සූකිරී පුළුන් 18 😋
නිම්නයි තාත්තයි එක්ක ඉස්සරහට යන ගමන් කරත්තෙ තල්ලු කරන් ඔහේ ඔලුවට ආව වචන ටිකක් තාලෙට කියලා ඉවර වෙලා අයේෂ් නිම්න දිහා බැලුවෙ කොහොමද මගෙවැඩ කියලා අහන්න වගේ. ඇත්තටම ඒ පද පේලි ටික හරි ලස්සනට නිම්නගෙ හදවතට දැනුනා. නිම්න ඇස් දෙක ලොකු කරලා මාපටැගිල්ලයි, දඹරැගිල්ලයි එකට එකතු කරලා නියමයි කියලා පෙන්නුවා...
හරිම සැහැල්ලුවෙන් පාවෙනවා වගේ ඒ මොහොතෙ ජීවත් වුන අයේෂ් නිම්නගෙ වචන ටිකක් එක්ක කරත්තෙ නතර කරලා තාත්තට බාරදුන්නා.
" හෝව් හෝව්ව්...ඔය මහත්තයා දැන් ඕක තාත්තට දෙන්න.. මෙතන ඉඳන් අපි වීල් එකක යන්"
තාත්තට ගිහින් එන්නම් කියලා දෙන්නත් එක්ක පාර පැනලා ඉස්සරහට ගියෙ ත්‍රීවීල් එකකට ගොඩවෙන්න. එතනට ගිහින් දෙන්නත් එක්ක ත්‍රීවිල් එකකට ගොඩවුනාට පස්සෙ අයේෂ් කියපු තැනින් දෙන්නව බස්සලා ත්‍රීවිල් එක ඈතට යන්න ගියා. නිම්නට ඒ වගේ තැන්වලට ගිහින් පුරුද්දක් තිබ්බෙම නෑනෙ. අයේෂ් තමා වීරයා වගේ හැමදේකදිම ඉස්සර වුනේ. අනික් තැන්වලදි නිම්න වීරයා වෙලා අයේෂ් බබා වෙන එකනෙ උනේ. එතනදි ඒකෙ අනික් පැත්ත වෙනකොට අයේෂ් හරිම ආඩම්බරෙන් වැඩියෙනුත් එක්ක වැඩ පෙන්න පෙන්න හෙනම ලකුණු ටිකක් දාගත්තා.
කොහොම හරි ඉතින් නිම්නගෙ තුවාලෙට බේත් දාන වෙලාව එනකන විනාඩි පහක්වත් රස්තියාදු වෙන්න උනේ නෑ, ප්‍රයිවට් තැන් නෙ... නිම්නගෙ නම කියලා කතා කලේ ලා නිල් පාට කොට ගවුමක් ඇඳගෙන උන්න ලස්සන නර්ස් නෝනා කෙනෙක්.
" ආන්...ගිහින් බේත් ටික දාන් එනවා එහෙනම්"
අයේෂ් එහෙම කිව්වම නිම්න අයේෂ් දිහා බැලුවෙ එයාට තනියම යන්න කියලා අයේෂ් එලියට වෙලා ඉන්න හදනවද කියලා ඇස් වලින් අහන ගමන්. නිම්නගෙ ඇස්වල වෙනදා තිබ්බ වීරකම පේන්න නැති කොට අයේෂ්ට තේරුනා නිම්න නොකියා කියන්නෙ එයාට ඇතුලට යං කියලා තමයි කියලා. අයේෂ් නිම්නට කලින් පුටු පේලියෙන් නැගිට්ටා.. නැගිටලා එයාගෙ දකුණු අත නිමට දික් කළා ම නිම්න හිනාවෙලා අත අල්ලගෙන නැගිට්ටෙ හරි හයියක් ලැබුනා වගේ.
YOU ARE READING
සූකිරි පුළුන්
Romanceනිම්න කියන්නෙ අහිංසක දුප්පත් උත්සහවන්ත කොල්ලෙක්... අයේෂ් කියන්නෙ සල්ලි කියන දේ අරුමයක් නොවුන නොලැබෙන හීනයක් හින්දා ජීවිතේ විඳවන කොල්ලෙක්... නිකන් නෙමේ..මුරන්ඩු කොල්ලෙක්... ඉතින් මේ අහිංසකයගෙයි මුරන්ඩු කොල්ලගෙයි හැසිරීම් හමුවීම් එක්ක දෙන්නගෙ කතාව කොහ...
