""
قرب من السياره يناظر فالقزاز الخلفي اللي متدمر تماماً توجه لباب المعاون شاف شنطتها طايحه و طايح منها اغراضها وجوالها اللي اسفل المقعده أشر لخلف : عطيني قفاز وكيس ، التقط الجوال و المحفظه والشنطه وحط كل منها ف كيس توجه لباب السواق وصار يدقق على كل شيء شاف منديل طايح ، شاله بهدوء وعرف انه مستعمل التفت لـ خلف : خلف المنديل ذا مستعمل ما اعرف اذا كان لـ جسار او للبنت او للخاطف ابغا تسون تحليل DNA وتقارنه مع جسار واذا ما طابق ابحث مع حقين السوابق امكن يطابق مع احد وبالنسبه لـ اغراض البنات شيكلي ع البصمات وقارنها مع حقين السوابق حك دقنه وهو يتلفت حوله ويفكر كيف وصلت السياره لذا المكان ، شاف مجموعة مراهقين يلعبون مباراة بينهم اعمارهم تقريباً من ١٥-١٨
هذال: سلام عليكم
: ارحب عليكم السلام
هذال : شسمك انت !
: معاذ
هذال ببتسامه: عاشت الاسامي ليش م تلعبون يا معاذ !
معاذ : حنا احتياط ننتظر الشوط الاول يخلص وننزل الشوط الثاني
هذال: انتم كل يوم تلعبون هني !
الولد: ايه
هذال : ابنشدك عن السياره تعرف صاحبها؟
الولد هز راسه بالنفي: لا والله اصلن اول مره نشوفها في حينا ، لو تدقق حينا بسيط والسياره فارهه محد عنده مثلها ويوم شفناها واقفه استغربنا قلنا يمكن احد من قرايب اهل الحي
هذال: تخبر احد من الحي عنده كاميرات مراقبه على بيته
ضحكو الشباب وعقد حاجبينه و رد عليه واحد منهم: ياخوي تونا نقولك حينا بسيط شوف بيوتنا اغلبها شعبيه محد حاط كاميره
هز هذال راسه ومشى : حابكها صح ابن الـ** لكن مراح
تنهد ينطق بصوت عالي ياخلف
خلف: سم
ناظره بتفكير : كيف عرفتو ان السياره في ذا الحي !
خلف: والله صاحب البيت اللي وقفت السياره قدامه دق وبلغ ان فيه سيارة قدام بيته وما يعرفها عقد حواجبه واتجه لصاحب البيت
هذال : سلام عليكم كيف حالك ياعم
: هلا الحمدالله
هذال : ابي انشدك يوم بلغت على السياره م تعرف كيف وصلت هنا
هز راسه بالنفي : لا والله لها من الساعه ١١ الضحى واقفه هني وما عينت لها صاحب يوم اذن العصر وانها لسع واقفه و ذليت قلت ابلغ واشوا اني بلغت طلعت سياره مسروقه ربي نجاني
هذال : ماقصرت ياعم ، مشى راجع للمركز
—
نامت سوار عند جود وصحت جود قبلها ونزلت تطلب من الخادمه تسوي اكل وهي خارجه من المطبخ قابلت ابوها في وجها وابتسمت بوهقه
مساعد بهدوء: تعالي مكتبي ابيك
حكت راسها ونطقت بتوتر: اءء ابوي شوي بس بشوف سوار
مساعد : جود وانا ابوك ادري انك تتهربين تعالي ابيك بموضوع سوار ماهي طايره
عضت شفتها بوهقه تلحقه وهي متوتره من اللي بيقوله
جلس على الكرسي وتكلم بهدوء : راح ترفضين انك تساعدين جسار
طيرت عيونها وناظرته بذهول: لييششش!!!!
مساعد : لاني ابيك ترفضين !
جود: بس ابوي عمي جسار ما سوا غلط ويمديني اقنع الطرف الثاني يغير تفكيره ويتنازل !
