Big or Small lias are lias

Part 26

اما هو كان يبتسم بداخله على خجلي و كان ملاحظ تصرفاتي
و حتى انه سمع افكار فيونا عني لما كتبت الورقه
بس في شي خلاه يوقف شرحه لثانيه لما سمع شي بافكار فيونا
( متى بتقولين لي هانا عن انك ما تسمعين الي حولك )
ميلت راسي باستغراب و انا اتسائل عن السبب الي وقف كريس  شفته يناظر فيونا بعدها رجع يناظرني
بعدها رجع كمل الدرس
اول ما رن الجرس عطيت خبر لفيونا اني بقعد في الفصل
في الاخير قررنا اننا نفطر بالفصل الكل طلع من الفصل
و معد صار فيه احد الا انا كنت متسنده على الكرسي و اناظر من الشباك حسيت بحركه و التفت و شفت كريس كان الى الان وهو يجمع اغراضه او بالاصح كان يجمع اغراضه ببطى يستنى الكل يطلع
قال : فيونا عندها خبر عن حالتك
رمشت كم من مره احاول استوعب الي يقوله
بعدها قلت : لا
قال : الاحسن انك تقولين لها قبل ما تكتشف لان تراها حست فيك
و بعدها طلع من الفصل طبعا انا تنهدت ما ادري كيف بقول بهذا الموضوع لفيونا
دخلت بعدها فيونا و سكرت الباب وراها و ركضت لعندي و حطت العلبتين على الطاولة و بعدها حطت يدها على قلبها و الثانيه على وجهها الاحمر
ناظرتها بغرابه قلت : فيونا في..
وقفت فجاه وهي ترجع شعرها القصير على ورا
وهي تقول و تنطط بفرحة: هانااااا او ماي قاد تخيلي ااه تخيلي جونغهيون طلب مني اني اروح معاه للحفله الي بعد بكره
هنا انا عقدت حواجبي و قلت : حفلة ! اي حفلة؟
سحبت الكرسي و رجع جلست قدامي بصدمة و قالت: لا تقولين انك ما سمعتي عن الحفله اعلنوا عنها مع رحلة المخيم الي رحنا لها قبل
هزيت راسي بلا و قلت : و من وين بدري يا فيونا
قالت :المهم هي بعد بكره زي ما قلت قبل راح يكون الكل لابس ماسكات
و يعني هي حفلة تننكريه
هزيت راسي لها و انا ابدا اكل : عموما انا مب رايحه
مسكت اكتافي و هزتني و تقول : ليييه
فجاه انفتح الباب و دخلوا اكسوا
لوهان : وش فيك فيونا تهزين هانا كذا
ضححكت و انا اقول : ولا شي
تكتفت فيونا و انا اشوف الكل سحب له كرسي حوالينا و قعدوا ابتسمت بمكر فيونا : رفضت تحضر الحفله
تشانيول الي كان جالس جمبي : و ليه؟
قلت  : يعني ما احب الاماكن المزدحمه الي زي كذا ما اخذ راحتي
تاو : يووه كان مره ودي اشوفك بفستان
رفعت حوااجبي بعدها ضحكت و قلت : في وقت ثاني ان شاءالله
تشومين : اذا كان هذا الشي بيريحك ترى كلنا بنروح و حتى كريس
ابتسمت ابتسامه واسعه فيونا لانها لاحظت ان حتى اكسو ملاحظين الي التلميحات الي تصيرين بيني و بين كريس
مسكت نفسي اني ما اناظر كريس الي كنت احس بنظراته علي حكيت رقبتي بتوتر ولا رديت على تشومين سويت نفسي اني ما سمعته
فيونا : بتحضرون؟!
هز راسه سوهو : اكيد هي مب بس للطلاب
بيكهون : ولا تنسون المساكات يعني محد بيعرفنا
فيونا : خلاص انا بنفسي بجيبها للحفله
قلت : فيونا !
