Sleεb-itt ay abeḥri
Nuɣ-d abrid n tlelli
Sleεb-itt ay abeḥri
Ass-agi deg wass-nni !
Ay adrar ger idurar
Ay iṭij ṛğu ur ɣelli
S ccbaḥa-nwen i d-nufrar
Xas akka zgant ccḥani
Ma d lebḥer asmi ad yeqqar
Tamaziɣt assen ad tt-nagi !
Deg urebbi-k i ɣlin leḥṛaṛ
Anumalah ccbaḥa-nni
Leεnaya-k tuɣ-d leqrar
Taqbaylit ad tennerni
Γef ccbaḥa-nwen i nufrar
Tecfam-d i wat zik-nni ..
Wissen ma ad d-tban tṣebḥit,
Melmi ad nemmager tafsut ?
Wissen ma ur nzeddeɣ targit
Neɣ ad d-neffeɣ si tagut ?
A yemma, mmi ṛebbi-t
Ma yenkeṛ laṣel, zlu-t !
A tamurt ideflawen
Xas beggen-d ṣṣifa n wudem-im
Ğeṛğeṛ d Luṛis yiwen
Imaziɣen d arraw-im
Regmen-aɣ, nerra-asen
Widak yellan d iεdawen-im !
# Matoub Lounès.