مساعد: جود ياولدي اسمعي الكلام جسار ما لازم يطلع مبغا اتكلم اكثر راح ترفضين انك تتدخلين فيها
وقفت تناظره : طيب ابوي وش بقول لـ سوار هي حاطه املها كله علي ابوي تكفى
مساعد: راح تقولين حاولت ف ابو عزام ورفض رفض قطعي انه يتنازل وراح ينسجن جسار لمدة ٣ شهور وبعدها يطلع ماهي كثيره
حطت يدها على راسها : ابوي والله حرام
وقف بيطلع: انتهى النقاش
قربت منه ومسكت يده تجلسه على كرسيه وتوقف قدامه: ابوي صلي ع النبي طيب و اسمعني لنفترض اني رفضت تتوقع سوار راح تسكت! ابوي م تعرف سوار و عنادها ! واح توكل محامي ثاني !!
هز راسه : على م توكل محامي ثاني قد جسار امسى فالسجن
شدت شعرها بغبنه : يبهه ليش ليش!!
مساعد : اسمعيني زين اللي عندي قلته مابي كثرة كلام والمركز لاعاد تدخلينه دام مالك عازه عندنا ياحبيبتي فهمتي يابوي ؟ والحين ابيك تروحين لـ سوار وتقولين لها بكل هدوء ولا تفجعين البنت ان ابو عزام رفض وان سكت شوي ورجع تكلم اختها سهاد انخطفت
شهقت برعب: انخطفت!!!!!!!!
هز راسه: قاعدين نكثف البحث عنها ان شاءالله بنلقاها بسرع وقت
لطمت خدودها و هي تدور ف الغرفه: ابوي مقدر مقدر بموت مقدر انقلها الاخبار ذي بتنهار البنت بتدخل العنايه علطول ابوي تكفا مقدر والله انت قولها والله مقدر
هز مساعد راسه : لاحول ولا قوة الا بالله الله يهديك بس خلاص انا اعلمها اول خليها تاكل وتهدا وبعدها ازهميني اجيكم فالصاله واعلمها والحين روحي لـ امك خليها تسويلي قهوه وتجيبها لي هزت راسها بضيق و خرجت ويدها على راسها وتكه وتنهار
-
عند سهاج بعد ما راح للبيت يريح حق ٣ ساعات ، و خبر الخطف اللي انكب على راسه مثل الماء البارد ركب سيارته متوجه للمركز وكان طول ماهو فالطريق يفكر كيف ينقل الخبر لسوار ولـ ابوه ما يدري ان مساعد اخذ عنه حِمل كبير عليه ، وصل المركز ونزل توجه لمكتب رسلان يدق الباب و سمح له بالدخول
سهاج: السلام عليكم
جلس سهاج وجه كلامه لـ رسلان : اقدر اقابل ابويا!
هز رسلان راسه: تقدر بس قبل لازم يكون عندك علم احتمال ابوك هليومين ينتقل لسجن لان ابو عزام رافض التنازل والمحامي لحد الحين م تحرك ، زفر بضيق وهز راسه وقام
عقد هذال حواجبه وهو يطالع في رسلان: ابويا!
ضحك بهدوء وهز راسه: ماهم من اهل الرياض من اهل جدة
عقد حواجبه: ووش جايبهم الرياض!
رسلان ابتسم : ما تعرف جسار الادهم؟
هذال عقد حواجبه وهز راسه بالنفي: منهو جسار الادهم غرد ياولد عمتي
ضحك رسلان: رقيب اول في هيئة الاستخبارات
طير هذال عيونه بصدمه: احللفففف !
