صباح الخير يا نجوم ، يوم جديد و عدد جديد وسعاده مِن اعلى لـ اعلى 🌷🌷🌷
اتمنى لكُـم قراءه مُمتعه 💗💗💗🌷
—
في الديره '
قربت رانسي من البدر اللي جالس على الارض وجلست على الكرسي وراه وهي تبعد طاقيته عن شعره وتبوس راسه وتخرج الشباصه اللي في شعرها وتحطها في شعره و نطقت ببتسامه : يبه ليش شعرك طويل؟
البدر : من يومني ورع وانا هذه شعري هاذا اللي خلى ام نياف تحبني
صرخت رانسي بضحكه وهي تحاوط رقبته من الخلف وصفر بتال وغمزت روح لـ ام نياف اللي استحت بسبب وجود تميم بينهم وصفقت رانسي وهي تغني: رقص شعرك على متنك ورقصت قلوب الكل وغمزت لـ ام نياف ونطقت اولهم قلب القمره يا بدوري ، ضحك البدر وابتسمت زين براحه على نفسية رانسي اللي بدت تتحسن ، من اخذها ابوها ونفسيتها انعدمت كانت حتى النوم ما تنام اللي في حضنها
رانسي ببتسامه : يبه وش رايك تبني لنا مخيم الاجواء تفتح النفس
اشر على خشمه : ابشري على خشمي قوم يابتال نادلي احمد يدور لنا من يبنيه
انسدح بتال: ليش انا اقوم ! اتصل عليه يجيك ابوي ولا خل اللي تبي المخيم تتصل على فاطمه !!
ناظره بنص عين : قم قم ماعندي غيرك رجال
ضحك واعتدل في جلسته : يعني الاستاذ اللي قدامك وشو ماهو رجـ
حذفه تميم بعقاله: تعقب والله اني ارجل منك قم اسمع كلام ابوك يا ورع
روح: تستاهل كفو عمي توتو انت احسن واحد بالدنيا بعد ابوي طبعاً
التفت لها البدر بذهول : وشوو !! كبر الثور وتقولين له توتو
ميل تميم شفايفه : انا وش دخلني الحين تقول عني ثور وش اللي ثوّرك علي! لا تسلط علي فكني من شرك تسلط على عيالك الوراعين وبعدين قبل شوي رنوس تقولك بدوري ماشوفك قلت لها شيء ولا حلال عليك الدلع وحرام علي
البدر بنص عين: رانسي قالتها بلغلط ما تقصد ناظر برانسي اللي هزت راسها بالموافقه ونطقت : صحيح
البدر : وبعدين كانك ما تدري تراك ولدي انا اللي مربيك سنك من سنين زين لا تهايط على الوراعين وانت منهم
صفر بتال : عطيهه عاش ابو نياف
تميم بنص عين : بنتك عجوز انا توني بداية الثلاثين لاني شايب ولاني ورع
كشرت زين : ايه تسلط ابوي عليك الحين بتسلط علي
رانسي : اقول انتبه لنفسك ميمو الا امي ما اسمحلك
كشر تميم وضحك بتال على تكشيرته وابتسمت زين ترسله بوسه فالهوى وتوجه كلامها ل ابوها : ابوي وش رايك بعد ملكة هذال تسوي عزيمه فالمخيم وتعزم ابو سهاج و ابو جود بعد
البدر ببتسامه: ماهي بشينه الفكره تم باذن الله
ام نياف: وش صار على بنت جسار ؟
تنهد البدر : يقول هذال لسع يحققون في قضيتها عندهم محكمه يوم الربوع الله يفك عنها ان شاءالله
تميم : مسيكين جسار تعب في حياته ما يدري يلقها من بناته ولا سجنه كل شوي طالع له بلا الله يعينه ويخليه لعياله ويخلي له عياله
قربت روح من فهاد اللي كان منسدح ولا يدري عن شيء ورفعت يدها تمسح على خده وتبوس راسه وهي تناديه : جدوو يا فهاد يابو فجر
فز فهاد : لبيه يا يافجري لبيه يابوي وشلونك
ضحك تميم: روح لا تثورين ابوي الحين منين نجيب فجر وهي باخر الدنيا ان تذكرها الحين عزالله ما نمنا لين تجيه
رفعت صوتها روح : اي عادي يجيبها السيف ماعنده جامعه بكره
قرصتها رانسي وابتسم بتال يناظرها : ايه على طاري سياف ماشاءالله عليه من سير علينا عبدالعزيز وهو ما يهجد مغير يدقدق ادوخنا
ضحك تميم : يتطمن على عازته
وقفت رانسي وهي تسحب روح وتنفض عبايتها : امي بنروح عند الغنم
روح : بشويش قايمه لا تجريني كذا كني معزه
بتال: وانتي وشو ؟
البدر : محشومه بنتي المعزه انت و قم نادلي احمد لا تغير الموضوع وقف بتال وهو يتحلطم و يتوجه لـ احمد والبنات توجهو للحلال
—
أنت تقرأ
العمر مع جنابك و العمر معك ما امله
General Fiction" العُـمر مع جنابك و العُـمر معك ما امله " أبنة أسـتخباراتي سابق، يـأتي اليوم الذي ستـخطف بهِ من قبل أعداء والدها ، ليـكُـلف مُحقق ، معروف وجـيد ليحقق في قضية خطـفها ، ليشاء القـدر أن يـجمع بينـهم دون معرفتهم بـ بعض ، لـيكتشف بعد وقت أن الفتاه ال...
