D lesnin teffɣeḍ tamurt
Tnufqeḍ, tugiḍ leɣlaḍ
Deg-k akk i neṛğa ttbut
N wayen hemjen wiyaḍ
Teḥlelli-d deffir-k lmut
Wwin-tt-id widen ur tuṛğaḍ
Ay at lḥif xas cfut
D kunwi i d-yuğğwen ccyaḍ
Awah awah a tuğğal
Ṛuḥen-aɣ yergazen ur nuklal
Ssawlen-ak wat ttindar
Γer tegnitt n ddiq qerrḥen
Asmi k-id-necden s annar
Ur tḥezzbeḍ i iṛejjaqen
I tmurt ssefsin amrar
Tezder di temda lqayen
S uqerru i temḥezwar
Leğnas deg-s a ttnezzihen
Awah awah a tuğğal
Ṛuḥen-aɣ yergazen ur nuklal
Tufiḍ-d tamurt tenneqlab
Tefreq, tṛuḥ d iḥricen
Wa ijebbed iqqar: "Nekk d aεṛab"
Ulac wi t-id-yezwaren
Ma d at ttmira d nniqab
Ttgallan ur s-ḍliqen
Swejden-d yum n lḥisab
I yemdanen i ten-ixulfen
Awah awah a tuğğal
Ṛuḥen-aɣ yergazen ur nuklal
Ismi-k deg umezruy yella
Lğil d-iteddun ad t-yaf
Tizzelgi ur tettdum ara
Xas akka izedɣ-aneɣ zzεef
Lezzayer ad teḥlu am wass-a
Tamusni ad d-tger ixulaf
Tneğṛeḍ-d iswi i ccetla
Tura steεfu a Mass Buḍyaf ...
# Matoub Lounès.
