Xelṣeɣ adrar s idammen-iw
Ad yeqqim later-iw
Xas gullen ard ad t-ṣefḍen
Wid yettganin di lmut-iw,
Yessamsen isem-iw
Kul tizi ad iyi-d-mlilenAṭas i ǧǧiɣ si lḥeq-iw
Armi i qqleɣ seg yilexxaxen
Wwteɣ, ḍliɣ ɣef nnif-iw
Ufiɣ wiggad i t-yesxewden
Xas yeǧǧa lǧehd iɣallen-iw
Mazal ṣṣut-iw ad yebbaɛzeq...
Ad as-d-slen !Nnan : " Yeqqeṛs-d udrar,
Keččini ur teḥdireḍ ara "
Bnadem i bnadem yeqqar :
"D amenzu n Yennayer ass-a"
Teǧǧuǧeǧ-d tmurt am lefnar
Di Tizi tressa ṛṛeḥba
Di Bgayet yeṭṭerḍeq waɛbar
Ṛẓan azaglu n tlufaA leɛmer-iw, a leɛmer-iw... d idurar ay d leɛmer-iw !
Annaɣ, mennaɣ win iḥedren
Xeṛṣum ad ẓẓgeɣ awal !
Lemḥayen i d iyi-yuɣen
Uɣalent-iyi d ṛas-lmal
Imi Leqbayel ddukklen
Yir laɛyub ad ten-ṣefḍen
Ulayɣar teɣzi n wawal
Tamaziɣt d lsas-nsen,
D aẓar n tudert-nsen
D lweqt ad feṛzen lecɣalA leɛmer-iw, a leɛmer-iw... d idurar ay d leɛmer-iw !
Xas yeččeḥ wul-iw, meɛdur,
Gar-awen imi ur ḥdireɣ ara
Aṭas i iɛebba yeççur,
Ẓẓay ur yezmir ara
Yebɣa ad as-d-slen leɛrur,
Widen ara yeççen ahicur
Ma akka tuzdag nneɛma
Win i s-yennan : Awḥid meḥqur ,
A d-yas ad d-izid lehḍur
Ma akka ɣur-i i d-terza ṣṣeḥḥaA leɛmer-iw, a leɛmer-iw... d idurar ay d leɛmer-iw !
" Yir lehḍur ṣeffḍen ddnub "
I d-nnan yimezwura
Ulayɣar a ttfeɣ addud
I wayen ur nesɛi lmaɛna
Ad yuɣal ad yeḥlu ufud,
Ad as-teslem i wegrud
Ad yetɣenni ɣef Timmuzɣa
Ayen i ɣ-d-yeǧǧa Dda Lmulud
Deg yigenni iban-d am ṛṛɛud
Wissen ma tḥulfem i tmeqqwa...A leɛmer-iw, a leɛmer-iw... d idurar ay d leɛmer-iw !
# Matoub Lounès.