VENGANZA✔

S3_Chapter 05

Next Day.

ටේ හිටියෙ එයාගෙ කාමරේට වෙලා කණ්ණාඩිය ඉදිරිපිට ඉදන් තමන්ගෙ තෙත කොණ්ඩය වේළන ගමන්.

ටේට ඒ කාමරේ තනියම ඉන්න පාලු දැනුන නිසා එයා කළින් දවසෙ රෑ මැතිව් එක්ක තමයි හිටියෙ.

ජන්කුක් කොච්චර කිව්වත් පොඩි ළමයෙක් වගේ එහෙම හැසිරෙන්න එපා කියලා ටේ අනිත් හැම වෙලාවෙම කොච්චර බුද්ධිමත් පරිණත කෙනෙක් වගේ හිටියත් තමන්ගෙ අය ළඟදි ටේ පොඩි දරුවෙක් වගේ හැසිරෙන එක නම් නවත්තන්නෙ නෑ.

ඉතින් ජන්කුක් කොහේ හරි පිට වෙලා හිටියොත් ටේට පාලු දැනෙද්දි එයා නවතින්නෙ පුංචි මැතිව් ගාව.

ඉතින් මැතිව්ට වුනත් දැන් එයාගෙ පපාගෙ මේ පුරුදු හොදට හුරුයි.ටේ ඉස්සර ජන්කුක් තමන්ව ගණන් නොගෙන හිටපු කාළේ වුනත් එයා ජිමින් ගාවට ගිහින් හිටියෙ අනිත් අයට නොපෙන්වන මේ වගේ අහිංසක ආදරණීය හැසිරීම් ඔහු ළඟ තිබුන නිසයි.

ටේ කොණ්ඩෙ වේල ගත්තට පස්සෙ ඒ ඇවිස්සුන කොණ්ඩෙ පිටින්ම කෝල් එකක් ගත්තෙ ජන්කුක්ට.

"ජන්කූ...ඔය වීඩියෝ ඔන් කරනවකෝ..."

"ආයිශ්...ටේහ්‍යුන්...මම මේ ගමනක් යන්න ලෑස්ති වෙනවා.තමුසෙ කියන්නෙ මට ඒවා සේරම පැත්තක දාලා ෆෝන් එක උස්සන් එහෙට මෙහෙට නට නට ඉන්න කියලද?"

"ඔයාගෙ හස්බන්ඩ් තමයි ඔයාගෙ ප්‍රථම රාජකාරිය වෙන්න ඕනෙ.ඕක කොහෙට හරි හේත්තු කරගන්නවා."

"ඉන්නවා ටිකක්."

ටේ එහෙම කියලා ෆෝන් එක දිහා බලද්දි ජන්කුක් අනිත් පසින් එයාගෙ ෆෝන් එක කණ්ණාඩි මේසය මතට හේත්තු කර ගත්තෙ ටේට ඔහුව පේන විදිහට.

"වාව් මෑන්...උදෙන්ම ඔයාව ඔහොම දකින්නත් ආසයි."

ටේ එයාගෙ තොල කොණක් හපාගෙන එහෙම කිව්වෙ වීඩියෝ එකෙන් පේන ජන්කුක් තාම ටවල් එක පිටින් ඉන්නවා දැකපු නිසයි.කොච්චර ඇස් දෙකට ඒ කඩවසම් පිරිමියව දැක්කත් ස්පර්ශ කළත් ටේට,ජන්කුක්ව දකිනකොට දැනෙන අමුතු හඟීම නම් නැති වෙලා නෑ.

"මම අනිද්දට එනවා ටේහ්‍යුන්."

"යූ මිස් මී?"