العمر مع جنابك و العمر معك ما امله

" البارت الـ 14 "

تنويـه قبل نبـداء ☄️
راح نوقف هـ الاسبوع البارتات و نكمل يوم الخميـس بأذن الله ، ياليـت تتفاعلو بـ النجمه و الكومنت فـي هـ البارت و البارتات السابقه ، نبـي ندخل خمسه الاف قبل الخميس نقدر ؟؟؟؟  مو صععب عليكمم يا نجوم زُحـل تقدرون🌷❤️‍🔥❤️‍🔥
'
تعالووو حساباتي عشـان تعرفون متى الوقت اللـي راح انزلكم فيـه بارت ، لأني اعطي خبر قبـل انزل عشان تكونون قريـبين 🌷❤️‍🔥❤️‍🔥

انستا : rwzohal_66
تويتر : rwzohal
تيك توك : rwzohal

—

البارت الـ ١٤ ⬇️⬇️

بعد يومين ، في بيت جسار '  5:30 عصراً '
جود بذهول: خطبك!!!!
هزت سِوار اكتافها : خطبها خطبها المُحقق سوبر مااان مثل ما تقول اخته غمزت لها وصارت تغني يادبلة الخطوبه عقبالنا كُلنا
جود بعدم استيعاب: وسفرة جدة والطايف!!!
سوار بغمزه: بتسافرها مع العريس
جود بضحكة : اما عاد شهر عسل والطايف تستهبلين !!
انفجرت سوار ضحك : لااا ياغبيه قصدي نروح كلنا سوا ويجي معنا عشانها فهمتي!
رفعت جود يدها : عجيب واشوف ام نياف امس تقول بها هاه ، لا حبيبتي هاذي يبغالها احتفال جيبي السماعه بسرعه
سِوار بغمزه : اي والله وعشان كذا رانسي تقول بتصيرين صاحبة البيت
طنشتها وهزت راسها بالنفي: لااا ما وافقت اجلسي ماني موافقه مراح اتزوج
سوار : حبيبتي هاذا اذا ما تبينه عطيني ياه مو ترفسين النعمه
سُهاد بنص عين : سِوار ! تومتش ومين اللي تقول لبابا مرفوضه يامعلم
غمزت لها : افف تغارين من الحين!
طنشتها سُهاد ووقفت جود وهي تاشر لهم : اقول بلا كلام فارغ سوار هاتي السماعه اليوم انا الي بطرد سهاج من البيت ، شبكت سِوار السماعه وسحبت جود الطرحه وهي تلفها على خصرها وصرخت : رقصني ياقدع
وسحبت سوار الوشاح اللي فيه هلل ربطته على خصرها وصارو يتمايلون على الاغنيه
النهارده فرح يا جدعان عايز كلو يبقى تمام لقيتها ماشية مشيت وراها قلت لازم أعيش معاها عارفين قلتلها ايه ؟
صرخو بحماس : ااايييههه
وقفت جود على الطاوله وهي تتمايل بطريقه مُبهره
وضحكت سُهاد عليهم وهي تصفق لهم
—
في مكان اول مره نزوه '
: سالم مراح يعترف
حمد : ووش دراك!
ساطي: سالم سايكوباثي يحب يجنن اللي قدامه يراوغ كثير ويستفز كثير وما يعترف لين تيأس منه وهذال ماهو من النوع اللي يستسلم وممكن يجيبون محقق ثاني واذا جابو محقق ثاني احنا نتصرف
حمد : قبل يومين كنا بنخطف اخو رسلان لكن ما زبطت
ساطي يهز راسه: ما تزبط يا حمد اذا خططت تخطف بذي الطريقه ، لكن الموضوع مراح يمر مرور الكرام الاربع عوائل راح العب في حسبتها لعب جسار بذات
حمد بخبث: انا معك ياساطي لو تقول ارمي نفسك في النار رميتها
ساطي : اعرفك يا حمد اذا غيرو المحقق ارسل احد يخلص على سالم
حمد عقد حواجبه : سالم منفرده كيف! 
ساطي : اكيد يطلعونه منها وقت يجيبونه لتحقيق !
حمد بضحكة مليانه خبث : بووم يعني ! بيروح كثير من الحكومه
ساطي بغمزة : زيادة الخير خيرين
—
رسلان بذهول: خطبتها!!
