VENGANZA✔

S1_|Chapter 29

Bristol

11.00p.m

බ්‍රිස්ටල් වල තිබුන මහල් නිවාස සංකීර්ණයකට පැමිණි අයෙක් එහි වාහන අංගනය හරහා නිවාස සංකීර්ණයට ඇතුලු වෙන දොරටුව පැත්තට පැමිණෙමින් තිබුනා.

ඔහු ටයි,කෝට් පැලදි වැදගත් පෙනුමක් තිබුන තරුණ ඇමරිකානුවෙක් වෙද්දි ඔහු තමන්ගෙ ජංගම දුරකථනයෙන් මොනවා හෝ නරඹමින් නිවාස සංකීර්ණයේ ප්‍රධාන ඇතුළුවීම ආසන්නයටම පැමිණියා.

"ඇලෙක්ස් ඩාවින්.No.66"

ඔහු මුර කුටිය වෙත තමන්ගෙ අනන්‍යතාව එක්කම අපාර්ට්මන්ට් නම්බරය කිව්වත් මුරකරුගෙන් ප්‍රතිචාරයක් ලැබුනෙ නෑ.

"හේයී...ආර් යූ හියර්?"

ඇලෙක්ස් නම් ඔහු මුර කුටිය පැත්තට එබෙමින් එහෙම විමසුවත් ඔහුට මුර කරු වෙනුවට දකින්න ලැබුනෙ වෙනත් කෙනෙක්ව.

"කවුද ඔය?"

කලු පැහැ හැට් එකක්,දිගු කලු ජැකට් එකක්,අත් වලට පැලදි කලු ග්ලව්ස් මෙන්ම මුර කරුගෙ මේසය මත කලු බූට්ස් පැලදි කකුල් ඔහු තබාගෙන සිටියෙ දන්හිල් එකක් පානය කරමින් එහි දුම් වලාවන් පිට කරන ගමන්.

"හෙලෝ මිස්ටර් ඇලෙක්ස්.මම ඔයා එනකන් මෙච්චර වෙලා බලන් හිටියෙ."

"උබ...උබ කවුද කියපන්."

ඇලෙක්ස් එතනින් පිටිපස්සට යන ගමන් බයෙන් වගේ ප්‍රශ්න කරද්දි අර කෙනා හිටපු තැනින් නැගිටලා තමන් අතේ තිබුන භාගෙකට වඩා දැල්විලා ගිහින් තිබුන දන්හිල් එක විසි කරළා මුහුණ ආවරණය කරන් ඒ කෙනාගෙ පැත්තට එන්න ගත්තා.

"ළඟට එන්න එපා...මම ගාඩ්ලට කතා කරනවා...මෙතන ඉන්න මිනිස්සු කළබල වෙයි නැත්නම්..."

"අද උබ මෙතන කොච්චර කෑගැහුවත් කවුරුත් උබ ගාවට එන්නෙ නෑ ඇලෙක්ස්.කවුරුත්ම."

"එහාට යනවා...මගෙන් එහාට යන්...ආහ්හ්..."

ඇලෙක්ස්ට ජැකට්කරු විසින් පහර දීමක් එල්ල කරද්දි ඔහු එතනම බිමට වැටුනා.ඒත් එක්කම සන්සුන් ගමනින් නැවත ජැකට් කරු ඔහු අසලට එද්දිම ඇලෙක්ස් ඔහුව මග හටිමින් දුවන්න ගත්තා.