Duben iẓuran n wul-iw
Iḍaq lxater-iw
Tasa-w yuli-tt-id wadal
Kkawent wallen-iw
Lhem-ik a zzheṛ-iw
Am ṣdid yeččan uzzal
Teswiḍ idammen-iw.
D leḥbab-iw, leḥbab-iw
Leḥbab-iw wid ɣlayen
I cedhant wallen-iw ..
Uqbel ad ifat lḥal
Ad ǧǧaɣ sswal
Mi ẓriɣ ad nbeddel tamurt
Ddunit tmal
Ad teẓrem ay mazal
Ccetwa ad teglu s tefsut
Kullec ur d-yettuɣal
A leḥbab-iw, leḥbab-iw
Leḥbab-iw wid ɛzizen
Rret-iyi-d awal ..
Zzheṛ-iw i ẓriɣ yeɛkes
Deg usendef ḥbes
Lǧerḥ iṛuḥen ad yeḥlu
Ssem izad-as
Ma d udem-ik a Lwennas
Ijerred si lemḥayen
Ṣṣifa tekkes-as
D leḥbab-iw, leḥbab-iw
Leḥbab-iw wid i yi-ǧǧan
Kecmeɣ daxel n tmes..
# Matoub Lounès.
