VENGANZA✔

S3_|Chapter 10

ලිගියා හිටියෙ වාහන නවත්තපු තැනට ටිකක් එහායින් කවුරුත් වැඩිය ගැවසුන්නෙ නැති තැනක මුහුද පේන මානයෙ.

ඇය සිටියෙ මදක් උසින් පිහිටි තැනක නිසා ඇය එතන පිහිටි අත් වැටට බර වෙලා ඈතින් පේන මුහුද දිහා බලන් හිටියා.

"ඒහ්...මේ බලන්නකො කවුද ඉන්නෙ කියලා."

එතනට ආව පිරිමි ළමයෙක් එහෙම කියද්දි ඒ තමන්ට පාසැලේදි කරදර කරන අයගෙන් කෙනෙක් කියලා තේරුන ලිගියා පිටුපස හැරුනා.

හැමදාම වද දෙන ගැහැනු ළමුන් දෙන්නයි,පිරිමි ළමුන් දෙන්නයි වගේම ඔවුන්ට වඩා වැඩිමල් පෙනුමක් තිබුන තවත් තරුණ පිරිමි ළමයි දෙන්නෙක් මෙතන හිටියා.

"ඔයා මොනවද මේ වගේ තැනක කරන්නෙ?"

එක ගැහැනු ළමයෙක් එහෙම ඇහුවා.

"මේක පබ්ලික් ප්ලේස් එකක්.ඕනම කෙනෙකුට එන්න පුලුවන්."

"දැන් මෙයා වෙන සීන් එකක ඉන්නෙ.ගායිස් අපි මෙයාගෙන් පොඩි ෆන් එකක් ගමුද?"

තවත් පිරිමි ළමයෙක් එහෙම කියද්දි එතන හිටපු ආගන්තුක පිරිමි ළමයි දෙන්නා නම් ලිගියා දිහා බැලුවෙ හරිම කැත විදිහට.ඒ නිසාම ඇය ඔවුන්ව මගහැර මේ වෙලාවෙ යන්න හැදුවත්,හැමදාම වද දෙන වදකාරයො හතර දෙනා ඇයව අවහිර කරගනිද්දි ආගන්තුක තරුණයින් දෙදෙනා ඇයව අල්ලන්න මෙන් ළඟට ආවා.

"එහාට යනවා...විකාර නටන්න එපා මෙතන.මිනිස්සු ඉන්නවා."

"ඔහෝ...කවුරුත් එන්නෙ නෑ ඒ වුනාට ඔයාව බේර ගන්න."

"තමුසෙලට මොළයක් නැද්ද ඇත්තටම.අහ්...කියලා වැඩක් නෑ."

අන්තිමට ලිගියා එයාලව තල්ලු කරන් ඉස්සරහට දුවන්න හැදුවත් ඇයගෙ කොණ්ඩයෙන් අල්ල ගත්ත ගැහැනු ළමයෙක් දවසක් ලිගියා තමන්ට කරපු විදිහටම ලිගියගෙ කොණ්ඩෙන් ඇදලා ඇයව පිටුපසින් තිබුන අත් වැටට තද කළා.

"ආහ්...ලිලී...ඕක නවත්තනවා."

"තමුසෙ එදා මට මෙහෙම කරද්දි කොච්චර රිදුනද දන්නවද ආ?"

"ලිලී පොඩ්ඩක් එහාට යනවකො.අපෙ අයියට පොඩි වැඩක් කරන්න ආස හිතිලා."