Accidentally in Love

Chapter 17

Overwhelmed. To say that I am overwhelmed would be an understatement. Sobrang nagulat ako sa dami ng tao sa binabaan naming station. Papunta sa iba't ibang direksyon, halos lahat puro naka-headband o naka-costume. Well, costume nga bang masasabi if pare-pareho lang naman sila ng damit? Siguro?

I kept on looking at the busy people walking around the area. All of them look so happy or excited to be here. Ako lang yata 'tong parang matatae na sa kaba dahil sa kasama ko. Well, yes, ako lang talaga. Masyadong masaya ang itsura ni Jeremy ngyaon. If that's because we're on the happiest place on earth o dahil hawak niya pa rin ang kamay ko hanggang ngayon, 'yon ang hindi ako sure.

"So, saan mo gustong mauna? Disneyland or Disney Sea?" tanong niya sa akin as we walked slowly away from the train station. Paunti-unti kong nararamdaman yung malamig na simoy ng hangin as we continued walking. Gustuhin ko mang yakapin ang sarili ko para mabawasan yung lamig, hindi ko naman magawa dahil ayaw nga akong bitawan ng mokong na 'to.

"What do you suggest?" tanong ko pabalik sa kanya. He then acted as if he was thinking tapos humarap siya nang maayos sa akin, finally letting go of my hand.

Shet. Bakit parang nalungkot naman ako nung binitawan niya yung kamay ko? Kainis! Ang labo-labo!

"Nakapag-Disneyland ka na ba dati?"

"Sa Hong Kong. Bakit?" taka kong tanong sa kanya.

"Then Disney Sea it is," nakangiti niyang sagot sabay hawak ulit sa kamay ko, leading the way to Disney Sea. Akala ko malapit lang sa train station yung entrance pero nagtataka ako nang huminto kami sa isa pang train station. Lumingon ako sa kanya but I just saw him counting loose coins para pambayad sa train tickets.

"Need pa ulit mag-train?" tanong ko. Wala naman talaga kasi sa plano ko ang mag-Disney Sea. Ang ni-research ko lang, Disneyland. E sabi sa nakita ko, lalakarin lang naman yung papuntang Disneyland. So bakit need pa ng train?

"Yup. Sa other end pa kasi yung Disney Sea. Saglit lang naman 'tong train, 'di katulad nung kanina," sagot ni Jeremy at napatango naman ako. He then proceeded to buying train passes for the both of us. Hindi na ako nakabwelo ng paglalabas ng pera dahil naging distracted ako sa nangyayari sa paligid ko.

After the short train ride, bumaba na rin kami ni Jeremy. He was holding my hand the entire time while he was leading the way. Kung papunta sa Disney Sea o papunta sa heart niya, hindi rin ako sure.

He then stopped after a while at halos malaglag ang panga ko sa haba ng pila. Shemay naman! Makakapasok pa ba kami nito?

"Ganito ba talaga dito?" tanong ko sa kanya nang maka-recover ako sa shock.

"Yup. Pero saglit lang naman 'yan. Usually, nag-uunahan kasi sila para sa slots sa kilalang rides kaya ganyan. After a while, mauubos din 'yan," he assured me kahit na hindi pa rin ako sure kung tama ba 'tong desisyon namin. Last minute din kasi ang pagbili namin ng tickets for Disney Sea kasi nga Disneyland talaga ang meron ako.

"O-okay..." alanganin kong sagot sa kanya. Habang nakapila kami, we were talking about random stuff. Mostly, siya ang nagtatanong tungkol sa akin. Pinakuwento na rin niya yung buong pangyayari sa amin ni Sir Mark and I felt so awkward talking about it kasi hello? Potential na karibal niya kaya 'yon! Chos.

"E bakit hindi mo muna nga kasi pinag-explain yung isa? Dinadaan dapat ang lahat sa mabuting usapan. Paano kunwari biglang hindi agad ako makabalik dito para sa 'yo? Iba-block mo rin ba ako without hearing my explanation?" tanong niya sa akin.

"Iba naman 'yon!" mabilis kong sagot sa kanya.

"Thea, I'm not saying na balikan mo siya agad at siya ang piliin mo kasi let's be honest. I'm really hoping that you would give me a chance to prove myself to you as well. Ang akin lang, maging fair ka pa rin. Kung sa tingin mo, hindi mo naman talaga kayang i-reciprocate yung feelings ni Mark, let him know. Hindi yung bigla na lang kayong nakabitin pareho sa sitwasyon niyo," mahabang litanya ni Jeremy. Napayuko naman ako at napaisip sa sinabi niya. Gano'n nga ba talaga ang ginawa ko? Was I really unfair with Sir Mark? Pero kasi...