VENGANZA✔

S3_Chapter 08

"ඒකට හේතුවක් තියනවා."

ලිගියා එහෙම කියද්දි ටේ තවත් කුතුහලයෙන් ගිලියා දිහා බැලුවා.

"ඒ මොකක්ද්ද?"

"ඔයාට පුලුවන්ද එයාව හොයාගෙන මට උදව් කරන්න?"

"මොන විකාර කතාවක්ද ඒක?"

"ඔයාට පුලුවන්ද බැරිද?"

"ඔයා ඒ කවුද කියලත් දන්නවා නම් ඇයි පොලීසියට නොකියන්නෙ?"

"මට එහෙම කරන්න බැරි හේතුවක් තියනවා.සැරයක් කිව්වනෙ මම."

"ඔයාට ඒ හේතුව වත් කියන්න බැරි නම් මට උදව් කරන්න බෑ."

"මං ඔයාට ඒක කිව්වොත් එයා දැනගනියි.මගෙන් හේතු අහන්නැතුව ඔයාගෙ විදිහට මේක කරන්න බැරිද?"

"මේක මට අදාළ ප්‍රශ්නයක් නෙමෙයි."

"ඔයාමයි මට එන්න ඉඩ දුන්නෙ.ඔයාටමයි මට උදව් කරන්න ඕන වුනේ.ඒ හැමදේම ලෝකෙට පේන්නද ඔයා කරන්නෙ?"

"ලිගියා...මට ඔයාට උදව් කරන්න ඕන වුන නිසා තමයි මම ඔයාව එක්කන් ආවේ.හරි ඔයාට ඕන්නම් යන්න පුලුවන් කිසිම ප්‍රශ්නයක් නෑ.ඔයාගෙ අම්මගෙ ට්‍රීට්මන්ට් වලටත් මම ගෙවන්නම්.එතනින් එහාට අනිත් දේවල් වලට මැදිහත් වෙන්න බෑ මට."

"හහ්!ඔයත් මහ ආත්මාර්ථකාමියි.ඔයාගෙ බොරු අනුකම්පාවයි,සල්ලි වලිනුයි ඔයාට බෑ මට උදව් කරන්න.මම මේ දේ ඔයාගෙන් ඉල්ලුවෙ වෙන කෙනෙක්ට කියන්න බැරි නිසයි."

"ඔයාට ඔය ටික කියන්න පුලුවන් නම් ඇයි අනිත් දේවල් නොකියන්නෙ?ඔයාට උදව් ඕනේ නම් ඒ කෙනාගෙන් පලි ගන්න,ඔයා දන්න සේරම මට කියන්න."

"ඔයාට ඒක හොයාගන්න පුලුවන්."

"ලිගියා මේක සෙල්ලමක් නෙමෙයි."

"මට එයා ගැන කියන්න බෑ...එහෙම වුනොත් එයා දැනගන්නවා.ඔයාට පුලුවන් ඒක කරන්න."

"මට බෑ...මට...මට මේකට මැදිහත් වෙන්න බෑ."

"ඔයාට බැරිද මට උදව් කරන්න?"

ලිගියා තවත් වතාවක් එහෙම ඇහුවා.

"මට බෑ.සමාවෙන්න ලිගියා."

"හරි...හරි...කමක්නෑ...ඔයාට හැමදේම තියන නිසා කවදාවත් පසුතැවීමක් දැනිලා නෑනෙ?"