VENGANZA✔

S1_|Chapter 20

"ඒක නෙමෙයි ටොම් දැන් ඉන්නෙ මොන රූම් එකේද?කාත් එක්ක හරි එයාට ශෙයා කරගන්න වෙනවා."

කෑම මේසෙ හිටපු ටේ එහෙම කිව්වා.

"මම නම් දැනටමත් ජේකේ බ්‍රෝ එක්ක මගේ කාමරේ බෙදා ගන්නවනෙ."

සෙන් ජන්කුක්ගෙ උරහිසට තට්ටුවක් දාලා කිව්වා.

"ඒකනෙ ජේ මොකද කියන්නෙ?"

ටේ කම්මුලට අත ගහන් ජිමින් දිහා බලාගෙන ඇහුවා.

"මට බෑ."

"මොකක්ද ජේ?ඒ කොල්ලව මෙහේ තියා ගන්නවා නම් එයාට රූම් එකක් ඕනෙ.අනික මේක එයාගෙ ගෙදරක්.හරි ඔයා අකමැති නම් මෙහෙම කරමුකො...ජෙනීගෙ රූම් එකේම ඉන්න කියමු එයාට."

"තමුසෙට පිස්සුද වී?!"

"එහෙනම් මගේ රූම් එකටද?කොහොමත් නෑ...අපි මෙහෙම කරමු සෙන් එක්ක ටොම් රූම් එක ශෙයා කරගන්න."

"මේ...මේ...වී බ්‍රෝ...දැනටමත් ජේකේ ඉන්නවනෙ?"

"ජේකට පුලුවන් මාත් එක්ක ඉන්න.එතකොට හරිනෙ?"

ටොම් නම් අන්ද මන්ද වෙලා වගේ බලන් ඉද්දි ටේ අවස්ථාවෙන් ප්‍රයෝජනේ ගන්න වගේ එහෙම අදහසක් ඉදිරිපත් කළා.

"නෑ...ඒක කොහොමටත් වෙන්නෙ නෑ.ටොම්ට මාත් එක්ක ඉන්න පුලුවන්."

ජිමින් අන්තිමට එහෙම තීරණේ කළා.හැබැයි ටොම් නම් හිටියෙ ටිකක් බය වෙලා.මොනවා වුනත් ජිමින්ට එයා බයයි.

"ඕකේ එහෙනම් එච්චරයි."

Next Day.

ජන්කුක් උදේ පුහුණුවීමුත් කරළා ආයෙත් නාලා මොනවා හරි කන්න හිතන් කුස්සිය පැත්තට ආවා.

ඒත් ඒ පැත්තෙන් වළං පිඟන් පෙරළෙන සද්ද ඇහෙද්දි නම් ජන්කුක් බය වුනේ ටේ ආයෙමත් කුස්සිය පෙරළනවද දන්නෑ කියලා.

ජන්කුක් ඉක්මනට කුස්සිය පැත්තට ගියාම දැක්කෙ ටේත් එක්කම කුස්සියෙ ඉන්න ටොම්ව.

හැබැයි ජන්කුක්ට බය වෙන්න දෙයක් නොතිබ්බෙ අද මුකුත් විනාසයක් වෙලා නොතිබ්බ නිසයි.පේන විදිහට ටොම් ටේට කුස්සියෙ වැඩ උගන්නනවා.

"ඔහ්.ගුඩ් මෝනින් මිස්ට බිග් බොඩී...බලන්න ටොම් මට මේවා හදන්න කියලා දෙනවා."