Big or Small lias are lias

Part 34

اول ما دخل كريس البيت
تاو : بتجي هانا
هز راسه كريس وهو يدخل غرفته لحقه لوهان لما سمعه ان هانا بتجي و قال : كريس ما تحس ان هانا كل مره تقرب و تعرفك على حقيقتك خصوصا اذا رحنا الغابه هذا الاسبوع و تعرف الخطر الي فيها يعني ممكن بأي لحظه انها تعرف
قال  : انا ابيها تعتاد على طبيعتي هنا و هناك
تنهد و قال بهمس : في الاخير هي بتعرف في اي زمن و اي يوم 
....
ضحكت و انا اقول : لا لا تاو مأثر عليهم بشكل كبير
كانوا يتكلمون ان مين يخافون منهم من الطلاب و الطالبات
و طبعا التوب كريس الي كان معقد حواجبه سافهم و هو يسوق
تاو : شفتوا قلت لكم
كملوا اكسو إم مضايقات لتاو بما انه هو اصغر واحد بينهم
كنت جالسه بين تشومين و تاو و ورا لاي و تشين و قدام كريس و لوهان
ابتسم بمكر تشين : هانا ! من كان اول واحد مننا خفتي منه
طلعت مني ضحكه و قلت : صراحةً ولا احد يعني ما لقيت السبب اني اخاف منكم يعني كلكم يا ١٢
كنت اعرف من يقصد تشين في سؤاله
سكت لوهان الي كان يكلم تشومين لما سمع ردي مدري ليه ما كان مرتاح اني اجي كانت حاسته تقول انه بيصير شي
و هذا الشي بيصير قريب
تنهد يخفف من توتر و رجع يكمل مع تشومين
..
لاحظت اننا دخلنا جوا غابه و تعمقنا فيها لجوا الغابه اكثر
سندت راسي على الشباك كانوا الوحيدين الي قايمين في السياره
انا و كريس و لوهان الباقي كلهم نايمين
كان كريس الي يسوق و جمبه لوهان و انا كنت ورا لوهان
التفت اناظر كريس كانت يدين كريس شاده بقوه على الدركسون لدرجة العروق الي في يده برزت اكثر كان معقد حواجبه
التفت على لوهان اشوف انعكاسه بالقزاز لاحظت انه كان يتكلم
بس للاسف ماكن واضح حركة شفايفه عشان اعرف وش يقول
رجعت التفت على كريس بتوتر و عدم ارتياح لمحت عيونه
عقدت حواجبي و رمشت كم من مره انا اتخيل ولا ليش عيونه صارت ذهبيه صرف انتباهي لما حسيت بسرعة السيارة زادت اكثرقربت بسرعه و حطيت يدي على كتفه و ضغطت عليه
و قلت : كريس اهدى شوي و  لوهان ياليت تأجل الي تتكلمونه عنه بعدين
اما كريس حس بجسمه يرتاح من لمستي له و بدت تهدى انفاسه
رجعت ناظرت عيونه و كانت نفس لونها العسلي
خذت نفسي و انا بديت اقتنع اني اتخيل ناظرت لوهان الي كان وجهه و لاول مره كنت اشوفه بهاذي التعابير البارده
وش صاير ؟!!
هزيت تشومين شوي و كنت اتمنى انه يقوم بهدوء بدون ما يحسون  و صار الي ابيه فتح عيونه بسرعه
ناظرته و اشرت بعيوني على لوهان و كريس
عدل جلسته و فهم اشارتي لما شاف لغة جسدهم كيف تعبر
تنهد كان عارف وش كان شاغل بالهم
قال : كريس وقف على جمب خلني اسوق انت في حالة ما تسمح انك تسوق الحين يلا كريس
و اخيرا وقف كريس ناظرت تشومين و ابتسمت بشكر له
هو بس هز راسه لي و عطاني ابتسامه 
و جا و جلس جمبي كريس ابتسمت له و بعدها شفت الجو هدا الحين رجعت سندت راسي على الشباك
بعد تقريبا ربع ساعه نزلت من السياره و انا امدد جسمي و استنشق الهواء  المنعش كان البيت الي كان في الغابه كبير بمعنى الكلمه و فخم ما توقعت شكله كذا
بعدها الكل دخل جوا و وداني سوهو لغرفتي
دخلت و بديت ارتب اغراضي فيها بعد ما خلصت قررت انزل تحت فتحت باب البيت و طلعت شفت لوهان واقف برا و مغمض عيونهلما سمع خطواتي عرف انها انا
وقفت جمبه و قلت و انا اتنهد : لوهان
فتح عيونه لما حس بصوتي الي فيه لمحة حزن
قلت : انت متضايق من كريس عشان جابني هنا معكم
رمش كم من مره لكن تنهد وهو يقول : وش الي خلاك تقولين كذا
قلت : من شفتك اليوم كنت غير شخصيتك الي اتذكرها المهم انا اصريت اني ما اجي بس تعرف كريس
ابتسم لي و ربت على كتفي و قال :ولا يهمك هانا انا اصلا متضايق على شي ثاني ولا تفكرين ابد اني متضايق من جيتك بالعكس انا متحمس