سفهتني و وقفت وقالت : معليش اعذروني
انحنت لهم وهي تبتسم ابتسامه عريضه و بعدها طلعت
تنهدت و قلت : ايييه و انتم غريبه جايين ؟
لاي : عارفين انك بتقعدين هنا بالحالك فا جينا هنا
ابتسمت و انا احس بدفى ينتشر فيني في ناس عندي
هنا تهتم فيني اكسو و فيونا و العم جون
بدوا يسولفون عن ترتيبات الحفله
اماانا كنت بين تشانيول و كاي
و ما غير اضحك عليهم كل واحد كان يطاق
و غير نشبة تشانيول في كاي لان كاي كان يشتكي منه
و لما شافوني اضحك ابتسموا بعدها ضحكوا معاي
قلت : كاي الحل انك تنشب عشان يحس و يتركك
ابتسم كاي بتفكير : تصدقين انها مب فكره شينه
قرب كرسيه دي او قال : اجل الله يعينك تشانيول على نشبة كاي
ضحكنا احنا الاربعة
........
طلعت من المدرسه مع فيونا و قررنا اننا نروح
شقتي لان في اشياء كثيره لازم اشرحها و نتناقشها
و نويت اني اقولها عني
ركبت السياره معاها و وصفت لسواقها
بعد ما دخلنا الشقه غيرت ملابسي و عطيت فيونا من ملابسي
و طلبنا بيتزا على ما يوصل و كان بيتأخر و بما ان
كانت فيونا مشتهيتها مره فا قالت عادي ننتظر
جلست على الكنبه و جلست جمبي وهي تقول : اييه ؟!
خذت نفس و قلت : فيونا في شي لازم اقولك عنه
ناظرتني بمعنى كملي كلامك
قلت : مدري وشلون بقول لك لكن بقولك من بداية كل شي و انتي راح تفهمين
قلت: كنت في قاعة الموسيقى هذاك اليوم و كان مرره و دي اني اسمع صوت البيانو...
بديت اقول لها عن كل شي من يوم يدري عني كريس اني ما اسمع و حتى هواشنا انا وياه الين الحين
عجبني في فيونا انها كانت مستمعه لي و معاناتي و كل شي
و كان يا انها تبتسم او انها تحزن حتى اني قلت لها عن سبب فقداني لسمعي و الي هو كان الحادث
ابتسمت وهي تمسح دمعتها الي نزلت
ما درت ان صديقتها الهاديه و الي تحس ان حياتها طبيعيه
صارت عايشه بكل هاذي المعناة و بالحالها متحملتها
كنت استنى اي تعليق منها يطلع
و ابتسمت و قلت : اييه ؟!و هاذي كل حياتي
مسكت يدي وهي تربت عليها و تقول: اول شي في الحقيقة انا كنت مكتشفه انك ما تسمعين
توسعت عيوني و قلت : من متى
قالت : مب مره من زمان لما كنا بالمخيم تأكدت انك ما تسمعين بس كنت استناك انتي بنفسك تقولين لي
و بعدها ابتسمت و قال : و الشي الثاني اني ملاحظة التحركات الي تصير بينك و بين كريس ولا تقولين لي ان كل هذا ولا تكنين له مشاعر
بلعت ريقي و انا اضحك و قلت و انا ااشر باصابعي : نقطه بس نقطه
فطست ضحك و قالت : تلقين هاذي النقطه وش كبرها في قلبك
ضحكنا انا وياها وفجاه سكتت و قالت بحزن : ما توقعت انك عانيتي كل هذا وبالحالك هانا
ابتسمت و قلت : بس في الاخير قابلت ناس يهتمون فيني و يحبوني
ابتسمت بمكر و هي تقول : و منهم كريس
قلت : لا كريس يكرهني يعني بارد اتجاهي و دايم يعصب علي يعني اغلب الاحيان
قالت : بس في مرات يظهر لك جانبه الثاني
فجاه التفتت و قالت : الباب يرن تبين افتحه
قلت :لا لا انا بفتح يمكنه بيتزا انتي روحي غسلي اجل
هزت راسها و قامت
توني فاتحه الباب رجعت على وراي خطوات و انا اشهق بخفه
