Si Skikda i ten-id-fkan
Ttcabin s ilfan
D tirebbaε ɣer Tizi a d-leḥḥun
Γer tmes ur nesεi duxxan
Isufa uẓan
Mi d-ṣubben Wat Wagnun ..
Lḥekkam bedden nnejmaεen
I ubhim nnan
Mi d-yenna ayen asen-yehwun ..A lwexda iṣaren ..
D abhim ass-a i iḥekmen
Anwa ad t-iḥekmen?
A lwexda iṣaren ..
Lεeqqal ffɣen ad sewqen
S uḍellaε ifetkenTenser-d si ddiq tafat
Lbaṭel nwala-t
Yewweḍ-d lewzir d lmeṛsul
Yenna ad tent-tettarum i snat
Gganit tasweεt
Aṛǧut, anejmaε ur yettḍul ..
Yeqqim-d lkuṛaǧ nejmeε-it
Lmektub nenɣa-t
Lulen-d, mmuten lefḥul ..A lwexda iṣaren
D abhim ass-a a iḥekmen
Iɣyal ceṭṭḥen ..
A lwexda iṣaren
Lεeqqal ffɣen ad sewqen
S uḍellaε ifetken..D lyuṭna neɣ d lqebṭan
D laṛmi i tt-yeččan
Axeddam teɣḍer-it tesweεt
Ggullen lefḥel ad t-ɣeḍlen
S lbaṭel ad t-ɣummen
Ma d temlel tebrek terna-t
Leqbayel d Waεraben
Mačči d atmaten
Aṭas i εebbant tuyat ..Leḥzen d lfeṛḥ yemyagar
Bedden d ṣṣerṣar
Tiɣri tuli-d si tudrin
Awal yufeg yennemḍar
Iluḥeq-d lexbar
Rrẓent tḥuna yellin
Tulawin, adrar n ṣṣbar
Xas iẓri iεemmer
S nneqma, bdant tiɣratin ..A lwexda iṣaren
d abhim ass-agi i tt-yeṭṭfen
Iɣyal ceṭṭḥen !# Matoub Lounès.