VENGANZA✔

S1_|Chapter 01

tombstone, arizona

මධ්‍යහන 1 පසු වන විට ඇරිසෝනා හරහා ට්‍රක් රථයක් හා කන්ටේනර් රථයක් ටොම්බ්ස්ටන් නගරය වෙතට ඇතුලු වුනා.

මෙම රථ දෙක නගරයට ආසන්න කාන්තාර භූමියක් දෙසට ගමන් ගනිද්දි ඔවුන්ට පිටුපසින් පැමිණි ජීප් රථයක් හා මෝටර් බයිසිකල් දෙකක් නගරය තුළට පිවිසියා.

"මේ වෙලාවෙ නැතුව අපිට රෑ වෙලා වැඩේට බහින්න තිබ්බෙ."

ජීප් රථය පිටුපස සිටි තරුණ පිරිමි කෙනෙක් එහෙම කියද්දි මැදි වයසෙ සිටින දරුණු පෙනුමක් තිබුන මහත පිරිමි කෙනෙක් තම අතෙහි තිබෙන තුවක්කුවට උණ්ඩ පුරවමින් අර පිරිමි කෙනා දිහාට දරුණු බැල්මක් හෙලුවා.

"උබේ නම ජෝෂ් නේද?"

"ඔ-ඔව් ඇයි මම වැරදි දෙයක් නෙමෙයි කිව්වෙ."

"සෙබස්තියන්ව කේන්ති ගස්සනවා උබ ඔය.ඒ නිසා කට පියාගෙන අපි කියන දේ විතරක් කරපන්."

රථය පදවන මැදි වයසෙ තවත් පිරිමි කෙනෙක් එහෙම කියද්දි තුවක්කුවට උණ්ඩ පුරවලා අවසන් කරපු සෙබස්තියන් එය ජෝෂ් දෙසට දැමුවා.

"උබට ලොක්කගෙන් කීයක් හම්බවෙනවා කිව්වද?ඒ ගාණට වඩා උබට අපි දෙන්නම්.මම කියන විදිහට වෙන්න ඕනෙ."

"ඒ වුනාට ලොක්කා දැන ගත්තොත්?"

"උබට ඊට කළින් මගෙ අතින් අපායට යන්න ආසාවක් තියනවද?"

සෙබස්තියන් ඇගිලි එකට එකතු කරගෙන ඇට කඩමින් ජෝෂ් දිහා බැලුවෙ ඒක කොහොමත් විහිලුවක් නෙමෙයි කියලා ජෝෂ්ට තේරෙන්නමයි.