The Killer Next Door

Chapter 17 - Ang Nakakita (Officer)

Iniwan ko muna si Marco sa unit ni Jeffrey matapos nim magkape.

Habang nagiimbestiga nakarinig ako ng katok mula sa pinto.

"Oh Kayo pala Aling Maida. Paano nyo po nalamang nandito ako?" Tanong ko sa kaniya pagbukas.

"Officer. Maari ka bang tumungo sa unit ko. May mahalaga akong sasabihin." mahinang sabi ni Aling Maida.

Agad kaming tumungo mula sa 3rd floor pababa sa tinutuluyan ni Aling Maida.

"Maupo ka officer." Inihanda ni Aling Maida ang isang upuan at naghanda din ng Kape para sa aming dalawa.

"Alam kong may kasanayan ka sa ganitong sitwasyon iho." Sabay higop ng kape na nanginginig pa ang mga kamay.

"Matagal na 'din po akong wala sa aking tungkulin pero sa abot ng aking makakaya ay aalamin ko ang nasa likod ng mga pangyayaring ito." Paliwanag ko sa kaniya.

"May gusto akong sabihin officer, na baka makatulong sa mga pagkakataong ito." Sambit niya.

Tumahimik ako at naghintay ng mga lalabas sa bibig ng matanda. Maaring ito ang magpapalinaw ng mga bagay-bagay at ito ang magturo ng sagot sa hinahanap ko.

"Si Roberto...nakita ko s'ya kanina."

Humigop muli ng kape ang matanda...

"Nakita ko s'ya kaninang hapon. Kabado at balisa. May dala s'yang bagay na hindi ko alam kung ano. Bagay na 'di ko alam, pero alam kong di n'ya personal na gamit."

"So ano po ang ibig n'yong sabihin Aling Maida." Tinabi ko ang kape na hawak ko at iniusog pa nang bahagya ang upuan para mapalapit pa sa kaniya.

"Bago pa 'yun mga bandang mag-a-alas-dos. Nakita ko s'yang palabas ng kwarto ni Jeffrey. 'Di ko na sya tinawag. Nagmamadali s'yang bamalik sa kaniyang unit." Napahawak na lang ang matanda ng mahigpit sa basong iniinuman n'ya.

Si Roberto ba ang suspek?

Maraming pumapasok sa isip ko.

Bakit?

Posible kayang...?

Pero bakit?

Naguguluhan ako.

Isang malakas na kulog ang gumulat sa amin. Patuloy ang malakas na buhos ng ulan.