مع ان كان نص كلام لوهان صدق و النص الثاني كذب
دفني معاه وهو يقول : يلا ندخل لجوا
دخلت جوا معاه و رحنا للصاله و كانوا كل اكسو فيها
جلست بين تشانيول و بيكهون
و لميت رجليني في حضني و انا اشوفهم يسولفون
قلت : لا لا انا متاأكده ان بيكهون مب كذا
توسعت عيون بيكهون بفرحه و حضني بقوه وهو يقول : و اخيرا في احد يدافع عني
ضحكت و انا اقول : انا بس اقول الي حسيت فيه ولا انت صدق تغازل البنات المدرسه
ابتسم باحراج و قال : يعني وحده بس لا يمكن ثنتين
ناظرته و قلت : صدق !!!
قال تشانيول : شفتي قلت لك انا ما قد كذبت عليك هانا مفروض انتي تدافعين عني
كتمت ضحكتي و قلت : الا قد مره كذبت علي
غمزت لبيكهون و هو فهم حركتي
و قال : اااه ايه الا قد مره كيف تنسى
كان الى الان بيكهون حاضني بس فجاه بعد عني بسرعه
ناظرته باستغراب وهو ابتسم لي بتوتر
عرفت انه كريس لما لمحته واقف عند الباب مكتف يدينه و يناظرنا
تجاهلت الموضوع و كملت لعبتي مع تشانيول : كيف تنسى يا تشانيول كذبتك هاذي حتى انا زعلت
بدت حالة الاستنفار تطلع على وجهه تشانيول و
قال بقلة حيله : هانا ولله ما اذكر اني قد كذبت عليك
هنا حسيتني ندمت لما شفته كذا يناظرني بتوتر و خوف
ابتسمت و انا اربت على كتفه بخفه و قلت : اهدى اهدى كنت امزح معاك
حس بجسمه تشانيول يرتاح للحظه لكن قال في نفسه
" صراحه في شي اكذب في عليك او كلنا نكذب فيه عليك"
تنهد تشانيول بحزن ما قدر هو بعد يخفي توتره اذا انا عرفت الحقيقه
اختفت ابتسامتي و انا اشوف تعابير تشانيول
قلت : هيه تشانيول. انا اسفه اذا كنت ضايقتك يعني..
قاطعني تشانيول بابتسامه : لا لا ولا يهمك هانا بس كنت افكر بشي ثاني
بيكهون الي كان هادي فجاه لان سمع افكار تشانيول و حس بنفس شعور تشانيول يعتلي في داخله
لكن على طول ابتسم لي لما شافني التفت عليه بابتسامه
ناظروا بعض تشانيول و بيكهون
جلس معانا كاي و تاو
تاو : هانا تؤمنين بالقصص يعني الخياليه
قلت و انا افكر : الخياليه !! امم يعني من اي ناحيه
ما لاحظت ان الصاله كلها هدت و صار التركيز كله علي
كاي : يعني مثلا بشر على هيئة ذئاب ولا مصاصين دماء او عندهم قوة
طلعت مني ضحكه خلا البعض يغير جلسته بعدم ارتياح لما ما توقعوا ردي
و قلت : اهاا مثل الافلام  ، يعني لا ما اتوقع في هذا الكون فيه هاذي الاشياء احسنها خياليه كثيير عشان تصير في الامر الواقع
جلس قبالي لوهان وهو يقول : طيب لو شفتي يعني تخيلي معاي ان لو شفتي احد من الي قال عنهم كاي وش بتكون ردة فعل
هزيت و كتوفي و قلت : مدري لان الى الان هذا خيال و مدري كيف بيكون ردة فعلي لهذا الشي يعني
ناظروا البعض الباقين اما كريس وقف و طلع من الصاله
لاحظت قبل ما يطلع اعصابه المشدوده
انا سويت شي غلط ؟؟ شفت حتى تشانيول و بيكهون مب مره قريبين مني عشان اقول اذا ممكن هم عصب منهم
وقفت و انا اقول : اعذروني دقيقه
و طلعت من الصاله ادور كريس  رقيت فوق و مشيت لغرفته فتحت الباب بشويش و طليت براسي شفته جالس على الكرسي وهو حاط راسه بين يدينه
لاحظت غرفته اسود في اسود الجدران و الارض هي الوحيده باللون الابيض مشيت لكريس
قلت بتردد خايفه ينفجر فيني : كريس وش فيك ؟
انحيت على ركبي و حطيت يدي على كتفه
فجاه لف يدينه على خصري و سحبني وهو يجبرني اقعد على رجلينه دفن وجهه برقبتي وهو يحضني بقوه له لفيت يديني على رقبته كنت اخس بقلبي يدق بقوه لكن حاولت اوضح بأن كل شي عادي و انا امسح على ظهره احاول اهديه
قلت بهدوء عكس الي بداخلي : على الاقل ممكن تقولي وش تحس فيه
بعّد شوي راسه و ناظرني لانه عارف اني مب قادره اسمعه
تنهد وهو يقول : انا خايف
رمشت كم من مره استوعب الي قاله
قلت و انا ارتب خصلات شعره الي تبعثرت على عيونه : من ايش
قال : انك بتتركيني
وقفت يدي عن الحركه