خطوط متلاقية

الفصل الرابع عشر

يونس قال بإندفاع، و هو يهم للوقوف:
"احنا لازم نروحله ونشوف هنعمل معاه ايه الوقت ده"

امسك براء بيده، وهو يقول بهدوء:
"اهدى يا يونس، لازم نفكر بالعقل لو روحناله مش هنستفاد حاجة و لو كنا ممكن نعرف حاجة فهو هياخد حذره ومش هتبقى كسبنا حاجة"

تربعت مرح ونظرت لهم بشرود، لتسألها سارة بإستغراب:
"مالك يا مرح ساكتة مش بعادة يعني"

مرح قالت و هي تفكر بعمق :
"بفكر هتسحر ايه النهاردة"

لتقول رِوان بتشنج:
"احنا في ايه و انت في ايه ركزي معانا الله يخليكِ"

نظرت لها مرح و قالت و هي تبتسم ببلاهة:
"انتو بتفكر في ايه يعني يا حسرة! يعني عرفتو انكو ملعونين و سنتين تلاتة و هتتقتلو و بتفكروا في ايه فكركوا هتعرفوا تنقذو نفسكو!" ضربت كفها بالأخر بحسرة و هي تتابع حديثها "لا اله الا الله ده ايه التفائل الي انتو فيه ده! فكرو ازاي هتتوبو توبة نصوحة قبل ما تموتوا، شوفوا نفسكوا تعملو ايه في حياتكوا قبل ما تموتوا كدا يعني"

القى آسر عليها وسادة صغيرة و هو يقول بغيظ:
"يخربيتك تفائلي يختي تفائلي احنا مش ناقصين فقر"

قالت بغيظ و هي تضع يدها على فمها:
"اديني اتكتمت اهو ابهروني بجمال افكاركوا"

دنيا قالت و هي تنقل نظراتها بينهم:
"تسمحولي أتدخل في الناقش الجميل ده، انا بقول تراقبوا اللي اسمه كامل ده عشان تعرفوا بيعمل ايه و تفهموا اي حاجة"

آسر حرك رأسه بإقتناع وقال بحماس:
"بالنسبة لأننا نراقبه فأنتوا جيتولي في ملعبي نهكر تليفونه اكيد هنلاقي مصايبه أو هنفهم بيعمل ايه"

رِوان سفقت بحماسة هي تقول:
"اشطا عليك يا اخويا يا جامد"

سارة قالت بتفكير:
"بس هو مش مختوم على قفاه برضو يا جماعة اكيد مش هيفتح اي لينك يتبعتله"

مسح آسر على ذقنه بتفكير، ثم ابتسم:
"عيب عليكي تشكي في قدراتي في حل تاني اننا نهكر اللاب بتاعه أو الكمبيوتر اي حاجة ممكن يكون وصلها بتليفونه عشان صعب نوصل لتليفونه على طول، أنا معايا جهاز بس لازم حد من عنده يوصله بأي حاجة تخصه و بكدا هكون دخلت تليفونه و الكومبيوتر و اي حاجة تخصه وعشت جواهم"

يونس ابتسم بحماس:
"لو على حد من عنده فمحلولة"
    ـــــــــــــــــــــــــــــــــــــــــــــــــــــــــــــــــــ

في صباح اليوم التالي في غرفة آسر كان يجلس يتصفح هاتفه بملل، ولكنه تذكر شيئاً ما اتصل بسارة أجابت بعد عدة دقائق ليقول بمرح:
"صباح الخير مساء الخير حسب الوقت اللي هتشوفوا فيه الحلقة... النهاردة معنديش محاضرات، لو فاضية ممكن نشتغل على البرنامج بتاعك"

كانت تجلس في غرفتها بملل و هي تمشط شعرها الأسود الطويل بملل،ابتسمت بإستغراب من طريقته الغريبة ثم قالت بحماس:
"انا فاضية في اي وقت النهاردة"