She's The Rule Breaker

Rule Two - Going Home

Rule Two
Going Home

Summer’s POV

THIS! Whooo! Ito ang pagkain! Anak ng torotot! Pagkatapos akong magtiis ng mga basurang pagkain sa Sector ‘eto heaven ‘to. Hindi ko man alam kung anong kinakain ko which is may 99.9% na possibility and likely is poison dahil ang mga werewolf ang nagpapakain sa akin, okay lang sa akin ‘yon. Jusmiyo, mamamatay naman akong masaya at busog.

“So ikaw nga si Summer?” tanong ng babae, iyong soon to be Alpha female nila.

Sometimes you’ll find this kind of creatures creepy and weird. Oh yes you’ll surely will. Sa akin pa nga lang  nagki-creep out na kayo, ‘e.

Sa isang pack ng mga taong-lobo, mayroon ring mga namumuno. Ang pinuno ng isang pack ay tinatawag na Alpha. Kadalasan, minamana ang posisyong iyon. May mga Alpha na pinapanganak para doon sa posisyong iyon. Hindi naman kasi ganoon kadaling nabubuwag ang isang werewolf pack. Most of the packs ay nagkakaisa’t nananatili pa ring isang buong samahan makalipas ang ilang milenyo. Kung kaya naman ang mga Alpha na minsang namuno sa isang pack ay nagkakaroon ng mga anak na may dugong Alpha rin at sila na ang isinusunod sa posisyon.

Hindi excempted ang mga Alpha sa pagkakaroon ng mates. Kung tutuusin, sila nga ang mas nangangailangan ng katuwang. Alphas are very dominant. It’s in their nature to be hard and vicious. Alphas resembles the very first werewolf ever created kaya’t mas kailangan nila ng isang nilalang na sobrang opposite ng mga katangian nila.

And she will be called the Alphiya. She’s the Alpha Female. Wala akong masyadong alam sa tungkulin ng isang Alphiya pero ayon sa mga nakikita ko sa maraming pack na napuntahan ko na noong hunter pa lamang ako ng The Sector, mas nagiging maayos at disiplinado ang isang pack kapag mayroong Alphiya.

Sumunod naman sa ranggo ng mga namumuno sa isang pack ay ang second in command. Ang Beta. Kadalasan, ang isang Beta werewolf ay pinipili ng Alpha. Some say na mas nalalaman at nararamdaman daw ng isang Alpha kung kanino nila ipagkakatiwala ang kanilang mga buhay at ang buhay ng pack nila kung sakali mang may mangyaring hindi inaasahan. Kung ang lakas naman ang pag-uusapan, more often than not ay ang Alpha lamang ang nakakatalo sa lakas ng isang Beta.

Minsan ay nagkakaroon rin ng hierarchy ang isang pack. Depende sa dami ng mga miyembro, nagtatalaga ang Alpha ng mga council at third in command which sometimes they refer to as Omega. Pero kung ang isang pack ay hindi naman ganoon kalaki, they stick with the usual ranking.

“Miss? Ikaw nga ba ang Summer Hamilton na tinutukoy ni Enie?”

Sino si Enie? Enie-enie my ne-mo? Joke lang! “Do you know any other Summer?”

“Anong ginagawa mo dito? Paano ka napadpad sa teritoryo namin?” babae rin ang nagtanong, hindi ko nga lang alam kung sino ‘yon. Alangang mag-feeling close ako’t itanong isa-isa ang mga pangalan nila.

Sa dami nilang ‘yan? No way. Baka sa isang taon pa kami matapos.

“Well, hinahabol ako ng mga taga-Sector. As you all know convicted ako for eternity pero dahil sa nakakabagot ang makulong forever and ever e’ tumakas na lang ako. Puchu-puchu lang naman ang pagtakas do’n. Sisiw.”

“E’ kung gano’n bakit mo sinaktan si Aries?”

“Waaaaah hindi ko sinasadya ‘yon!” agad na tanggi ko. “Hinarangan kasi nila ako. Anytime I sense an attack automatic akong nagbibigay ng blow. Pero susmiyo, hindi naman serious attack ‘yon. Nawalan lang ng malay h‘wag kayong OA.”

“Hunter ka, hindi ba?” naniningkit ang mga matang usisa sa akin ng Alphiya nila.

“Oh ngayon?” balik tanong ko habang nginunguya ang natitirang pagkain sa pinggan ko.