VENGANZA✔

S2_|Chapter 01

1502

බ්‍රසීලයේ ස්වදේශික ජන කොටසක් පෘතුගීසී සුදු ජනයාගෙන් ඈත්ව ජීවත් වුන එක් කලාපයක් තිබුනා.

යුරෝපීයන්ගෙ පැමිණීමත් එක්ක ස්වදේශිකයින්ගෙ සංස්කෘතියට වගේම ඔවුන්ගෙ ජීවිත වලට පවා ලොකු බළපෑමක් ඇති වුන කාලයක් වුනා මෙය.

සුදු ජාතිකයින් සතු දියුණු ආයුධ එක්ක හැප්පිලා ස්වදේශිකයින්ට ජීවත් වීමට අපහසු වුනා.ඔවුන් බොහෝ දෙනා සුදු ජාතිකයින්ට යටත්ව ජීවත් වෙද්දි තවමත් සුලු පිරිසක් පමණක් කණ්ඩායම් වශයෙන් සැඟව ජීවත් වුනා.

1502 අප්‍රේල් මසක.

තද වර්ශාවක් පැවති එක් දිනක,

බ්‍රසීලියානු ස්වදේශික කණ්ඩායමක් සිටින තැනකට පැමිණි පෘතුගීසී හමුදා සෙබලුන් ඔවුන්ට පහර දෙමින් ඔවුන් පසුපස ලුහුබදින්නට වුනා.

ඔවුන් අතරින් එක් මිනිසෙක් වනය තුළට දිව ගොස් වශාව මැදම තම දෑත් වලින් පොළොව හාරන්න ගත්තෙ හරිම කළබලෙන් නමුත්...

වෙඩි හඩක් එක්කම ඔහු පොළව මතට වැටෙද්දි හමුදා සෙබලගෙ වෙඩි පහර නිසා ඔහු එතනම මිය ගියා.

නමුත් ඔහුව ඝාතනය කරපු හමුදා සෙබලා නිකන් සිටියෙ නෑ.ඔහු දැක්කා ස්වදේශිකයගෙ සිරුරට යටව තිබුන දෙයක්.

කොළ වලින් ඔතපු කුඩා ගොටුවක් වගේ දෙයක්.ඒ තුළ මදක් දිස්නෙ ගහමින් තිබුන පාෂාණ වගයක් ඔහු දුටුවා.

එයින් කීපයක් තම කමිස සාක්කුවට දමාගත් සෙබලා ඉතිරිවා තම කණ්ඩායම වෙතට රැගෙන ගොස් පෙන්නුවා.

මේ පාෂාණ අනිවාරෙන්ම වටින ඒවා කියලා ඔවුන්ට තේරුම් යද්දි යන්තමින් පණ අදිමින් සිටි ස්වදේශිකයෙක් ලවා ඒවා ලබාගත් තැනට බලෙන්ම මෙන් ඔහුවත් රැගෙන ඔවුන් ගියා.

1750

පෘතුගීසීන්ට අමතරව තවත් යුරෝපීය ජාතීන් බ්‍රසීලය තුළ ඒ වෙද්දි හිටියා වගේම ඔවුන්ගෙ ආධිපත්‍යය ලොකුවට පැතිරුණු කාලයක් වුනා මෙය.ඒ නිසාම පෘතුගීසි ජාතික වෙළදුන්ට මෙන්ම ව්‍යාපාර කරන්නන් හටද මෙය අමාරු යුගයක්ව පැවතියා.