هز هذال راسه بالموافقه وهو يزفر دخانه : علامك !! وجهك منفجع
رسلان: هذال تستهبل ! كيف ومتى ؟
هذال : ما استهبل و منجدي وامس ابوي كلم ابوها وننتظر ردها ادع انها توافق 
كتم ضحكته : اشوف بغيت تذبح سالم يوم جاب طاريها اثاريه من محبه والله اعلم وش همسلك يوم هجت عليه مثل الثور
ناظره بنص عين: اقطع لا تجيب سيرته غاثني ابن الكلب للحين ، و انت تعال تحسبني ناسي وجهك امس دخلت بوجه وظهرت بوجه وش شايف؟
استند رسلان على كرسيه وهو يتذكر عيونها وشعرها اللي يوصل لين اسفل ظهرها وكثافته ولونه الاسود ولونها البرونزي جمالها خصرها فستانها الابيض اللي كان ماسك على جسمها وراسم خصرها وبعدها يفلت من تحت ، تذكر كل تفصيل فيها ابتسم يتنحنح وهز راسه بالنفي : من يعلم مستريح الريح عن فوضى شعرها الحرير اللي كسى هاك المتون العسجديه علموه ان مازح الغره ونشد عن قمرها لايخاف انشافله ظلما وشاف الشمس حيه
هذال بذهول : اسلم ابو عقاب
ضحك رسلان : مابي شيء يتراولك
هذال : اقطع يدي شفت اقطعها من هني وهو يأشر على يده اذا ماكنت شايف لك شوفه يا رسلان مير معليه وانا اخوك اللي في القدر يطلعه الملاس
رسلان : اقول انكتم بس وقوم خلنا نروح نشوف الموضوع حق امس وش سوو فيه
—
السابعه مساء في مكتب جسار اللي في بيته دق الباب وسمح بالدخول ، فتح يدينه لها : هلا حبيبت بابا تعالي
توجهت سُهاد للكنبه اللي جالس عليها وجلست بجنبنه وحطت راسها على صدره ، مسح على راسها وابتسم: عيوني يابابا قولي لي؟
سُهاد بهدوء: فكرت بابا استخرت خمس مرات وماحسيت بحاجه
جسار: ايش يعني ما ارتحتي؟
رفعت اكتافها : ماعرف مافيه شعور انتَ ايش رايك
ضحك جسار: مو انا اللي حتزوج يابابا انتي لاكن اذا تبي رايي هذال رجال والله ماقد شُفت منو الا كُل خير وانا ماعرفتو الا قريب وسئلت عنو وكلهم يمدحوه وكفايه انو ساعدك ورجعك ليا بعد الله وانتي شُفتي اهلو كيف كويسين؟
هزت راسها بالموافقه: ايوا مرا كويسين بالذات مامتو و اختو الصغيره حبيتهم مرا
جسار: يعني !
سكتت لـ ثواني وبعدها نطقت : خلاص تمام بابا موافقه
جسار: من قلبك يابابا؟
هزت راسها بالموافقه وابتسم جسار يمسح على راسها
جسار: ايش يعني وردتي حتتزوج ذحين !
دفنت وجها بحضنه بحياء : بابا !
ضحك جسار  قبـل راسها يرفع جواله يرد على والد هذال
—
الديرة
فتح بتال الباب اللي كان بيتكسر من الضرب عليه
بتال : ولعنه انهبلت تدق كذا تبي تكسر باب بيتنا !
هذال ببتسامه: مزاجي رايق ماني معكره و بسببك فارق عن وجهي ووين ابوي !
طنشه بتال ومشى متوجه لـ الداخل و مشى هذال وراه واول ما دخل انطلقت الزغاريط من زين وام نياف ، و روح ورانسي كانو يتمايلون ويرقصون بشعرهم ، ضحك عليهم وتوجه يسلم على راس امه وابوه
رانسي : ارحب خالي العريس والله اختيارك يطيح الطير من السماء وش ذا الزين اللي طايح عليها ! زهره زهره تهبل
ناظرها بنص عين: لا تمدحين حرمتي قدام اخوي عيب
روح : عشتو الله اكبر هي متى لحقت تصير حرمتـ
قطع عليها الباب وزفر بتال بضيق: ماني قايم ماني قايم هذال قم افتح انا ماني رايح
