العمر مع جنابك و العمر معك ما امله

" البارت الثالث "

بعد دخول جسار لتوقيف ب ساعه
دخل بكُل هدوء : شلونك يا جسار !
جسار ببتسامه : ارحب حي الله ابو جود بخير الحمدالله وانت شخبارك
مساعد: الحمدالله اسمع واناخوك دامك دخلت هنا ودك تكمل جميلك؟
جسار عقد حاجبه :كيف!
مساعد: اسمع يا جسار انت عارف ساطي وربعه وفيه منهم داخل السجن ينفذون طلبات ساطي ويتعرضون للمساجين اللي لهم سوابق مع ساطي وغيره فيه شخص عنده علوم ساطي كلها بس مو راضي يعترف ابيك تتعرف عليه وتاخذ العلوم منه شقلت!
جسار يحك دقنه: تبيني جاسوس يعني !
ضحك مساعد وغمز له : يعني تقدر تقول
ابتسم جسار وهز راسه : طيب و عيالي!
مساعد: عيالك فالحفظ محد راح يتعرض لهم
جسار بهدوء: جاني علم ان ابو عزام راح يتنازل بذات بعد ماعرف ان دم ولده مو نظيف
مساعد هز راسه: راح نتفق معاه مَ يتنازل لو ايش م صار حتى لو اضطر الوضع ندفع له اساساً الولد م يقدر يطلع بسبب دمه الغير نظيف لكن يقدر يرفع عليك شكوة انك تعرضت له وكسرت خشمه فهمت علي
جسار ابتسم : يعني بتخلي ابو عزام يرفع شكوه ضدي !!
مساعد ببتسامه : حليتها قبل اجيك
جسار عقد حاجبه : كيف!
ابتسم مساعد وهي يحكيه
قبل ١٠ دقايق كان مساعد ورسلان جالسين فالمكتب
دخل ابو عزام بهدوء وجلس : انا راح اتنازل عن الرجال مابي مشاكل وولدي هو الغلطان وغيره الولد دمه مو نظيف يعني ولدي كذا ولا كذا السجنه فظهره فالرجال اللي كسر خشمه المفروض اني اسلم على راسه مو ارفع شكوه عليه
مساعد طالع ف رسلان ورجع طالع ف ابو عزام : مراح تتنازل
ابو عزام ناظره: ليش انا مابي مشاكل مع احد ومراح استفيد شيء من شكوتي للرجال !
مساعد: مراح يجيك مشاكل بس برضه مراح تتنازل امكن يجون عياله يطالبونك بالتنازل راح ترفض او تحط شرط تعجيزي
حك ابو عزام دقنه: ليش لازم اسمع كلامك !
مساعد ببتسامه : تقدر تعاند الحكومه يابو عزام؟
بلع ريقه : لا والله خلاص ابشر قام وخرج
جسار بهدوء: بس اعرف عيالي بيسون كل شيء لو يوكلون محامي وبنتك الاقرب ولا ناسي
مساعد هز راسه : محلوله بس اهمشي انت تنتقل لسجن وحاول م تفضح نفسك
جسار ببتسامه مع غمزه: انا افضح نفسي يافريق
ابتسم و هز مساعد راسه بالنفي وقام خرج
بعد مرور ساعه دخلت القسى ببتسامه و دقت الباب و سمح لها بدخول وقفت سوار تستقبلها ببتسامه: كيفك سوري وكيف سوسو
سوار ببتسامه باهته: مو كويسين سُهاد مختفيه م اعرف فين و ياخوفي تطلع مخطوفه او مو كويسه صاير لها حاجه م اعرف جودي م اعرف
التفتت عليها بذهول : ايشش !! كيف مخطوفه انتي منجدك!
