Sɛu lkurağ ay iles-iw
Ini-as nekk yid-m berka
Sarmeɣ yid-m arraw-iw
Ad ten-nṛebbi akken i ɣ-yehwa
Imi akka i s-yehwa i ẓẓehṛ-iw
Tawwurt s agudu a iyi-tefka
Seqqan tarbuyt ixṣimen-iw
Seg uyeddid n nnger neswa.Tarewla Tarewla
Rwel skud teğğuğegeḍ
Urruz n lğedra-w yerka !Ur neğği tudrin yeffren
Wedris nɛedda sinna
Ulac win i d-aɣ icekkren
Ɣef umnar ur s-nbedd ara
Ma d Ṛebbi i yettreẓẓiqen
Nekj ur d-iyi-yerẓiq ara
Xas rut fell-i ay iḥbiben
Di nnger ara mmteɣ azekka.Tarewla Tarewla
Rwel skud teğğuğegeḍ
Urruz n lğedra-w yerka !Ur rbiḥeɣ ur tnuleḍ
Tqefled si yal tama
Ma d ddkir ad tenceqqeḍ
Ṣṣber yesɛa tilisa
Ɣaḍeɣ-kem ad iyi-teğğeḍ
Teẓṛiḍ ur tt-naqaleɣ ara
Tannumi teṣɛeb ad teṣfeḍ
Yecwjeḍ wul yegla s tasa.Tarewla Tarewla
Rwel skud teğğuğegeḍ
Urruz n lğedra-w yerka !Yes-i ttṛebbin yir awal
Tleqqimen-t medden i ttnerna
Tḍegreḍ-t deg uzabug n ccwal
Ur s-tfaqeḍ i ṭṭfer yeḥfa
Teṛwiḍ aberrez n tḥemmal
Acetki ur kem-id yuli ara
Imi d yelli-s n leḥlal
Ma tzewğeḍ meɛḍureḍ ass-aTarewla Tarewla
Rwel skud teğğuğegeḍ
Urruz n lğedra-w yerka !Ḥader ad as-tinniḍ tekfiḍ
Ṣṣifa-m tura i tennerna
Xas akka deg udem teɛyiḍ
Sked win ur nesɛi cfaya
Ԑuhdeɣ-kem am zal am yiḍ
Ma ttuɣ-kem xas s dderya
Deg uzniq yid-sen ma ad tɛeddiḍ
Ad ten-id ẓemḍeɣ ɣer tasa.Tarewla Tarewla
Rwel skud teğğuğegeḍ
Urruz n lğedra-w yerka# Matoub Lounès.