هذال : انا عريس وتخليني افتح الباب!
البدر : ومن بيجينا الحين نص الليل !
قام هذال و توجه للباب يفتحه وعقد حواجبه من فتح الباب وشاف اللي قدامه
رفع حاجبه يناظره : عبدالعزيز ! ارحب حياك الله تفضل دخلو وتوجه للمجلس وتوجه هذال لداخل البيت
هذال: سوو قهوه بسرعه ابوي تعال انت وبتال عند الرجال
البدر: منهو ؟
هذال : عبدالعزيز
كشر بتال : ماني رايح مقابله ما اطيقه ولا اطيق وجهه
البدر : قم بلا كلام فاضي يله مشينا كلنا بنروح
التفتت عليه برعب: وش يبـي!!!!!
هذال : وش دراني سوو قهوه يله و لخصلتو القهوه جيبيها يارنوس
رانسي: امي !! ايش يبـي ! مستحيل يجي على خير
زين : ان شاءالله خير ، روح قومي سوي القهوه وخلي رانسي توديها توجهوا للمطبخ وقلبها بيطلع من مكانه
التفتت عليها برعب : تخيلي ياخذني !
روح : مستحيل ابوي يخليه مو على كيفه
رانسي : طيب ليش جاي ذحين وش يبـي !! و نص الليل بعد !
—
في المجلس '
البدر: حياك الله يا عبدالعزيز مطول الغيبه !
عبدالعزيز بدون نفس: اي هاذاني جيت اسلم عليكم واخذ بنتـي معي
رفع بتال حاجبه: تاخذها !! وين تاخذها!
عبدالعزيز: بنتي ليكون بتحرموني منها !
البدر بهدوء : محد حارمك من بنتك مير بنتك توك تذكرها من يوم خذت امها الحضانه قبل سنتين ما نشدت عنها حتى مصروف ما تعطيها وانا وخوالها اللي نصرفها ولا طالبناك بريال والحين جاي تاخذها!
عبدالعزيز:تمن علي ياعمي !
البدر: ابد رانسي بنتي مثلها مثل روح مير المقصد انك م تدري عنها والحين جاي تبيها!
عبدالعزيز: فالنهايه انا ابوها والحين بنتي كبرت باخذها تعيش مع اخوانها وتتعرف عليهم
شد بتال على قبضت يده بقهر: مالك بنت عندنا
عبدالعزيز : كلامي ماهو مع الوراعين عمي كلامي معك الله يعطيك العافيه انا ابي بنتـي
التفتو على صوت الفناجيل و القهوه اللي طاحت من يدها و هزت راسها بالنفي
رانسي برعب : مستحيل وش اللي ابي بنتي ! دوبك تتذكرني ما ابيك انا ما ابيك
عبدالعزيز: هلا حبيبتي هاذا استقبال تستقبلين ابوك فيه تعالي سلمي علي وبعدها روحي جهزي اغراضك بنمشي
هذال بهدوء: عبدالعزيز انا ساكت من اليوم ما هرجت احسبنك تستهبل لاكن شكل موضوعك جدي ! البنت مراح تروح مكان والحضانة لأمها واذا عندك كلام روح قوله للمحكمه مالك كلام معنا
وقف عبدالعزيز : مو على كيفكم بنتي باخذها غصب عنكم كلكم يال سطام وان ما اخذتها الحين بجيب الشرطه واخذها غصب عنكم
وقف بتال : اعلى ما بخيلك اركبه مالك بنت عندنا واطلع برا
صرخ البدر يهز المجلس : بتال ! اقطع ، وانت يا عبدالعزير اقعد نبي نتفاهم بنتك كانك تبي تشوفها انا سامح لك كانك تبيها تطلع معك وتاخذها كل خميس وجمعه بعد سامح لك  لاكن تاخذها وتعيش تحت يد حرمه ثانيه غير امها هاذي تبطي عظم يا عبدالعزيز ما وافقت لك عليها
رانسي بدموع: جدي ما ابي اروح لا خميس وجمعه ولا غيره ابي اقعد عند امي
عبدالعزيز: مو على كيفك مثل ماهي امك انا ابوك ولي حق فيك مثل ماهي لها حق فيك
