Sana'y wala nang kaguluhan,
pulos na lang pagbibigayan.
Sana bukas ito ay masilayan
Upang pighati ay matuldukan.
Sana'y pagmamahalan na lang
ang mamalagi sa ating bayan.
Sana'y wala nang manlalamang
at wala nang taksil at gahaman.
Sana'y kapayapaan at kalinisan
ang ating unahin at suportahan.
Sana'y gutom at sakit ay labanan,
gayundin ang labis na kahirapan.
Sana'y iringan, turuan, at sisihan
ay iwaksi, isantabi o iwasan.
Sana'y Diyos na makapangyarihan,
ang ating panampalatayaan.
BINABASA MO ANG
Mga Tula ni Makata O.
PoesíaSi Makata O. ay isang taong maprinsipyo, kaaway ng mga liko at kakampi ng mga may puso.https://m2.facebook.com/profile.php?id=778085892247270&ref=bookmark
