي ولد
ناظره مساعد يرفع حاجبه بعدم استيعاب ورفعت خلود فنجالها تشرب : فكنا من مقالبك السخيفه
ناظرهم آسـر بجديه يعتدل مساعد بجلسته : انت صادق !
هز راسه بالموافقه و شهقت خلود بذهول ونطقت : كيف يعني تزوجت وطلقت وعندك ولد كيف هاذي جات بـ ٤ سنين !
ناظره مساعد بعدم تصديق : انت تقوله صادق ولا تستهبل علينا لان لو انك صادق يـَ الآسر والله انك ما تمسي الليله
عضت شفتها جود يبلع اسر ريقه برعب ، و وقف مساعد بذهول وصرخ يهز المكان بصوته : صادق يعني !!!!!! تزوجت !!! ومطلق وعندك ولد !
هز آسر راسه بالموافقه يوقف : ابوي اسمع عذري تكفى
قرب منه مساعد يضرب على صدره : اقطع واخس ما ابي اسمع عذر تتزوج من ورانا يا آسر ! ليه موتى حنا يومنك تاخذ رايك من راسك بدون لا تشاورنا !!! والحين بعد م جبت ورع جاي تعلمنا كان سكت ياولدي كان سكت لين كبّرت ولدك و زوجته وخلّف وبعدين علمنا
جود : بابا حبيبي صلي عالنبي
التفت عليها و اعطاها نظره تكفيها تسكت وبلعت ريقها برعب تتحسب على آسر بداخلها
ناظرته خلود بقهر و عدم تصديق : وش اللي تزوجتها وليش طلقتها و وين ولدك لا تكذب يا آسر ماحنا رايقين لك !!
تنهد ونطق : تزوجت بريطانيه وطلقتها بعد ما جبت منها ولد اخذت ولدي منها لانها مو كفو تربيه
ناظره مساعد بسخريه تنطق خلود بغبنه : دامها مو كفو تربي ولدها تتزوجها ليش !! وماخذها من ورانا بعد و كافره اكيد؟ !!
ناظرها آسر يأكد شكوكها
يجلس مساعد ينطق: قم اطلع من بيتي وعيني لا تشوفك
ناظره اسر بذهول توقف جود : يبه لاا الله يخليك لو سمحت اسمع منه
ناظرها مساعد يلتفت له : ماعندي ولد متبري منك وانتي تدرين وساكته وان ما سكتي ذحين اطلعي معه ما عندي عيال
بكت خلود تترجاه : تكفى يا مساعد لا تسوي كذا هو غلط و يستاهل انك تعاقبه بس لا تتبرا منه اسمع عذره
وقف مساعد يخرج : اللي يتعداني ويسمع شور راسه يتحمل نتايج افعاله ، ورفع اصبعه يهدده ونطق لا ارجع و الاقيك سامع ! ان جيت ولقيتك يـَ آسر والله اني لا ارتكب فيك جريمه لأخليهم يقولون الفريق مساعد بعد ٥٩ سنه ذبح ولده
تنهد آسر من طلع ابوه يتوجه لـ امه يجلس جنبها : يمه تكفين سامحيني
ناظرته خلود بقهر تمسح دموعها : ليش سويت كذا بـ أيش قصرنا معاك إحنا بـ أيش قصر ابوك تسوي فيه كذا!
آسر: يمه والله ما قصرتو معي والله غصب عني خفت اقولكم ابي اتزوجها و ترفضون يمه كنت ورع ابو 25 سنه ما كنت احسب حساب افعالي ما توقعت ان بيجي يوم انحط بذا الموقف وتتركني و بجوفي ورع يمه ولدي عمره ٤ سنين تكفين وش اسوي انا معه لحالنا يمه كلمي ابوي طلبتك يا يمه والله اني تعبت من وضعي ذا خايف من الدنيا يا يمه خايف
وقفت خلود بتروح : اللي يبي الدح ما يقول اح يـَ آسر ما يقول اح تحمل نتايج افعالك
عض على شفته من تعدته يرفع نظره لـ جود اللي تتجاهل نظراته : وش اسوي ذحين وش اسوي!!!
رفعت يدها بٌ استسلام ، يتنهد بضيق ويستند بجسمه على الكنب
—