بكت اكثر وتوجه لها بتال ياخذها بحضنه ويطلع معاها متوجهين لداخل وتكلم هذال بهدوء
هذال: عبدالعزيز طولتها وعطيناك وجه وانت لا تحترم ولا تقدر حتى ابوي ما احترمته ولا احترمت شيب وجهه والحين اقطع واخس واطلع برا مالك عندنا بنت فارق يله واللي ما تطوله بيدك وصله برجلك انقلع
عبدالعزيز : راعين عيب والله اني ما اعديها لكم و بنتي باخذها غصب عنكم ، طلع وهو يتوعدهم
هذال: بجيح يعيب علينا والعيب فيه !  هاذا والله الباطل صدق ولا يتحدانا قليل الحياء
تنهد البدر بضيق: البعير ما يشوف عوجة رقبته ياولدي
طلعو متوجين لداخل وكان الوضع مكهرب كانت زين تمشي وتدور ورانسي تصيح في حضن جدتها و روح وبتال كل واحد فيهم ماخذ زوايه ويهز رجله بتوتر دخلو وناظر البدر حالهم وعقد حواجبه : علامكم !
التفتت عليه زين برعب : يبـه وش يبي المهبول ذا صدق بياخذ بنتي مني ؟
البدر : يخسي ياخذها وراسي يشم الهوى مير معه جنيه مع ذا الليل موزيته علينا معليك منه يا بنتـي مغير هرج السعه و كلام الليل يمحيه النهار ارتاحي انتي
التفت هذال عليها من شافها تصيح ينطق بحنيه : رنوس ياخالي لا تصيحين وانا خالك معليك منه ما يقدر يسوي شيء خراط ما عنده سالفه
شهقت بدموع: لا تخلونه ياخذني مابي اروح معه
هذال بحميه : والله ما يخذك وحنا خوالك وعيال البدر
و مثل ماقال خالك بتال اعلى مافي خيله يركبه
ناظرته وهي تمسح دموعها : الله يخليكم ليا ولا يحرمني منكم
جلس البدر و ناظرها ببتسامه : ويخليك لنا يا حبيبت جدها
ميلت روح شفايفها بغيره : ابوي انا حبيبتك بس
كشر بتال : كلن على همه سرا
البدر بضحكة : وانت يا هذال متى تبينا نروح ونخطب رسمي
هذال ببتسامه : بكره
التفتت عليه روح بذهول: اقول يله بس بلا استهبال قال بكره
عقد هذال حواجبه : ليه وش فيها !
ناظرته ام نياف بنص عين : اقول استح على وجهك وش اللي بكره ، يبيلنا نروح ناخذ للبنت هديه ما يصير نطب عليهم ونقولهم بكره عيب اكيد ان عندهم تجهيزات
هذال : اجل وشو !
زين : خله يوم الخميس قد هم استعدو واحنا استعدينا ابوي بكرا عطهم خبر ان الخميس بنجيهم ونخطب رسمي وبعدين الخميس بعد ثلاث ايام قد زان كل شيء
هذال : ومتى الزواج ؟
ام نياف بذهول: انا بنت ابوي !! ياولد انت وش مطيرك البنت وخطبناها لك والامور طيبه وش معجلك اركد
ميلت روح شفايفها : اي والله قال متى الزواج حبيبي لسا فيه خطبه وتحاليل وعاد ما ندري هي تتوافق ولا لا وفيه وعقد و شبكة و بعدين الزواج ولا ابشرك الحين البنات طايحين في توديع العزوبيه و دام سُهاد بنت هاي هاي اكيد بتسويها واذا تطلقت منك تسوي حفلة طلـ
صرخت من العصى اللي ضربت في كتفها من البدر
اللي ناظرها بنص عين : تفاولين على اخوك وحرمته اعوذ بالله من فالك  
عض هذال شفته وتنهد لأن الواقع المُر يقول أن هاذي الحقيقه اللي ما منها مفر
نطقت روح وهي تمثل الحزن: افا ابو روح تضربني
بتال: الحمدالله يارب انصفتني واخذت حقي منها
هذال : اقول بلا هرج وكلام فاضي خلاص ابوي قولهم الخميس بنجيهم

النجمه يانجومي 🙈💫