Sefruruyen tesfesdeḍ
Teḍṣiḍ i wiyaḍ qebl-iw
Ulac anda ur teglalzeḍ
Qbel ad kem-inadi wul-iw
Ɛemmdeɣ-am
Semmḥeɣ-am
Tewwiḍ-d iṭij i temɣer-iw
Yehwa-am
Tarẓiḍ ifadden i leεwam
Ayen nniḍen d ccɣel-iw ..
Taqcict yeffɣen tettwaεzel
Γas tqeddec di tmussni
Widen umi yecceḍ laṣel
Sekrasen absis di tili
I ilaqen,
D tin yessnen,
Amek ara terr aqrab a d-tɛebbi ?
I iwulmen,
D tinumi ad sbibben ad sefḍen
Ayen akk karhen nitni ..
Ur lliɣ seg wi nekkren
Leεwayed n tiẓett n lejdud
Tamussni n win ittqelliben
Ad yesnefsi yir leqyud
Ula ayɣer,
Ad d-yehder
Win ur njarreb asiger ufud
Ula ayɣer
Yir bnadem ad ineccer
Deg wid tt-yebnan s lmeqṣud ..
Anwa i iweznen leḥmala
Iɣeblan qbel ad ten-iḥfeḍ
Deg yigenni ma yenger usigna
Akal ur t-tettɣelliteḍ
Zemm imi-m
Lli iẓṛi-m
I kem-inefɛen d asiweḍ
D tamussni-m
I d lfayda n warraw-im
Tesɛiḍ d acu ad sen-temleḍ ..
#Matoub Lounès.
