"All I want for Christmas is you"
ပထမဆုံးထပ်မှာပင် ၀င်၀င်ချင်း Band တစ်ခုက သီချင်းဆိုနေတာမို့ သွေးရန် ရပ်ကာ နားထောင်နေမိသည်။ Mall တစ်ခုလုံး မီးဆိုင်းများနှင့်လင်းထိန်နေပြီး ခရစ်စမက်စ်အငွေ့အသက်တွေ ပြည့်နက်နေပြီး စည်ကားသိုက်မြှိက်နေသည်။
ခေါင်းတလှုပ်လှုပ်ဖြင့် ပျော်နေသော သွေးရန်ကိုကြည့်ရင်း စိုင်းလင်းကိုကို ပြုံးမိသည်။
"ဘာစားချင်လဲ"
"အာ ဗိုက်ဆာနေပြီလား"
"မဆာပါဘူး သွေးရန် နေ့လယ်စာလည်း မစားခဲ့သေးဘူးမို့လား"
"ဟုတ်တာပဲ။"
"ဘာစားချင်လဲ"
"မသိဘူး ဒီကဆိုင်တွေက နည်းနည်း စျေးကြီးမယ်ထင်တယ်"
သွေးရန်က တွေးဆဆလေးပြောလာတာမို့ စိုင်းလင်းကိုကို ခေါင်းကို အသာလေးပုတ်လိုက်သည်။
"စားချင်တာသာပြော"
"အပေါ်ထပ်မှာ Happy Pork ရှိတယ်ထင်တယ်။ အဲဒါစားကြမလား"
"သဘောလေ ပြီးမှ ဒီအောက်ထဲ ပတ်ကြည့်ရအောင်"
Ground Floor မှာလည်း Christmas Market ရှိနေတာမို့ စားပြီးမှပဲ ၀င်ကြည့်ဖို့ ဆုံးဖြတ်လိုက်ကြသည်။ Happy Pork ထဲကိုရောက်တော့ Waiter အစ်ကိုက မီနူးလာချပေးကာ စောင့်နေတာမို့ သွေးရန် စိုင်းလင်းကိုကိုကိုလည်း တစ်အုပ်လှမ်းပေးလိုက်သည်။ ဆိုင်က အတော်လေးလူကျနေတာဖြစ်သည်။
"ဘာစားမလဲ Set ပဲမှာလိုက်ရမလား"
"ဒီ Set မဆိုးဘူးနော်"
"ထမင်းထပ်မှာရမလားမသိဘူး"
"Set မှာက ထမင်းပါပြီးသားခင်ဗျ"
မြန်မာလိုပြောလာသည့် Waiter အစ်ကိုကြောင့် သွေးရန် မော့ကြည့်ကာ ပြုံးပြလိုက်မိသည်။
"မြန်မာလား"
"ဟုတ်တယ်ဗျ"
"အဆင်ပြေသွားတာပေါ့၊ ကျွန်တော်က ထိုင်းမှတ်နေတာ"
"မြန်မာတွေများတယ်၊ ဒီမှာလည်း နောက်ထပ်မြန်မာနှစ်ယောက်ရှိသေးတယ်"
"သြော်"
"အစ်ကို ခေါက်ဆွဲအေးစားချင်သေးလား"
YOU ARE READING
ချစ်ခြင်းဖြင့် နွေးစေလို
Romance'ကိုကို ကျွန်တော့်ကို ချစ်မလာနိုင်ဘူးဆိုတာ ကျွန်တော်ဖြင့် မယုံပါဘူး'
