العمر مع جنابك و العمر معك ما امله

" البارت الـ 21 "

صباح الخييير يانجوم ، اشبكم على النجمه حبايب زُحل زعلانين عليها ؟ فـ البارت اللي قبل ! 😂😂 سامحوها البارت هاذا عشان خاطر زوزو بس 🪐🌷🌷🌷🌷
—

قراءه مُمتعه يا نجوم 🌷🌷🌷🌷
البارت الـ ٢١ ⬇️⬇️
—

رفع راسه لها وميل شفايفه : الحين ما ودك تغيرين العبايه ذي وتلبسين برقع؟
ناظرته بذهول: طبعاً لا هذال لو سمحت اخذتني من بيت بابتي كذا تتحملني كذا بدون ما تغير فيني حاجه لاني مراح أسمحلك !
هذال: وعاد ليش ما تلبسين اسود وش مقصر فيه الاسود يوم انك لابسه زيت دبر املا
تركت يده وهي تبي تخرج وضحك من بان فيها الزعل ونطق: خلاص اسف والله تعالي سُهاد !! بنت !! طنشته وهي تتوجه للباب وتحرك بشويش ومثل انه تألم صرخ ورجعت له بسرعه
سُهاد : هذال ايش!! انادي سهاج !؟
رفع يده لها ومن قربت منه وشبكت يدها بيده انفجر ضحك وحس بألم من شدة ضحكته
ناظرته بذهول ونطقت بقهر : تومتش هذال تومتش عيب مرا عيب ترا !!
ابتسم هذال: خلاص والله اسف
سُهاد بقهر وهي اكلت معاها: انا عبايتي دبر املا!!!
هز راسه بالنفي : يابنت الحلال والله امزح لكن اني منغبن و مقهور
رفعت حاجبها : الله الله ايش يقهرك و يُغبنك!!
هذال : اخواني وعيالهم والعايله كلها شافتك رجال انا ولا رخمه !
رفعت حاجبها ما تصدقه: ايش دخل !!!
هذال : المفروض ما يشوفون حرمتي ! ما عندي غيره عليك انا !!
تكتفت سُهاد : مالو داعي تغار في النهايه زواجنا مو حقيقي سته شهور وخلاص
ميل شفايفه وهو يناظرها من فوق لتحت ونطق : وبعدين غلقت الالوان لابسه عبايه خضراء و مسفع ابيض مضيعه اليوم الوطني!! انتي!
ناظرته بنص عين: ما يضحك ، بعدين يا ظريف هاذا زيتي مو اخضر عندك عمى الوان!! وايش ذا مسفع؟ تُقصد طرحتي؟؟
ضحك وهز راسه بالموافقه و ميلت شفايفها و تنهد وهو يستغفر و وخر لها مساحه جنبه و تاوه بألم: تعالي اجلسي
سُهاد : ليش تتحرك بيعورك ذحين انا مرتاحه وانا واقفه
ناظرها بهدوء : تعالي
بلعت ريقها وهي تقرب تجلس جنبه على نفس السرير ونطق هذال بتلاعب : ليش بكيتي !!!
شتت نظرها و نزلت راسها : خفت يسير لك حاجه بسببي
هذال : ارفعي راسك و انا بخير الحمدالله طيب ما علي خلاف لا تخافين ولاعاد تبكين
صدت براسها ورفع يده يشبكها بيدها ونطق :تبين تغيرين جو ؟
ناظرته وعقدت حواجبها ونطق : ابوي بنى مُخيم وشكله بيأجله عشاني بس اذا تبين تغيرين جو مراح يتأجل
هزت راسها بالنفي بذهول : لا طبعاً انتَ تعبان وقت ثاني
تنهد هذال : اهخ عندك رقم روح اختي؟
هزت راسها بالموافقه ورفعت جوالها تتصل وتمده عليه
هذال : الو روحي ابوي برا!
روح : ايوه احنا مشينا بس ابوي جلس عندك وعنده نياف
هذال: طيب دقي على ابوي يدخل عندي ابيه بموضوع
قفل منها والتفتت عليه سُهاد : هذال !!
هز راسه وتنهدت سُهاد تصد عنه ، و ثواني ودخل البدر و جسار معاه ، ابتسم جسار من شافها جالسه على السرير بجنبه وعضت شفتها من استوعبت ، جات بتنزل وشد هذال على يدها عشان ما تتحرك ونطق : ابوي كلمت عمي على المخيم
البدر : كلمته مير اني بـ أجله ليـ
قاطعه هذال: ابوي لا تأجله ولا شيء خلاص السبت والاحد اجازه مطوله محد عنده جامعه من اخواني ولا احفادك و باذن الله قدني قمت على حيلي اليوم وعمي باذن الله انه يقدر
جسار : ياولدي انتَ تعبان لاحقين ان شاءالله على الجمعات اهمشي تقوم بالسلامه
هز راسه بالنفي : انا بخير يا عمي ما علي خلاف اصلن ابي جو نظيف تعبت من اجواء البيوت ابي هواء ربي
ضحك جسار وتنهد البدر واشر جسار لـ سُهاد : نمشي يا بابا ؟
هزت راسها وهي تبتعد عنه بعد ما سلمت عليه وتتوجه للبدر تودعه وخرجو
ناظر البدر هذال وغمز له : كيف المعنويات !! اشوفها فوق السُحب بعد ما شفت بنت جسار صادقه رانسي ما كذبت ولاا مدلعتك بـ ورد بعد
ناظره هذال بذهول : ابوي !! مو انت بعد علي يكفيني احفادك استلموني , ضحك البدر و رفع راسه على دخلة نياف
—