صباحوووو ، عدد مُميز ! يعني بارت مُميز قريب مِن القلب ❤️🔥❤️🔥❤️🔥❤️🔥
'
ضيوفني على حساباتي ❤️
انستا : rwzohal_66
تويتر : rwzohal
تيك توك : rwzohal
—
البارت الـ ٢٦ ⬇️⬇️
رانسي: ابي اسوق طيب حنا في خلا وش فيها لو سقت !! بتحرموني حتى من السواقه!
روح : اي عشان تهدين مخيم ابوي وكلنا نروح تحت الكفرات
ضحكت جود: تبين اعلمك ؟؟
ناظرتها زين : لا ياعيوني لا تعلمينها ولا تعلمك بنتي و اعرفها مطفوقه ان ساقت عزالله بنطلع جثث بسم الله علينا
رانسي بيأس : جربوني طيب ! هي مره فـ العمر
صرخو رولان و روح : لاااا
دُرر: عادي السيف يعلمك فالمُستقبل
عضت شفتها رانسي تناظرها بذهول وضحكت دُرر بوهقه من استوعبت انهم مو لوحدهم و تنحنحت رولان : نقوم نتمشى طيب والله زهقت من الجلسه مافيه فعاليه مغير نشرب في ذا القهوه والشاهي واحس بتطلع من خشمي من كثر ما شربت !
سِوار : منجد سُهاد راحت مع زوجها تغير جو واحنا جلسنا مقابلين وجيه بعض
همست لها رولان : تبين اكلم رسلان يمشيك ؟
ناظرتها بنص عين : انكتمي بس
ضحكت رولان ، توقف روح يوقفون معها خارجين من المخيم
سِوار : ايوا حـ تقولو لنا مين هوا السيف ولا لا!!
ضحكت روح تعض رانسي شفتها ونطقت دُرر ببتسامه: السيف سياف اخوي زوج رانسي مُستقبلاً
جود ببتسامه : ماشاءالله مخطوبين يعني !!
ضحكت روح : لااا بس بنزوجهم مُستقبلا ان شاءالله
رولان ببتسامه :من و هم صغار يحبون بعض وسياف ميت عليها و خروف عندها على قولة بتال
ناظرتها رانسي بنص عين : احترمي نفسك الخروف انتي
روح : عشتو يعنني ادافع عنه فعلاً اثبتيلي الحين ان حتى انتي خروف مو بس هو
جود بضحكه : والعايله كُلها تعرف !!
رولان: قولي مين مَ يعرف حتى رواف البزر يعرف
دُرر : الصراحه كله من سياف المفضوح هوا اللي فضح نفسه واختنا فـ الله مـ
قاطعتها روح تكمل : مُغرمه صبابه من زمن جدي
ضحكو سِوار و جود تنطق سِوار : رنوس إشبك ساكته
صرخت رانسي من حست بـ الضغط تغطي وجهها من الاحراج : خلاااص
ضحكو عليها تتوجه الانظار لـ سُهاد و هذال وعقدت جود حواجبها بذهول : سِوار تشوفين اللي اشوفه
سِوار بصدمه : اوميقاد ماا اصدق
رانسي : والله انا اللي مَ اصدق الدلوعه الكتكوته الغنوجه سُهاد جنب الناقه ولا عقلي مظروب!!
روح : لا بالله اللي تشوفونه صدق بس خلاص خلوهم تعالو نروح لـ الضلع نجلس عليه
—
همس سياف لـ اخوه : هياف وربي عمي متوعدنا وانت ادرى بـ عمي هذال تكفى كلم جدي يسمع منك نوديه المطعم وش اللي نصلخه حنا تكفى هياف قبل يجي عمي
تنهد يوقف و يتوجه لـ جده : يبه تكفى طلبتك تكفى تهز رجال
ناظره البدر بنص عين : وش تبي !
هياف : يبه قل عطيتك اول !
البدر : اول علمني علامك
هياف بهدوء: ما نبي نصلخ الخروف خل نوديه المطعم يخلصونه بدري تونا عصر يبه ! علبال مَ يوذن العشاء قده جهز تكفى يبه
البدر : وانا مهبول اسلمكم عشاء ضيوفي!! معلم بتال من مبطيء يوديه للمطعم يجهزونه
ابتسم هياف يسلم على راسه : جعلني قبلك ياجدي طيب وينه الحين نروح نوديه انا وسياف
هز البدر راسه بالنفي : وداه بتال اليوم الظهر
عقد حواجبه : وكيف يقول عمي انتم بتصلخونه !
