VENGANZA✔

S1_|Chapter 04

"ජේකේ...දැන්ම එන්න."

ආයුධ පුහුණුවීම් වල නිරත වුන ජන්කුක්ව හොයන් ආව ජෙනී එහෙම කියද්දි ජන්කුක් ඇය සමග ගියා.

ඔවුන් සිටියෙ ගැන්ග් එකේ රැස්වීම් කුටියෙ.එතන මාස්ටර් ෆ්‍රෑන්ස්,ජෙනී,සෙන් වගේම ජිමිනුත් හිටියා.

ජන්කුක්ට ලැබුන මේ පළවෙනි අවස්ථාව ඔවුන් සමග මෙතන ඉන්න.

"හැමෝම ඉන්නවනෙ.ජේ තමුන්ගෙ සැලසුම කියන්න."

"අපි ලබන සදුදා...හරියටම දවස් හතරකින් අපේ ඊළඟ වැඩේට බහිනවා.මාත් එක්ක සෙන් අනිවාරෙන්ම යනවා.එතකොට අපේ ඉන්න හොදම ශූටර්ස්ලා කීප දෙනෙක්ව අපිට ලොකේශන් වලට ඕන වෙනවා මාස්ටර්."

ජිමින් එතනට ආව ජන්කුක්ව ගණන් නොගෙනම එයාගෙ සැලසුම කියන්න ගත්තා.

ඒත් ඒ සැලසුම ගැන ගැටලුවක් මතු වුන ජෙනී...

"ජේ...මම මොකක්ද කරන්නෙ?"

"ඔයා මෙහේ ඉන්නෙ."

"ඒත්..."

"හොදම අය සේරම අපි එක්ක ගියොත් කවුද මෙතන ඉතුරු වෙන්නෙ?"

"හරි."

ඒත් එක්කම ජන්කුක්.

"එතකොට මං?"

"ඔයත් මාත් එක්ක යනවා."

ජිමින් එහෙම කිව්වම ජෙනී,සෙන් දෙන්නා පුදුම වුනා වගේම ජන්කුක්ට ඒ ගැන තෘප්තිමත් හිනාවක් පිට වෙන්න ගියත් ඔහු ඇතුල් කම්මුල් දිවෙන් තෙරපමින් එය සගවා ගත්තා.මේ දෙස බලපු ජිමින්...

"වැඩිය සතුටු වෙන්න එපා...මේක තමුන් හිතනවට වඩා අවදානම්."

ඒ වෙලාවේ මාස්ටර්...

"ඒක හරි.ඒ වගේම ජේ උබත් ඒක මතක තියන් මුන් එක්ක වැඩ කරපන්.කොතන හරි වැරදුනොත් දන්නවනෙ උබලා?"

"ඔව් මාස්ටර්."

"ගුඩ්.දැන් ඉදන්ම ඔයාලා මේකට ලෑස්ති වෙන්න.එතකොට මම ඒජන්ට් ගැන බලා ගන්නම්.ජේ...උබ දැන් ජේකේව උබ එක්ක වැඩ කරන්න පුරුදු කරගන්න ඕනෙ.මේ දැන් ඉදලා."

"ම්ම්."

දින හතරක් ගත වුනේ ඔවුන්ගෙ මීළඟ සැලසුම ක්‍රියාත්මක කරමින් ඊට ඔවුන් ඒ දින කීපය තුළ මහන්සි වෙමින් කටයුතු කළා.