سوار تنهدت : مو موضوعنا سهاج يهتم بموضوع سهاد جودي جبتك هنا عشان بابا
عقدت حواجبها: اشبه ابوك؟
سوار : تهاوش مع واحد ودخل التوقيف وصارت كمان مشكله جوة التوقيف وبابا كسر خشم الرجال وجا ابوه ومو راضي يتنازل الا ب خمس مية الف !
فتحت عيونها بصدمه: نعم !!! خمس مية الف ريال!!!
سوار تناظرها: لا دولار جودي تستعبطي !! اكيد ريال
جلست جود: وعاد عساه يستاهل يوم طالب ذا المبلغ
سوار بغبنه : جودي!!
جود ببتسامه : ابشري بطلعه لك والـ
دخل بهيبه ووقف رسلان يدق له التحيه وتنهد بداخله من شافها وتكلم بهدوء : وش تسوين هنا !
حكت حواجبها وهي تطالعه وقامت بكل هدوء سلمت على راسه تحت نظرات الاستنكار من رسلان
جود ببتسامه : شلونك يبه !
رد عليها مساعد وهو يجلس و يسوي نفسه ما يدري عن شيء : طيب وش تسوين هنا!
—
وقف سيارته ونزل وهو يتأمل الحلال ويضحك على هياف اللي طالع مع فتحة السياره ويصور الحلال ويرجع يصور نفسه ويصوره زهم بصوت عالي : ياا احمد ياولد
طلع احمد وهو يحاول يخفي توتره: ارحب سم ياعم
قرب له هذال ببتسامه يسلم عليه : وشلونك يا احمد شخبارك مبطي عنك انت طيب ناقصك شيء محتاج شي؟
احمد ببتسامه: سلامتك ياعم انا طيب وماني محتاج الحمدالله الشايب مو مقصر معنا الله يحفظه
هذال ابتسم: امين امين سرحت بالحلال؟
هز راسه : سرحت و دوبني جيت
طالع في هياف وعقد حواجبه: ياعم هذال هاذا ليش جايبه معك وانت تدري انه م يقرب الحلال يعني ما منو فايده
ضحك هذال : اييه النيه رسلان مير الله المستعان ناظره وصرخ ياهيااف انزل عواني
هياف حك حاجبه: ياعمي احمد عندك يعاونك
رفع حاجبه بذهول : وانا جايبك معي عشان احمد يعاوني! احمد بيقعد يسويلنا قهوه الحين مو فاضي انزل خلصني
هياف بوهقه : خلاص انا بسوي القهوه واحمد يعاونك
هذال بصبر: تعقب ما خليتك تسوي قهوتنا تبيني اشرب ماء بدل القهوه ولا بتشربني قهوه كلها حثل انزل ولا والله ان اجيك و اجلدك رجال وش كبرك تخاف ! ليت سياف فيه على قل عقله الا انه ماهو بخواف مثلك
مثل هياف الضيق: افا ياعمي هاذا وانا اقول عمي هذال الـ
قاطعه بعصبيه : انطم وانزل اخلص
توجه احمد للخيمه وتوجه هذال لشبك النياق يحلب الناقه قرب هياف منه وفتح كاميرة جواله ويصور فديو وجه الكاميرا لـ هذال ، هياف ببتسامه: شوفوو ياهل الستريك هاذا عمي هذال الكفو يجيب لنا حليب من البعير
ناظره هذال بذهول : اعقب وانا اخو رسلان ياولد وش حليب من البعير انت صاحي! ناقه ناقه عسا الناقه تبرك عليك والله ياهياف ان م طفيت الزفت ذا وجيت عاونتني انك لتسري لرياض الليله على الاسعاف
حك هياف راسه وابتسم بفشله : ياعم انت علامك تولجتني طيب جيت وش تبيني اسوي
هذال وهو يمد سطل الحليب بعد ما اتعبا : خذ ذا وده عند احمد يعبي الجكات اللي عنده وتعال بنطلع خاروف لنا ولبيت عمتي ميل شفافيه وهو ياخذ السطل و يتوجه ل احمد يعطيه ووقف يسولف مع احمد ماهي الا ثواني ويسمع صرخت هذال عليه وراح له يجري
هذال بغبنه : انا راسلك المريخ يوم انك توخر علي !!!
