Ang mga liko ay kanyang tinatalo
Bawat tama, siya ay sumasaludo
Kabuktutan, kanyang binabato
Dahil ayaw niyang manatili ito,
Ebalwasyon niya, laging wasto
Galit sa may tinatagong baho,
Hambog, mapagmataas o palalo
Ibig niya'y bawat isa ay matino
Laging nakaabang; sumasaklolo
Madalas sa inaapi at ginagago
Nakikinig sa opinyong matalino
Ora mismo, magbibigay ng payo
Pasaring na salita, lagot kayo!
Ramdam ang bawat abang puso
Sasakay sa sayaw ng mundo
Tatandang may respeto't prinsipyo
Ulirang tao--- totoong makatao
Walang halong kaplastikan at biro
Yaman niya'y mga kaibigang totoo.
BINABASA MO ANG
Mga Tula ni Makata O.
PoetrySi Makata O. ay isang taong maprinsipyo, kaaway ng mga liko at kakampi ng mga may puso.https://m2.facebook.com/profile.php?id=778085892247270&ref=bookmark
