VENGANZA✔

S1_Chapter 03

(ඊයේ කොටස සමහර අයට පෙනිලා නෑ.ඒකත් කියවලා ඉන්න.)

"මොකද බොසා ආයේ ඕක දාගෙන?"

සෙන් එහෙම ඇහුවෙ ජිමින්ගෙ ඇගිල්ලෙ තිබුන මුද්ද දිහා බලන්.

"උබ දන්නවනෙ මේ මොකක්ද කියලා."

"ඉතින් ඉතින් කොහොමද ඊයේ රෑ?මාවත් රස්තියාදු කරවළා එන්නෑ කියලා හොද ආතල් එකක් ගන්නැති නේ?"

ඒ කතාවට කටකොණින් හිනා වුන ජිමින්...

"නියම ආතල් එක උබට ඉස්සරහට බලාගන්න පුලුවන්."

ඒ අතර රාත්‍රී 11.30ට පමණ සුපුරුදු විදිහට කාටවත් අදුන ගන්න බැරි වෙන්න තනි කලු පැහැයෙන් ඇදගත් මුහුණු ආවරණය කරගත්ත යම් කල්ලියක දෙදෙනෙක් හරිම සූක්ෂම විදිහට කලාගාරයට එහි පිටුපස ඇති කවුලුවක් විවර කරගනිමින් ඇතුලු වුනා.

කලාගාරයේ සැලසුම ගැන හොද අවබෝධයක් තිබුන ඔවුන් "dark horse" නිර්මාණය ගාවින් නැවතුනා.

විශේෂ ආරක්ෂ පද්ධතියට අහු නොවී වෙනත් තැනක සිටින ඔවුන්ගෙ අයෙක් කැමරා පද්ධතිය හැක් කර එකම දර්ශන පථය එමගින් පෙන්වා දෙද්දි ඇතුළත සිටින දෙදෙනා ඉසබෙල්ගෙ ඇගිලි සලකුණ භාවිතා කර අර නිර්මාණයට ඉදිරියෙන් ඇති ආරක්ෂිත වීදුරු රාමුවේ එක් කෙළවරක තැබුවා.

ඒත් එක්කම ඒ රාමුව ගැලවූ ඔවුන් දෙදෙනා එහි ඇති සිතුවම රාමුවෙන් සෙමින් ඉවත් කළා.ඒ පිටුපස පිටතට නොපෙනෙන ලෙස එහි සිටි කලු අශ්වයාගෙ ඇසක් ළඟම තිබුන කලු පැහැති දියමන්තියක් ඔවුන් සොරකම් කර ඒ වෙනුවට ඒ වගේම බොරු එකක් එතනට සවි කරමින් නැවත වෙනසක් නොපෙනෙන්න හරිම සියුම් විදිහට ඒ රූපය රාමුවත් එක්කම ආයෙත් තිබුන විදිහටම සැකසුවා.

Next Day.

"වෙල් ඩන් ජේන් ඇන්ඩ් ජේකේ...දැන් අපිට මේ වැඩේ කරන්න ජේ වෙනුවට තව කෙනෙක් ඉන්නවනෙ."

මාස්ටර් ෆ්‍රෑන්ක් එහෙම කිව්වෙ ජන්කුක් දිහා බලාගෙන.

"මාස්ටර් දැන් මොනවද කරන්නෙ ඒකට?කළින් ඒවා වගේම වෙන්දේසි කරනවද?"

ජෙනී එයාට තිබුන ප්‍රශ්නය එහෙම ඇහුවා.

"ජේන් දන්නවනෙ කොහොමත්.මම මේක කොටස් කීපයක වෙන් කරළා වැඩියෙන් ලාභ ගන්න පුලුවන් විදිහට විකුණනවා."