ضحك البدر : عارفكم رخوم قال يضحك عليكم
تنحنح هياف بفشله : ياجد والله حـ
قاطعه البدر : اقول اقطع بس قم مع السلق بتال والسيف قهوو العرب
أشر هياف على خشمه : أبشر ابو نياف على خشمي
'
سهت تناظر الفراغ قدامها من راحو عنها رواف و مساعد وبقى هذال لوحده يناظرها ، رفعت يدها لـ فمها تعض على اظافرها من تذكرت المكان وانه نفسه ، بلعت ريقها تهز راسها بالنفي من طرى على بالها الكلاب و اصواتهم تتوجه تجلس بجنب هذال اللي انتبه لها وشاف حالها كيف أنقلب في دقايق جلست ترفع رجولها وتحط راسها على رُكبها ، وترفع يدها على اذنها يرجف كامل جسدها يناظرها هذال بذهول يوقف على ركبته يقرب لها ما يصدق من ثبت كلام جسار له ، يمد كفه يمسح على شعرها يناديها بذهول : سُهاد !!
هزت راسها بالنفي ترفع عينها له و تطيح دموعها : بيخليني لوحدي مرا ثانيه بموت لوحدي فـ الصحرا
طالعها بذهول : منهو اللي بيخليك سُهاد وشفيك يا ابوي طالعني طالعني
شهقت برعب من سمعت صوت الكلاب تتلفت حواليها و تغطي اذنها و تغمض عينها : بيجي ذحين ساطي بيجي
سحبها لحضنه يمسح على ظهرها و يسمي عليها : مافيه احد لا ساطي ولا غيره سُهاد مافيه الا انا شوفيني
دفنت راسها بحضنه : لا تخلوني معاه بيرميني عند الكلاب و يروح لا تخلوني لوحدي ابغا بابا وديني عند بابا
ناظر حالتها بغبنه و وقف بهدوء يشيلها بين يده تتعلق بـ رقبته وتدفن وجهها في عُنقه ، يغمض هذال عينه من حس بألم مكان جرحه وتنهد بضيق يتوجه للخيمه الفاضيه
'
جود : افف يجنن المنظر خيااال الا بسألكم من ذاك الحلو ابو ثوب اسود !!
ضحكت روح : قاعدين ندورله عروس شرايك فيه
ناظرتها بنص عين : روح !!
ضحكت روح تنطق رولان : خالي تميم
ناظرتها دُرر ببتسامه : الا جود تدرين ان اللي طلعك من الحريق يوم ملكة هذال و سُهاد هو تميم
ناظرتها بصدمه : صدق !!
رانسي : ايي خلاص وجب نزوجكم والمهر على روح
روح : احس تم
ناظرتهم بنص عين : انكتمو بس
همست لها سِوار ببتسامه : نتزوج كلنا من نفس العايله اعجبني النظام وافقي جودي
دقتها في خصرها : انطمي سِوار انطمي
وقفت رانسي : صدقق على طاري تيمو بكلمه يجيب لنا دبابات
دُرر : من وين !
رفعت رانسي جوالها على اذنها : مدري بس تذكرون كشتت السنه اللي راحت هو جابها لنا
تميم : هلا رنوس
رانسي ببتسامه : تيمو لقينا لك عروس
ناظرتها جود بذهول وهي تحذفها بـ قارورة المويا تترك الكُل يضحك من قلبه ونطقت رانسي وهي تمسح دموع ضحكها : المهم تيمو نبي دبابات تكفى ياعيوني انت
تميم : تحسبيني نسيت؟ مَ انسى يا ابوي جايبها فالطريق ٧ دبابات جايه
صرخت رانسي : عاااش تيموو افضل جد وعم و خال فالعالم
ضحك تميم : اي عاد اهمشي تدورين لي عروس
ناظرت جود تغمز لها : موجوده عروستك معليك قفلت منه تلتفت لـهم الدبابات بالطريقق بسطه بسطه
—
أنت تقرأ
العمر مع جنابك و العمر معك ما امله
General Fiction" العُـمر مع جنابك و العُـمر معك ما امله " أبنة أسـتخباراتي سابق، يـأتي اليوم الذي ستـخطف بهِ من قبل أعداء والدها ، ليـكُـلف مُحقق ، معروف وجـيد ليحقق في قضية خطـفها ، ليشاء القـدر أن يـجمع بينـهم دون معرفتهم بـ بعض ، لـيكتشف بعد وقت أن الفتاه ال...
