Korupsiyon, paano ka ba umusbong?
Mga pinuno, sa’yo naging mandarambong?
Taumbayan, iyong pinatay at ginutom.
O, korupsiyon, ganid ka ngang talaga!
Sa kinang ng salapi, ika’y nabulag na
Sa tagingging ng pera, ika’y nabaliw pa.
Ginawa mong gatasan ang pera ng bayan
Pamilya mo ay pinakain ng katiwalian
Naatim mong kapwa Pilipino’y magutuman.
Korupsiyon, salot ka ngang talaga sa lipunan
Ang mga dukha’y lalo mong pinahihirapan
Mga mayayaman pa iyong kinakampihan.
Korupsiyon, mag-iingat ka sa pagkakaisa
Kapag sila ang kumilos, ika’y magdurusa
Sila ang sa iyo ang kakatay at huhusga.
Mundo ay bilog at patuloy na umiikot
Mayaman ka ngayon sa’yong nakurakot
Bukas, mga mata mo’y hindi na maiikot.
Aanhin, sankatirbang papel na may imprenta
Kung sa hukay, hihiwalay ang iyong kaluluwa
Naipong kayamanan, di mo lahat madadala.
O, korupsiyon, gawain mo ay may wakas
Ngayon, magsaya ka na parang walang bukas
Darating si Karma, babawiin ang iyong lakas.
BINABASA MO ANG
Mga Tula ni Makata O.
PoetrySi Makata O. ay isang taong maprinsipyo, kaaway ng mga liko at kakampi ng mga may puso.https://m2.facebook.com/profile.php?id=778085892247270&ref=bookmark