هز رسلان راسه: ايه و يوم كان فـ جدة تعاون مع مكافحة المخدرات عشان يقبضون على وكر ساطي قبل سنه تقريباً وقدرو يمسكون كم شخص وكم وكر ولولا الله ثم جسار ماكان قبضو عليهم ساطي قدر يهرب ولحد الحين هارب ومسكو اللي متعاونين معه وهم اللي عطو علم ساطي للمكافحة ولـ جسار وبعدها جسار قدم نقل لـ الرياض عشان ولده وبنته اللي وظايفهم فالرياض وساكنين فالرياض من سنتين ولده دكتور جراح وبنته تصميم داخلي في شركة ** وبنته الصغيره تخرجت من قسم القانون قبل سبع شهور وجات مع ابوها والان باحثه عن عمل وجسار تقاعد قبل كم شهر
هذال بضحكه: ماشاءلله السيره الذاتية للعايله كلها عندك
رسلان يبتسم : افا عليك خبره
—
جلس سهاج بضيق : كيفك ابوي
حط جسار يده على كتفه: اشبك ياواد ! انا الحمدالله بخير ليه متضايق كذا !
سهاج: ابويا ضاقت عليا والله اتسكرت من كل الجهات تعرف ان سكت ورجع تكلم بهدوء سهاد
قاطعه وهو يهز راسه و يتنهد بضيق : ادري انخطفت وصلني العلم
سهاج بضيق: وش بيصير الحين! وانت ابوي اخاف م تطلع
جسار بهدوء: اسمع ياسهاج انت تعرف طبيعة شغلي؟ صح اني تقاعدت بس ما يمنع اني اساعد الدوله اذا طلبت مني هز راسه و كمل جسار: طيب اسمع راح توقفون تطلبون بالتنازل
رفع راسه بسرعه وذهول: ليش!!!!
جسار: لان طبيعة شغلي فرضت علي اني انسجن اعرف سوار مراح تسكت ووصلني كلام ان جود وهي اللي راح تمسك مشكلتي مساعد راح يتدخل ويسحبها ما تدخل انت عليك تسحب سوار بدون لا تعلمها بحاجه واما سُهاد البحث راح يكثفون البحث عنها وباذن الله راح يلقونها اليوم
عض شفته بغبنه وهز راسه: عندك علم السياره لقوها وسهاد مالها اثر
هز راسه: الله يجيب العواقب سليمه
سهاج : ابوي اخاف سهاد صار لها شيء ابوي والله قلبي مو متطمن احس قلبي بينفجر احس فيها شيء
يعرف جسار لان مشاعره ماهي بعيده عن مشاعر سهاج لكن يحاول يهدي داخله و يتجاهل فكرة انها ممُكن تتعرض لـ شيء خطير و يقاوم ويكابر وما يبغا يبين شعوره ضرب على صدر سهاج بيده : اذكُـر الله ياولدي ، ان شاءالله مافيها الا كُل خير وبنلقاها باذن الله انت اهتم بنفسك وبـ سوار ما اعرف كيف راح تتقبل فكرة خطف سُهاد راح تتعب ولكن انت انتبه لها وان شاءالله خلال ٢٤ ساعه الجايا راح نلقاها انتبهو لـ انفسكم ياولدي اخواتك امانتك ، قام سهاج بضيق وسلم على راس ابوه بيخرج
وقف جسار : سهاج
بلع ريقه وقف ولف على ابوه قرب جسار منه ياخذه بحضنه يطبطب عليه : لا تضيق ياولدي تفرج ان شاءالله ، اخواتك لا يعرفو سبب عدم التنازل خليه بينا وخلي بالك عليهم
شد عليه وهو يهز راسه بالموافقه بعد عنه وخرج
النجمه يانجومي 🙈💫
أنت تقرأ
العمر مع جنابك و العمر معك ما امله
Fiksi Umum" العُـمر مع جنابك و العُـمر معك ما امله " أبنة أسـتخباراتي سابق، يـأتي اليوم الذي ستـخطف بهِ من قبل أعداء والدها ، ليـكُـلف مُحقق ، معروف وجـيد ليحقق في قضية خطـفها ، ليشاء القـدر أن يـجمع بينـهم دون معرفتهم بـ بعض ، لـيكتشف بعد وقت أن الفتاه ال...
