Big or Small lias are lias

Part 10

غسلت وجهي و فرشت اسناني و بعدها زينت شعري و رفعته كعكه على عادتي ناظرت نفسي بالمرايا و خذت نفس
و طلعت شفت قدامي الاستاذ لوهان
انحنيت له و ابتسم لي و قال : صباح الخير
ابتسمت له و قلت : صباح النور
مد لي بعض الملابس
و قال : خذي البسيها اتوقع بتكون اكبر منك بس يلا و برا المدرسه مافي داعي لأي رسميه هانا
هزيت راسي له و همست : شكرا
رد علي بابتسامه و بعثر غرتي
و قبل ما ارجع للحمام حسيت فيه التفت
و قال : هانا ترى نستناك تحت على الفطور و الافضل انك ما تتأخرين
لان بيخلصون كل شي عنك
طلعت مني ضحكه صغيره و هزيت راسي له
و بعدها راح رجعت دخلت الحمام و لبست التي شيرت و كان اكبر مني باربع مرات و ماله داعي اقول عن البنطلون الي يمكن صفطته من فوق مليون مره
نزلت تحت بتردد و انا اناظر المكان ولا اعرف وين بالضبط هم يفطرون
فجاه زلقت رجلي من الدرج و بس حسيت اني مب على الارض اصلا
فتحت عين وحده اشوف الارجاء حولي
قابلتني رقبة و شفت كيف تفاحة ادم ترقا و تنزل
فتحت عيني الثانيه و رمشت كم مره و انا احس بتنفس يضرب خصلات غرتي بلعت ريقي بصعوبه
و انا احس بوحده من يدينه ملتفه على خصري و الثانيه على ظهري
متمسك بالتي شيرت و كأنه حاضني
على طول بعدت و لما شفت مين زاد من احراجي دبل و صار وجهي احمر
و همست له بأسف
حتى ما قدرت احط عيني في عينه
" اه منك يا هانا انتي كل طيحاتك لازم يكون هو فيه"
حتى ما كنت منتبهة وش قال
رفعت راسي و شفت وجهه البارد وهو يقول : خلاص لا تهتمين
نزل تحت
و انا حطيت يدي على قلبي اهدي نفسي لثواني
نزلت تحت وراه و شفته دخل وحده من الغرف
دخلت و اها و شفت كل كان مجتمع على الطاولة
شفت احد يرفع يده لفت انتباهي
ناظرته و كنه يقول بصوت عالي : جت هااااانااا
حسيت بخدودي رجعت تتلون باللون الزهري
ما تعودت على هذا النوع من الاهتمام خصوصا انهم استاذتي
سحبني تشانيول و جلسني بينه و بين كاي
جلست ثواني و انا اشوفهم انتم ملاحظين اني جالسه بين اساتذتي هنا
كنت ساكته و كان الكل يتكلم مع الثاني و واضح ان الوضع ازعاج
كانوا رجال و كأنهم رجعوا لايام الثانوي
ضحكت في نفسي جبتها صح ما كأنهم ابدا اساتذه
نفس ما اشوفهم بالمدرسه
ناظرني دي او و شفته يقول : هانا ليه ما تاكلين الاكل فيه شي
شفت تشانيول يضحك و قال : هانا ترى عادي انك تقولين ان اكل دي او ما عجبك
دي او عطاه نظره و رجع ناظرني لاحظت ان الكل قاعد يناظرني
تنحنت و انا احط غرتي ورا اذني بتوتر
وقف لوهان و خذ صحني و حط من كل شي على الطاولة و رجع الصحن
رفعت حواجبي و توسعت عيوني الثلجيه
قلت : هذا كثير منيب قادره اكله كله
ربت على كتفي كاي و قال : ولا يهمك كلي الي تبين و خلي الي تبين
تنهدت و خذت الشوكه و بديت اكل
لاحظت ان الكل رجع للوضع الطبيعي
كان الكل يسولف معادا واحد بس كان بس ياكل بهدوء بدون حتى ما يرفع عينه
تنحت لما فجاه التقت عيني بعيونه خلت الاكل وقف بحلقي
ناظرت الجهه الثانيه و طمنت راسي شوي مما خلى ترجع غرتي تنزل
و تخفي عيوني زي كالعاده
كنت احس بقلبي يدق بقوه لدرجة تمنيت انهم كلهم ما يسمعون اي شي مني
تركت الملعقه لان صدق حسيت بالشبع
تنحنت و وقفت و انا رجع الكرسي مكانه و قلت : اعذروني
طلعت من الغرفه و رجعت رقيت فوق للحمام
غسلت يديني و رجعت فرشت اسناني
جلست ثواني و تنهدت ناظرت الساعه و كانت الساعه ١
ما توقعت بتمر كل هاذي الساعات بسرعه
يالله يمديني ارجع البيت و اغير عشان اروح لشغلي
طلعت من الحمام و نزلت تحت
شفت الكل مجتمع في الصاله لمحت لوهان في المطبخ
دخلت المطبخ و تنحنحت و التفت لي
قلت : استاذ لوها ... اقصد لوهان امم انا اسفه بس لازم اروح الحين
عقد حواجبه و قال : ليه
قلت : عندي شغل لازم اروح له
هز راسه و قال : لازم تقولين لكريس بتشوفينه في مكتبه هناك
وقفنا عند باب المطبخ وهو يأشر لي على الغرفه
هزيت راسي له و قلت : شكرا
جيت بمشي مسك كتفي و التف
و قال وهو يبتسم : هانا لا تنسين مافي اي رسميه و احنا برا المدرسه
ضحكت عرفت ان هو حاس ان الى الان ما قدرت اتكلم معاه بدون رسميه
و حتى مع الكل
و مشيت للمكتب كريس
وقفت عند الباب لثواني خذت نفس و طقيت الباب استنيت لثواني
و دخلت شفته جالس على كرسي مكتبه و بيده اوراق رفع راسه لما حس فيني دخلت حطيت غرتي ورا اذني بتوتر
و لاحظ كريس انها حركة لا ارادية مني اذا توترت
كانت عاجبته كريس لان كانت توضح لون و وسع عيوني الثلجيه
حط يده على فمه يخفي ابتسامته الجانبيه وهو يحس بتوتري منه
قلت و انا اشرح له : امم قلت لوهان اني بروح الحين عشان عندي شغل
و قال لي ان لازم اعطيك خبر
هز راسه و وقف وهو ياخذ مفتاح سيارته و قال : يلا
قلت : لحظه انت بتوديني؟
قال : ايه ليه فيه احد بيوديك ؟
قلت : لا بس كنت مقرره اني بروح بالباص يعني ابدا ماله اي داعي تتعب نفسك و توديني
مسك يدي وهو يقول : ماله داعي انك تناقشيني لاني بوديك
و سحبني معاه
لاحظت كيف اصابعي الصغيره داخله بين اصابعه الي كانت اكبر من يدي و بدت دقات قلبي ترتفع