Ass-agi lliɣ
Azekka wissen
Nniɣ-d ayen ẓriɣ
D wayen a ttwaliɣ
Cfut di targa ma ɣliɣ
D anza-w ara awen-d-yessiwlen
Ya lemri fkiɣ-ak-n udem-iw
Tṛeğmeḍ-t-id s ccwami
Mi kkreɣ ad qazmeɣ lebɣi-w
Iḍelb-iyi-d ayagi
D idammen-is neɣ d idammen-iw
D netta neɣ d nekkini
Ifer n leḥbeq yuggad
Yuggad taɣert d-ileḥḥun
Ul-iw kecment-t tiqqad
D times i t-id-yettsuḍun
Abeḥri n lḥif a yettzad
Bɣan awal ad aɣ-t-ɣbun
Bɣan ad aɣ-ḥeṛṛen s amḍiq
Iweryan heggan-aɣ-ten
Mi newqeε ad nettijjiq
Llazuq ger wafriwen
Ajenwi ad d-yas s aεenqiq
Ad aɣ-zellun yiwen yiwen
Xas ḥeṛṛen-iyi ṛebεa leḥyuḍ
Xas lfinga a tt-waliɣ
Xas lḥif ad iyi-d-isuḍ
Xas yecceḍ webrid ara awiɣ
Ma nnan-iyi-d : "S anda tleḥḥuḍ ?"
Ad asen-iniɣ: "Nekk d Amaziɣ".
# Matoub Lounès.