تفاجئت بحضنه و ما امداني اعرف مين لكن  من ريحته عرفت انه كريس
كان متمسك فيني بقوه و كنت احس بصدره يرتفع و ينزل بقوه
بعد عني و شفت وجهه المعصب مسك اكتافي بقوه
و هو يهزني بخفه : وين كنتي قلبت كل المدرسه ادورك ما بقى مكان ما دورت فيه عليك حتى مكان شغلك رحت له
قلت و انا احس الخوف منه بدا يتسلسل في داخلي: رجعت البيت مع فيونا ما حسيت ان له داعي اعطيك اخبر
قال : كل شي له داعي يا هانا مفروض اي خطوه اي مكان تعطيني خبر حسبت صار فيك  الكل كان خايف على الاقل اي واحد مننا عطيتيه خبر. يا هانا
قلت و انا اخذ نفس و ابعد عنه : اهدى كريس
قال : و بس هذا ردك
هزيت راسي و قلت : انا ما سويت شي غلط
رجع شعره على ورا بنرفزه و طلع و سكر الباب وراه بقوه
تنهدت تذكرت فيونا التفتو شفتها واقفه
و قالت : كان مفروض تأسفتي له على الاقل
قلت : مالنا علاقة قوية في تجبرني اني اتأسف له هو استاذي كل اكسو و مفروض علاقتي فيهم ما تصير كذا
قالت : هانا لا تنسين انهم احتوك بينهم و كريس هو اول واحد اعتنى فيك لو فكرتي شوي هو اول واحد بدا يهتم لحالتك هو اول واحد انقذك يوم في المخيم هو اول من ساعدك بكل شي و كل هذا و تقولين ما عندك علاقه معاه
ولا تنسين الشعور الي في داخلك ينموا كل يوم له
كان ردي السكوت تنهدت فيونا و قالت : انا عارفه انك مب متقبله فكرة انك طالبه عنده او عندهم بس خلي كل شي له فرصه هانا و كريس عطيه اكبر فرصه لان و حتى هو في داخله يهتم فيك بشكل كبير بس انتي ما تحسين بس ولو لمره اسمعي لقلبك
جلست على الكنب و انا اتنهد و فيونا فتحت الباب و خذت البيتزا
و جت و جلست قدامي وهي تفتح كرتون البيتزا
و قالت وهي تبي تلطف الجو : من حظي اني اعيش قصة حب و انا وحده من شخصياتها
هنا طلعت مني ضحكه و قلت : لا تنسين جونغهيون
لما جبت طاري اسمه صارت عيونها قلوب و بدت تتكلم عنه فجا
شطحت وهي تقول : ايه صح وش بتلبسين في الحفله
قلت و انا اكل البيتزا : منيب رايحه
قالت : لييه بالعكس هاذي فرصتك انك تتقربينه من كريس
ناظرتها و قلت : فيونا !
ضحكت و قالت : نعم ! المهم خليتي فكره تخطر في بالي
حكت دقنها بتفكير و قالت : لازم بكره نروح نشتري فساتين و بنروح لسبا و نسوي مساج و عناية للبشرة و و و
قلت : ستوب ستووب وش تخربطين انتي
ناظرتني و قالت : الازرق ولا سماوي احلى عليك لا لا الزهري المهم انتي من نطلع بكره من المدرسه و كل وقتك بيصير ملكي
قلت : و ليه كل هذا؟ اذا عشان الحفله انا مب رايحه
قالت : اص ولا كلمه ولو لمره اسمعي كلامي و اسمعي بكره بتعتذرين لكريس اووه ما اقدر استنى اشوف ردة فعل كريس يوم الحفله بشكلك
تنهدت ما منها اي فايده انك تحاولين تقنعينها ناظرتها وهي تخطط مخططاتها و تضحك مع نفسها
هزيت راسي على حالها و وقفت وشلت الكرتون و نضفت المكان
و طقيت راسها و قلت : قومي ورانا بكره مدرسه
قالت  : صادقه لازم ننوم بدري ورانا يووم طوييل بكره
دخلنا للغرفة و انا كاتمه ضحكتي على شكلها
..