A ttnadiɣ tatut
Ahaqel alamma d lmut
A medden ad tt-afeɣ
Ṛẓag di imi-w lqut
Xas iṭij yefṛeḍ tagut
Gummeɣ ad feṛḥeɣ
Kkret ad tmaggrem tafsut
Ay arrac, ur d-iyi-ttṛaǧut
Yif-it ur tedduɣ ..
Eǧǧet-iyi ad nfuɣ
Ammer ad ttuɣ
Tkubel-iyi tayri iεeddan
Gummeɣ ad bruɣ
Txulef-iyi-d aguren, aṭṭan,
Gar-asen ttεumuɣ ..
Ẓeddmeɣ ur ẓṛiɣ
Armi i ifat i d-ttakiɣ
Akka i tṛuḥ temẓi
Yecweḍ wul, zziɣ
Deg tizzya-w mara ttwaliɣ
Rekkmen yidammen-iw
Ftint akk ur tent-cbiɣ
Γer ẓelmeḍ mi akken i tt-rriɣ
I ḥṣiɣ ad ten-ruɣ ..
Eǧǧet-iyi ad nfuɣ
Ammer ad ttuɣ
Tkubel-iyi tayri iεeddan
Gummeɣ ad bruɣ
Txulef-iyi-d aguren, aṭṭan,
Gar-asen ttεumuɣ ..
Nnuɣeɣ d wuḍan
Zgiɣ la ḥettbeɣ itran
Aṛfiq-iw d εwaz
Xas ttseqqi-d kan
D ccṛab neɣ d ayen yellan
Allaɣ yettwakraz
Cnu-d ay aḥbib ɣef zzman
Smekti-d tinna iyi-iǧǧan
Tunfeḍ-iyi ad ruɣ ..
Eǧǧet-iyi ad nfuɣ
Ammer ad ttuɣ
Tkubel-iyi tayri iεeddan
Gummeɣ ad bruɣ
Txulef-iyi-d aguren, aṭṭan,
Gar-asen ttεumuɣ ..
Ah ya leεtab-iw
Tewwet rrba daxel n tgemmi-w
Yenqedwa kullci
Rrebg i nnif-iw
Anwa i t-yefsin d lɣerḍ-iw
Ma d tuzzma iwumi ?
S lkif i ttṣebbireɣ ixef-iw
Ibeṭṭu-yi d yiman-iw
Ttaggadeɣ ad cfuɣ ..
Eǧǧet-iyi ad nfuɣ
Ammer ad ttuɣ
Tkubel-iyi tayri iεeddan
Gummeɣ ad bruɣ
Txulef-iyi-d aguren, aṭṭan,
Gar-asen ttεumuɣ ..
#Matoub Lounes.
