VENGANZA✔

S2_|Chapter 09

එදා ටේ හිටියෙ නිවස තුළයි.

කළින් දවසක වගේම ටේගෙ තනියට යාරා අදත් හිටියා.ඒත් ටේ නම් වෙනදට වගේ අද ගෙදර ඉන්න බෑ කියලා රංඩු කළේ වත් ජන්කුක්ගෙ කේන්තිය ඇවිස්සුවෙ වත් නෑ.

සමහරවිට ඒකත් එයාලගෙ සැළසුමේ කොටසක් වෙන්නැති.

"යාරා..."

"ඔව් ඩියර්?"

"මම ටිකක් නිදාගන්න යනවා.මොනවා හරි දෙයක් නම් මට කතා කරන්න."

"අහ් ඕකේ."

එහෙම කියලා ටේ ගියේ එයාලගෙ කාමරේට.

ඒ ගිහින් දොර වහලා ලොක් කරගත්ත ටේ එළියෙ ඉන්න ගාඩ්ලා දිහා බලලා එයාගෙ ලැප් එක අරන් මොනවා හරි වැඩක් කරන්න ගත්තා.

මේ අතර තවත් තැනක හෝටල් ගොඩනැගිල්ලකට මදක් එහායින් කලු පැහැ වාහනයක් තුළට වී ජිමින් හා ජන්කුක් බලා සිටියා.

රියදුරු අසුනෙ ජන්කුක් සිටින විට ජිමින් ටැබ් එකක් ළඟ තබාගෙන ටේ සමගින් සම්බන්ධව සිටියා.

ඒ අතරම වගේ අර හෝටල් ගොඩනැගිලෙ ඉහළම මහල තුල හෝප් පැරෂුටයක් සූදානම් කරගනිමින් සිටියා.

"වී තාම රුසියන් උන් ආවේ නෑ."

"අනිත් අය ඇවිල්ලද ඉන්නෙ?"

"ඔව්."

"හරි ඔයාලා කරගෙන යන්න.සෙන් කොහෙද?"

"එයාව අනිත් වැඩේට යැව්වා.ජේන්වත් අපි ප්ලේස් එකට යවලා තියෙන්නෙ."

"හෝප් ගැන අවදානෙන් ඉන්න."

ටේ අනිත් දෙදෙනාට උපදෙස් දෙන ගමන් ලැප් එකේ තිබුන මොනවා හරි තොරතුරු වගයක් එයින් ඉවත් කර කුඩා පෙන්ඩ්‍රයිව් එකකට දාගත් ටේ එය ඔහුගෙ ගෙලේ තිබුන මාලයට දමාගත්තා.ලැප් එක ඕෆ් කරළා එය ඔවුන්ගෙ ලගේජ් එක තුළ ඇදුම් අතරට දැමූ ටේ පසුව ඇදුමට උඩින්ම ජැකට් එකකුත් පැලද ගෙන තමන්ගෙ පිස්තෝලයට උන්ඩ දමා එය සූදානම් කර ගත්තා.

ඔහු අතැතිව තිබුන කුඩා කැමරාවක් අරන් කාමරෙන් එළියට ආව ටේ,යාරා හිටපු පැත්තෙන් නැතුව වෙනත් පැත්තකින් කෑම කාමරය වෙතට ගොස් එදා ඔහු එතනින් ගෙනත් තිබුන මල් පෝච්චය තුළ තිබුන තවත් කැමරාවක් ඒ තුළින් ගෙන ඒ වෙනුව ඔහු ළඟ තිබුන එක සවි කර එය ක්‍රියාත්මක කළා.