အပိုင်းသစ် update မဟုတ်ပါဘူးရှင် noti တက်လားသိချင်လို့ပါ နောက်တပိုင်းကမရေးနိုင်သေးတာမို့ ခဏတော့စောင့်ပေးပါဦး အချစ်တို့ရေ 💗🩷
-----------------------------------------
“မင်္ဂလာဆောင်ပေးမယ်...”
“ဟုတ်တယ်လေ သားရဲ့... အခုဆို ကွမ်းကွမ်းက လက်ထပ်ရမယ့်အရွယ်ကိုရောက်နေပြီပဲ တည်ငြိမ်တဲ့စီးပွားရေးတစ်ခုလဲရှိနေပြီဆိုတော့ တစ်ယောက်တည်းအထီးကျန်နေတာမျိုးလဲ အန်တီတို့ကမဖြစ်စေချင်ဘူးလေ...”
“...”
“အော် တစ်လက်စတည်း ရှောင်ဟွမ်က မာမားကိုသတို့သမီး ကူရွေးပေးပါလား...”
“ဗျာ...”
“ကွမ်းကွမ်းကို Blind Dateတွေ့ဖို့ ကောင်မလေးတွေအများကြီးရွေးခဲ့တယ်... သားတို့ကသူငယ်ချင်းတွေဆိုတော့ သူ့အကြိုက်ကိုသိမှာပေါ့ မာမားကိုကူပြီးရွေးပေးပါဦး...”
“အော်... ဟုတ်ကဲ့...”
လက်ကိုင်အိတ်ထဲမှ ဆွဲထုတ်လာသည့် ဓာတ်ပုံတွေဆီ ကြည့်လိုက်မိတော့ ရင်းနှီးပြီးသားမျက်နှာတစ်ခုကို မြင်လိုက်ရသည်...။
“သူကရှင်းချီမဟုတ်ဘူးလား...”
“သားကလည်းရှင်းချီကိုသိတာလား...”
“ဟုတ် ဆုံဖူးပါတယ်...”
“ဒိတ်ဖို့ကောင်မလေးတွေ ရွေးပေးရတယ်ဆိုပေမယ့် အန်တီသဘောအကျဆုံးက ရှင်းချီလေ... ရှင်းချီက ငယ်ငယ်လေးထဲက အန်တီ့မျက်စိရှေ့မှာကြီးလာတာဆိုတော့ အကြောင်းသိတွေဖြစ်နေလို့ရယ်...”
“လင်းဟယ်နဲ့ရှင်းချီကရော...”
“အော် လင်းဟယ်ကမှစိတ်မဝင်စားတာကွယ်... သူတို့ကမဖြစ်နိုင်တော့ပါဘူး...”
“ရှကျစ်ကွမ်းကရော...”
လူငယ်လေး၏ သိချင်စိတ်ပြင်းပြနေသည့် မျက်ဝန်းလေးတွေကို သဘောတကျကြည့်နေမိသည်...။
ကြည်လင်လွန်းပြီးဝိုင်းဝန်းနေသည့် မျက်လုံးတွေက ငေးကြည့်စေချင်လောက်အောင်လှပကြသည်...။
“ကွမ်းကွမ်းကတော့ ငယ်ပေါင်းတွေဆိုတော့ ရှင်းချီအပေါ် သံယောဇဉ်တော့ကြီးရှာတယ်... လက်ထပ်ဖို့ပြောလိုက်ရင်တောင် လက်ခံလိမ့်မယ်လို့ အန်တီထင်တယ်... အကယ်၍လက်မခံဘူးဆိုရင်တော့ တခြားသူရွေးရမှာပေ့ါ...”
