VENGANZA✔

S1_|Chapter 32 [Final]

පැය 6ට පසුව.

Vegas NV

"ආහ්හ්..."

කම්මුලකට වැරෙන් වැදුන පහරක් නිසා යන්තමින් සිහිය ගනිමින් හිටපු ටේට වේදනාවක් දැනුනා වගේම ඒ පහරෙ සැරට පුටුවක ගැට ගසා හිටපු ඔහුගෙ මුහුණ පැත්තකට හැරවුනා.

"නැගිට්ටද උබ?"

ටේ හිටපු තැන ඔහුගෙ වටේටම ආරක්ෂකයින් විස්සක් පමණ සිටියා.

"ස්...හහ්!"

තමන් ඉදිරියේ හිටපු මහලු කැලන් ස්මිත්ව ගණන් නොගත්ත ටේ ඔහු දෙසට දරුණු බැල්මක් එල්ල කරමින් කට කොණින් යන්තමට හිනා වෙද්දි ඒක දැකපු ස්මිත් ටේගෙ කම්මුල් තද වෙන විදිහට ඔහුගෙ මුහුණ අල්ල ගත්තා.

"මොකද උබ රවන්නෙ?කොහොමත් වැඩි වෙලා උබට ඔය දේවල් කරන්න වෙන්නෙ නෑ...අපේ වැඩේ ඉවර වුනාම උබේ කතාවත් ඉවරයි."

ස්මිත් එහෙම කියලා හැරුනෙ විශාල ලෝහමය කුටියක් දෙසටයි.එය අධිආරක්ෂිත සේප්පුවක් කිව්වත් නිවැරදියි.

ඔවුන් සිටියෙ වේගාස් වල තිබුන එක්තරා ප්‍රසිද්ධ කැසිනෝ හා ක්ලබ් ගොඩනැගිල්ලට ඉහළම මහලෙයි.

ඒ ගොඩනැගිල්ලෙ ඉහළ මහළ තුළයි වික්ටෝරියා සතු මිළ කළ නොහැකි ධනස්කන්ධය සගවා තිබුනෙ.

"ගෝඩ්...ස්මිත් ශුවර්ද ඔයාට ඕක ඇරගන්න පුලුවන් වෙයි කියලා?"

"ඒකටනෙ මම වික්ටෝරියගෙ යතුර මෙතනට ගෙනාවේ."

"මං හිතන්නෙ වික්ටෝරියා නෙමෙයි ඔයාගෙ මැරිච්ච සහෝදරයා තමයි යතුර වරද්ද ගත්තෙ."

"මොකක්ද උබ කිව්වෙ?"

"ඌ වික්ටෝරියව බය කරන්න හිතන් මාව පාවිච්චි කරපු එක තමයි කරපු ලොකුම මෝඩකම.ඌට තිබ්බනෙ එහෙම නොකර ඌටම යතුර වෙන්න.ඔහ්...එක අතකින් ඒක එහෙම වුනත් ඌට මැරෙන්න වෙනවනෙ.බලද්දි කොහොමත් එකයි."

"උබේ කට වැඩියි කොල්ලෝ..."

"අහ්හ්..."

ටේ ගාණක් නැතුව කියවන දේවල් නිසා කේන්තිය ඇවිස්සුන ස්මිත් ටේගෙ අනිත් පැත්තෙ කම්මුලටත් වැරෙන් පහරක් ගැසුවා.