Sən bilməzsən,
Birinin baxışında hüzur tapmağı.
Gülüşünə baxıb da ağlamağı.
Sən bilməzsən,
Danışmadan tanımağı.
Tanımadan bir insanı anlamağı.
Anlamazsan,bir insanın,
Həsrətinə vurulmağı.
Ayrılığa mahnılar qoşmağı.
Sən bilməzsən,
Xəyalına sarılmağı.
Yoxluğuna dastanlar yazmağı.
Sən bilməzsən,
Toxunmadan güc almağı.
Varlığından cəsarət tapmağı.
Sən bilməzsən,
Xəyalında yaşatmağı.
Hər xəyala adıyla başlamağı.
Anlamazsan,bir insanın,
Gülüşünə vurulmağı.
Vurulduqca yox olmağı...
