Ad regmeɣ qbel iman-iw
Uqbel ad n-zziɣ ɣur-wen
Ma freɣ-awen leεyub-iw
Klaleɣ ad iyi-tkerhem..
Uqbel ad ḍelqeɣ ifer-iw
Ad ken-ğğeɣ a yat tmurt-iw
Ad awen-menniɣ asirem..
Ass-a, mi icebbel lmux-iw
Yegla ula s tezmert-iw
Slet-d qbel ad iyi-tfarqem .
Mi kfiɣ, regmeɣ iman-iw
Γur-wen ad n-zziɣ udem-iw
Ad as-sardeɣ s useɣwen.
Γur-i mi d-tejbiḍ a lḥif
Ad tzedɣeḍ bessif
Ttxil-k, acu i d ssebba ?
Teɣliḍ-d am lehwa n lexrif
Ttewteɣ d lluṣif
Deg umurej tegla ṣṣura
Susmeɣ neɣ meǧdeɣ, kif kif
A zzher-iw d ukrif
Yeṭṭef-it zzman di ṣṣrima .
Yir zzher, yir ddunit
Ma d lebɣi-w ucmit
D idammen-iw i d lqut-is
Ayen akken yelhan, iḍqer-it
Ayen yeẓra iḍur-it
Yextar-it-id d arfiq-is
Win ɣef i testenya ddunit
Ad d-telhem talwit
Wayed, ad as-tεebbi anṣib-is..
Ur friẓeɣ iṭij, d lehwa
Ma d lehna n tmara
Hubaɣ ad d-bedreɣ isem-is
Γurwat ad as-tinim yezha
Ur t-yuɣ wara
Ur ttmennit amkan-is
Ul-iw, a iteddu ileḥfa
Yeɣreq di tẓegwa
Kul aṭṭan yeddem amur-is ..
Zgiɣ d aḥbib n tmara
Akka i d iyi-yura
Ur cbiɣ tizyiwin-iw
Di nnger ad mteɣ azekka
Ur ẓṛiɣ ara
Ur ṭṭifeɣ mmi deg urebbi-w
Ekker ay aḍar-iw tura
Ad nbed ɣef tmura
Win iyi-yessnen, ad yettu isem-iw.
Ad ruḥeɣ ad sbeεdeɣ
Ayen iyi-cudden, ad t-gezmeɣ
Dayenni ..
Ad ruḥeɣ ad inigeɣ
Sbanyul ad tt-id-fureɣ
Madrid ad ḥebseɣ
Tidett, ad tt-afeɣ
Ass-a, ad ken-id-feḍḥeɣ
Acḥal tenɣam s tḥerci !
Abrid werεad i t-kfiɣ
Ayen muɣur tedduɣ lḥiɣ
Ad t-afeɣ
La Suisse, ur ḥebbseɣ ma εyiɣ
Mačči d adrim i wwiɣ, ad t-freɣ
D taεekkemt i wwiɣ,
Γer l'Allemagne i ddiɣ
I wakken ad d-waliɣ
Anda nɣan izmawen-nneɣ.
Wwin tamurt ɣer usfel
I wakken ur ẓeṛṛen medden
I ɣ-yuɣen
Dlan-as i tmurt ddel
Widak nerra d imɛelmen
Aɣ-tetten ..
Acimi newḥel,
Nekkni s Leqbayel ?
Axatar nedɣel
S tismin ineqqen irgazen ..
Yettɣaḍ win iwmu gezmen awal
Xas inuda ad icekti
I wumi ?
Ss3aya d ṛas-lmal
Aglim uxeddam yezwi
Seg uɛebbi ..
Ṭuqet n lɛeqqal
Yeččuren d awal
Tazzla d uqelqal
Mi gh-yuddi
Ad aɣ-yeṭṭef ubarti ..
Yya-d a flan ata umkan
Ayen tmennaḍ, tessarmeḍ
Ad t-tawḍeḍ
D nekkni ad ak-yeggen leḥsan
Ur ttak awal , ad tqebleḍ
Ad tjehleḍ
Lebayel akka ggan :
Gar-asen i ttemyeččan
Win i wumi fkan amkan
Mi iwala gma-s, ad t-yeṛkeḍ ..
Ulac ticraḍ zeddigen
Ur d-nefki ara idammen
Ɣer ṭṭejra ur ihuz waḍu
Tayuga n yizgaren
S ccuka ma tḥerseḍ-ten
Yiwwbas ad ṛẓen azaglu
Ma d wid itetten
Deg uksum-nsen
Xas nekfa, ad d-yeggri yiwen
Ad asen-yecfu ..
Anwa amsedrar yesteɛfan
Ur ḥuzan ara ysiban ???
Neɣ axxam yuggad lhem ??
Ur d-yeqqim uεerqud yeṣfan
I wumi ggan yimdanen ccan
Ur nufa afus yettwalqem
Ladris a yellan ??
Yettekka ɣef umkan
Aɣ-d-yettɣenni "Qasaman"
I wakken ad t-namen ..
Mačči d nekk kan ad d-yinin
Mačči d nekk ad ken-yawin
Anda akken I yettqeggil yifis
Mazal cfant tzemmrin
Mazal jjujma n tudrin
Ɣef win i yeffren iman-is
D tidett ad d-yini
Ad awen-d-tefk limin ??
???????? tudrin
???????????
Yiwen yeqqar "Nekk d zzaɛim
Ɣef Tmaziɣt ad fkeɣ idim"
Yettmeslay s tfanṭaẓit
Xuḍi, mara ad d-yeɣli lɣim
Ad d-t-tafeḍ yeffer, yeqqim
Yettṛaǧu ad tebɛed twaɣit
Flan s socialisme
Iɛebba-d adrim
Argaz, ibuṭi neɣ yeqqim
Yeqqen-as ????? tacacit
Ah ya Si Lḥusin
Tfehmeḍ, nekk d abhim
Rḍel-iyi-d kra n twiztin
Ad d-aɣeɣ targit ..
# Matoub Lounès.
