සූකිරී පුළුන් 21😋
මතකයිනෙ... ධනුද්දර නිම්නගෙ අත අල්ලනවා දැකලා අසූ හාරදාහට තරහා ගිහින් හිටිය අයේෂ්ව යාලු කරගන්න නිම්න ගොඩක් උත්සහා කලානෙ... ඒත් ඉතින් නිම්නගෙ එක කෝල් එකකකටවත් උත්තර නොදී අයේෂ් තරහා පිරිමැහුවා. බැරුම තැන නිම්න බොරු හේතුවක් හදාගෙන අයේෂ්ගෙ ගෙදර ගියෙ දවාලට සොත්ති ඇරුනහම කිසිම කෙනෙක් එහෙ නෑ කියලා දන්න නිසා. නිම්න බොරු හෙතු හදාගෙනම තමන්ව බලන්න එනකොට අයේෂ්ට දැනුනෙ හරි ආඩම්බරයක්.. එයා කියන කියන විදිහට කටවහන් නිම්න වැඩ කරත් අයේෂ්ට ආයෙ ආයෙම මතක් වුනේ නිම්නගෙ අත ධනුද්දර අල්ලන් උන්න හැටි. නිම්නට කියලා උඩටම නෝට්ස් ටික ගෙන්නගෙන ,ඒ ටික දෙනකොට නිම්නගෙ අත අල්ලගෙන හිරකරගෙන නිම්නට රිද්දුවෙ අර තරහා හින්දමයි. කොච්චර රිද්දුවද කියනවනම් ඉතින් නිම්නගෙ අත රතුවෙලා ඇස්වල කඳුළු පිරිලා තිබ්බා... ඕක දකිනකොටයි, නිම්න හරිම අහිංසක විදිහට කතා කරනකොටයි අයේෂ්ට මොකක්ද වගේ උනා.... නිම්න පඩිපෙළ බැහැලා දුවනකොට අයේෂ් කෑගැහුවත්, කොච්චර කතා කළත් නිම්න නතර වුනේ නෑ. අයේෂ් ඇඳන් උන්න ඇඳුම පිටින්ම පහලට දිව්වත් ඒ වෙනකොට නිම්න ගේට්ටුවෙන් එලියට ගිහි තිබ්බා...
" ශිට්..ඇයි මං ඒ කොල්ලට එච්චර රිද්දුවෙ...පව්ව්.. මාව බලන්නමද කොහෙද නෝට් හදන් ආවා කියල බොරු හදන් ආවෙ..මං මෝඩයෙක් වගේ තවත් ඌව රිද්දුවනෙ.."
අයේෂ් එහෙම හිතාගෙන නිම්නගෙ අත අල්ලන් රිද්දපු අතෙන්ම බිත්තියට එකක් ගැහුවෙ හරියට නිම්නට රිදුන ගානටම තමන්ටට්ග් රිද්දගන්න වගේ. අත බිත්තියෙ වැදිලා පුපුරු ගහන්න තරම් රිදෙනකොට එහෙමම උලුවස්සෙ වාඩිවෙලා අයේෂ් ගේට්ටුව දිහා බලන් උන්නා...
" මට තේරෙන්නෑ නිම්න.. උඹ ගැන මොකක්ද මන්දා මහ ලෝබකමක් මට තියෙනවා...අරූ උඹගෙ අත අල්ලන් හිටිය විදිහ මතක් වෙනකොට ඒකට උඹ එක්ක මෙච්චර තරහක් එන්නෙ ඇයි කියලා මං දන්නෑ ඕයි... ඕනකමින් රිද්දුවෙ නෑ..."
අයේෂ් දොර ගාව උලුවස්සෙ වාඩිවෙලා ඉඳගෙන කොච්චර මනෝ ලෝකෙක උන්නද කියනවනම් පිටිපස්සෙන් තේ එකක් අරන් ආව සොත්ති දෙතුන් පාරක් කතා කලත් ඇහුනෙ නෑ.
YOU ARE READING
සූකිරි පුළුන්
Romanceනිම්න කියන්නෙ අහිංසක දුප්පත් උත්සහවන්ත කොල්ලෙක්... අයේෂ් කියන්නෙ සල්ලි කියන දේ අරුමයක් නොවුන නොලැබෙන හීනයක් හින්දා ජීවිතේ විඳවන කොල්ලෙක්... නිකන් නෙමේ..මුරන්ඩු කොල්ලෙක්... ඉතින් මේ අහිංසකයගෙයි මුරන්ඩු කොල්ලගෙයි හැසිරීම් හමුවීම් එක්ක දෙන්නගෙ කතාව කොහ...
