Chances

Chapter 12

“Dave, anak halika muna sa loob ipapakilala kita sa isa sa mga kapatid ko.” Ang wika ni nanay Marta habang nasa labas kami nang bahay kasama ang bayaw ni Alex at ang ibang kaibigan nito’t nagiinuman na naman.

“Sandali lang mga pare inum lang kayo diyan babalik ako agad.” Wika ko naman sa mga kainuman ko saka sumunod kay nanay Marta sa loob ng bahay.

Kakaiba talaga ang mga tao sa probinsya hindi man kasing yaman ng mga tao sa syudad pero kung mag-handa daig pa ang may maraming ipon. Bespiras palang ng pista ay may mga kamag-anakan at kaibigan nang pumunta na taga kabilang baryo at ang iba pa nga ay galing sa malalayong lugar para lang dumalo at makipista.

“Ito ang sinasabi ko sayong boss ni Alex ko Emelda, si Dave, kasama siya ni Alex na nagbakasyon rito para sa pista.” Ang pagpapakilala ni nanay Marta sa isa sa mga kapatid niya.

Para talaga akong kapamilya nila kung ituring halos lahat na siguro nang kaibigan at kamaganak nila na pumunta sa araw na iyon ay ipinakilala nito sa akin. Kakaiba talaga ang hospitality ng nanay ni Alex, napakabait nito taliwas sa kapatid nitong nakilala ko sa lugar namin na pangit na nga ang ugali pangit pa ang pigura nang katawan.

“Dave, ang bunso namin si Emelda.” Pakilala naman nito sa kapatid niya na tulad rin ni nanay Marta ay maamo ang mukha nito’t walang kasungitang ma-babakas.

“Magandang gabi po. Kapatid lang po ako nang asawa ng boss ni Alex” Magalang ko namang pagbati at pagtatama sa sinabi ng nanay ni Alex.

“Tama ka nga Ate, ka gwapong bata nga nitong bisita niyo.” Nakangiting wika nito sa akin na sinangayunan naman ng mga kasama nito sa lamesa nila.

Napakamot nalang ako sa ulo dahil medyo nakaramdam ako nang hiya sa ginawang pagbibida sa akin ni nanay Marta. Proud na proud ako nitong ipinapakilala sa mga kaibigan nito’t ibang malalayong kamaganak.

“Mabuti naman iho at napadpad ka sa lugar na ito bihira lang kaming mag-karoon ng dayo sa mumunting baryo naming ito na bukod sa makisig na mayaman pa.” Ani naman ng isang may edad nang lalaki.

“Siya naman si Domeng ang kapatid nang asawa ko at ang tatay ni Aloda.” Sabat ni nanay Marta para ipakilala sa akin ang lalaking nagsalita.

“Magandang gabi po.” Ang mahiya-hiya kong sabi. Hindi ako komportable na mga may edad na tao ang mga kausap ko lalo’t hindi naman ako sanay na makipagusap sa mga Titas, at Tito’s ko tanging si papa lang kasi ang nakakatiis ng sayad ko.

“Nay, ibinida niyo na naman si Dave.” Ang boses ni Alex na nasa likuran ko na pala. Marahil napansin nitong hindi na ako komportable sa mga tiyuhin at tiyahin nito.

Nagmano muna ito sa mga ito at bumati bago humarap ulit sa akin.

“Hindi ka pa daw kumain. Tara sa kusina at nang makakain ka muna bago ka makipag lasingan sa mga kabarkada ni kuya Drigo.”

Simula nang makapagusap kami kanina at makahingi ako nang tawad sa kalokohan ko ay naging mabait na ito sa akin. Hindi lang normal na pagiging mabait kung hindi may kasama na itong lambing. Hindi ko man maintindihan kong ano ang nangyari sa kanyang mabilisang pagbabago ay ikinatutuwa ko naman ito.

“Siya nga pala anak.” Singit naman ni nanay Marta. “Mag-tabi nalang ulit kayo nitong si Dave sa kwarto dahil dito matutulog sina tiya Marta mo.

Sa narinig ay agad na gumuhit ang ngiti sa aking mga labi at napalingon ako kay Alex na sa akin rin pala nakatingin. Kita ko ang pamumula ng mag-kabilang pisngi nito na lihim ko namang ikinahagikhik. Halata kasing apektado parin ito sa nangyari sa huling pagtatabi namin na wala naman talaga siyang ibang ginawa kung hindi ang gawin akong unan na sa hindi malamang dahilan ay nagustohan ko.