සූකිරි පුළුන්

සූකිරි පුළුන් 23

සූකිරි පුළුන් 23 😋

අයේෂ් එනකන් නිම්න පන්සලට වෙලා බලාගෙන හිටියෙ ඕන දෙයක් වුනාදෙන් කියලා එයාගෙ හිතේ තිබුන හැමදේම අයේෂ්ට කියන්න... ඒත් ගොඩක් වෙලා නිම්න වැලිමලුවට වෙලා බලන් හිටියත් අයේෂ් ආවෙ නෑ. නිම්න පන්සලෙන් එලියට යමින් ගමන අයේෂ් ට කෝල් එකක් ගත්තට අයේෂ් ඒක හිතාමතාම කට් කලා... නිම්නගෙ ඉවසීමේ සීමාවක් නැතිකමටයි අයේෂ් එයාව මගෑරපු තරහටයි නිම්න ආයෙ ආයෙම අයේෂ්ට කෝල් කළා... ඉවරයක් නැතුව කෝල් එනකොට එක වෙලාවකදි අයේෂ් නිම්නගෙ කෝල් එකට උත්තර දුන්නා..

" එන් නැද්ද ඔයා?"

" නටන්න පුලුවන් සේරම මගුල් නටලා..පන්සලකට එන්න කිව්වා කියලා තෝ කරපු සේරම පව් හේදෙනවද ඇයි...ආයෙ තෝ මගෙ දෑහැට පේන්න එන්නෙපා... මමයි අන්තිමට රැවටුනේ.. "

කිසිම හේතුවක් නැතුව  අයේෂ් තමන්ට එහෙම බැන්නෙ ඇයි කියලා නිම්නට හිතාගන්න බැරි උනා. පන්සලට එන්න කලින් උනත් තරහා යටපත් කරගෙන අයේෂ් කතා කරපු එකේ එකපාරටම එහෙම නෑවිත් ඉන්නයි, තරහෙන් බනින්නයි නිම්න මොකක්ද කලේ කියලා නිම්න කල්පනා කලා. අයේෂ් ගෙ වචනවල තිබ්බෙ තරහවකට වඩා ලොකු දුකක්. අයේෂ් කතකලේම වෙවුලනසුලු කටහඩකින්.. අහේතුකව අයේෂ් එහෙම හැසිරුනාම නිම්නට ඒක තේරුම්ගන්න වගේම දරාගන්න බැරිවුනා..තහනමක් දාන්න වෙලාවක් නොතියම නිම්නගෙ ඇස්වලට ලයිසන් හම්බෙලා කඳුලු පෝලිම් දෙකක් පහලට රූටලා තිබ්බා.

අයේෂ් එහෙම හැසිරෙන්න හේතුවක් දැනගන්න තිබ්බ ඕනකමටම නිම්න අයේෂ්ට ආයෙම කෝල් කලා... ඒත් ඒ වෙනකොට අයේෂ් නිම්නගෙ නම්බරේ බ්ලොක් කරලා තිබුනා. නිම්නට ඒ කිසිම දෙයක් හිතාගන්න බැරුව එහෙමම වට්සැප් එකට ගියෙ ඒකෙන් හරි කෝල් එකක් ගන්න පුලුවන් ද බලන්න. ඒ වෙනකොටත්  නිම්නට අයේෂ්ගෙන් මැසේජ් ගොඩක් වට්සැප් එකට ඇවිල්ලා තිබ්බා කියලා නිම්න දැක්කා.. නිම්න පුලුවන් ඉක්මනින් ඒ මැසේජ් ටික කියවන්න පටන් ගත්තා..

අයේෂ් ටයිප් කරපු එක දිග මැසේජ් එකක් එක්ක වෙන චැට් එකන් ෆෝවර්ඩ් කරපු ෆොටෝ පහක් හයක් ඒ චැට් එකේ තිබ්බා. නිම්න ෆොටෝ ටික ඩවුන්ලෝඩ් වෙන්න ඇරලා අයේෂ් ලිව්ව මැසේජ් එක කියෙව්වා..