هياف: جيت ياعم جيت كنت اسولف مع احمد
هذال وهو وده يجلده: م حلت لك السوالف مع احمد الا الحين امش بناخذ ذا وذا وهو يأشر على الخرفان رفع صوته وهو ينادي
هذال بصوت عالي : يا احمد تعال
جا بهدوء : سم ياعم
رمى مفتاح السيارة: خذ ياحمد قرب السيارة بحط الخرفان فالصندوق
احمد : ابشر
ناظر هذال هياف: اسمع انا بسحبه واعطيك ياه تدركه لقرب احمد حطوه فالصندوق لا يهج ان هج والله ياهياف اني ل اربطك مكانه عاني علمتك
طالعه هياف يبتسم بوهقه وفي داخله يقول انا وش جابني لو منثبر بالرياض وجيت بالليل صحا على صوته
هذال: ورع توحي العلم!!
هز وراسه ووقف ينتظر دقيقتين وجاه هذال وهو ماسك الخروف مع قرونه : هاك استلم
مد يده ويدرك الخروف مع قرنه : ياحمد تكفا اول م قرب احمد انفلت الخاروف من يد هياف صرخ احمد
ناظرهم هذال بصدمه : حسبي الله ونعم الوكيل الحقه الحقه لا يبعد قفل الشبك وخرج يجري ورا الخاروف اللي هج جهة الخيمه وهياف واحمد وراه دخل الخاروف الخيمه وكبكب القهوة وقربع القدور والدلال حوس الدنيا حوسه
هياف برعب: احمد انا بحشره من هنا روح من هناك انا مع اليسار وانت مع اليمين وعمي ف وجهه طالعه احمد بغبنه وهو يروح من يمين الخاروف ويجي هذال ف وجهه ويدركه مع قرونه : حسبي الله عليك ياهياف خلني امسك والله اني لـ اتوطاك حستنا عسا ابليس للحوسه
هياف: ياعم والله انـ
هذال بغضب: اقطع اقطع لا احي لك حس ولله اني مني معديها لك اوريك طالع ف احمد تعال ي احمد تعال عاوني
درك احمد الخاروف مع هذال ويطالع فالحوسه : راحت القهوه ياعم
هذال بقهر: مير انسدت نفسي عنها معد ابي قهوه ابي ارجع البيت
كان هياف مخروش ويطالعهم بصمت وبعد دقايق ربط الخرفان فالصندوق ومشا رايح للمسلخ وهياف جنبه ساكت وم فتح فمه بكلمه
__
عند الاشارة لازالت عملية البحث جاريه ولازال سهاج يحوم حول الحي لعل يشوف سيارة والده وتوجه لبيتهم وفي داخله يقول يمكن تكون رجعت وبين البحث تكلم احدهم : ابغا كاميرة الاشارة
الطرف الثاني: ابشر طال عمرك بس بيطول الوضع شوي
خلف: مراح يطول جيبوها لي لازم اشوفها اليوم قبل الظهر الان وقت دوامات والخط بدا يزدحم مافيه حل الان الا واحد نشوف الكاميرات انا رايح المركز
عند سهاج دخل البيت يدور الخادمه زهم عليها وكانت فالمطبخ طلعت وهي تناظره
سهاج: سُهاد جات البيت؟
هزت الخادمه راسها بالنفي: انا مافي شوف مافي سوري مافيه سوسو
رفع يده على عيونه وطلع فوق للغرف يدور على اي شيء يدل انها رجعت لاكن مالقى اثر رفع هاتفه على رسالة سوار وعض شفته بقهر مع ضحكة غبنه : خمس مية الف ليه والله لو ان ولده امير خرج من البيت متجه للمركز

النجمه يانجومي 🙈💫