Big or Small lias are lias

Part 35

و ناظرته وقلت : و ليه تفكر ان انا بتركك
سكت ما رد علي
قلت اغير السالفه : لازم ترتاح خذلك غفوه
بست راسه و بعدت يدينه عني و وقفت و طلعت من الغرفة
دخلت غرفتي و رميت نفسي على سريري حسيت بجوالي يهز بجيبي طلعته من جيبي و شفت رساله من العم جون
على طول زينت قعدتي و فتحت الرساله
" توقعاتي صارت اسرع مما اتوقعت تواصلت مع واحد من المستشفيات المختصه بهاذي الاشياء الي بامريكا و حجزت لك هناك موعد عمليتك بعد اسبوع لازم تبدين من الحين تجمعين اغراضك لان بنطول هناك في امريكا
ادري كل شي بهاذي السرعه لكن ما اقدر استنى لذاك الوقت الي بتسمعين فيه و اسف اذا كنت مستعجل "

قريت كم من مره الرساله و وقفت على السرير و قمت انطط ما حسيت ابدا بالي فتح الباب و التفت و شفت دي او و لاي يناظروني و كأني مجنونه
نطيت على الارض و حضنتهم هم الاثنين مما خلاهم يضحكون
بعدت عنهم  و ناظرتهم بحماس ممزوج بتوتر
وقلت  : بسوي عمليتي اسبوع الجاي
دي او صنم وقال  : هاه!!!
ابتسم لاي و قال : صددق لحظه وشو
فجا احد نط و كان تشومين الي كان مار قال : تمزحيين
لوهان : وش الي تقولينه هانا
قلت : انا بسوي العملية اسبوع الجايه
ثواني و الكل فجاه صار في غرفتي الا كريس الي كان نايم بغرفته كان صدق الكل فرحان بالخبر الي قلته لهم الى لما
سيهون : في اي مستشفى قررتي تسوينه فيه
قلت : في احد ساعدني و حجزت في مستشفى في امريكا
صارت الغرفة هدوء فجاه
لوهان : امريكا!!!
هزيت راسي و قلت : ايه ليه في شي
قال سوهو : لا بس ما توقعنا انك بتسوين العمليه برا يعني
بس رجع ربت على كتفي وهو يبتسم و قال : ولا يهمك اهم شي انك تسوينها و يصير الي كنتي تبينه قبل
ابتسمت و ابتسموا لي الباقين
طلعت مني ضحكه و انا امسك دمعتي : ما اقدر استنى لذاك اليوم الي بسمع فيه اصواتكم
حضني بقوه تشومين وهو يقول : ولا نبي نشوف دموعك بعدها اوعديني!
ضحكت و حضنته و انا اقول : طيب وعد
صفق دي او وهو يبتسم : يلا يلا يا جماعه وقت العشاء
هو كان بالاصح غداء عشاء لان كان شوي و تغرب الشمس
ربت على كتفي تشومين بمعنى يلا
قلت : شوي و بنزل
الكل طلع من غرفتي و رسلت رساله على السريع لفيونا اقولها الي صار
ابتسمت و انا اتخيل ردة فعلها وهي تقرل الرساله
طلعت من غرفتي و سكرت الباب وراي
رجعت دخلت غرفة كريس
و تنهدت على الاقل سمع كلامي هاذي المره
كان كريس كان نايم في سريره 
جلست على طرف السرير كنت احب اشوف وجهه وهو نايم
بس كالعاده لازم تكون حواجبه معقوده و حتى وهو نايم
مسحت على حواجبه كني ابيه يرتاح اكثر بنومته
و سمعته يتنهد سحبت يدي بسرعه ما كنت ابي اقومه
قمت و سكرت وراي الباب بهدوء
نزلت تحت و دخلت غرفة الاكل و شفت دي او يطق يد بيكهون
عشان ما يلمس اكلي و سوهو الي كان جالس بين تاو و سيهون
و ماسك راسه من ازعاجهم كاي و تشاانيول كانوا يطقطقون على بيكهون
شافني لوهان و هو يأشر لي : هانا و اخيرا يلا تعالي
هزيت راسي له و رحت جلست جمب لاي لان هو اهدى واحدفيهم
مع انّ جهتي الثاني كان جمبي تشانيول الي سحب يده بعد ما جيت كتمت ضحكتي و انا اقول : يلا ابدوا كلوا
حتى قبل ما اكمل جملتي الكل بدا ياكل
بعد تقريبا ساعتين بالكثير الكل راح لغرفته يرتاح
و انا قررت اروح لكريس
دخلت بغرفته و انا اناظره بتردد اقومه ولا لا
كنت مره متحمسه اقوله عن الخبر و مره ابي اشوف ردة فعله
جلست على الكرسي الي عند شباك غرفته و انا اناظر الغابه الي اظلمت الحين بعد ما غربت الشمس
تنهدت و انا احس بهدوئها بدون ما اسمعه
لمحت شي احمر من بين الاشجار بلعت ريقي بصعوبه و قربت شوي من الشباك ما كان شي احمر و بس
كان  عيون حمرا و تشع من الاحمرار
وقفت من الكرسي و قربت اكثر ابي اعرف اكثر و شكله
كنت احس بشعور الخوف يعتلي كأن العيون تناظرني انا
شهقت و نطيت على ورا لما حسيت بأحد يمسك يدي
لما شفت انه كريس تنهدت براحه و خذت نفس اهدي نفسي
شفته يقول لما لمح الخوف بعيوني  : وش فيك !؟ شفتي شي
قلت : هاه !
لفيت على الشباك ولا لقيت شي و قلت بسرعه : لا لا ولا شي
ناظرني بحذر و قال : متأكده
اكيد اني اتخيل بس كأنها صدقيه هزيت راسي بتفكير لكريس
بعدها قلت : المهم متى قمت ؟!
قال : من شوي
رديت عليه ب"اهاا" و تذكرت الي كنت بقوله
و ابتسمت له و قلت : عندي خبر لك
قال وهو يرجع ينسدح على السرير : وشو
و انا قعدت على الكرسي اناظره و قلت : حجزت موعد لعمليتي و اسبوع الجاي بعد
قام بسرعه من السرير وهو يقول بصدمه  : لاااا تستهبليين
ضحكت و قلت : ولله ! حتى لازم اجهز اغراضي لان العملية مب هنا في امريكا و طبعا العم حون هو المساعدني بكل شي
شفت تعابير الحماس في وجهه تختفي و قال : امريكا
هزيت راسي له و قلت : ايه ! ليه كل من قلت له اني بروح هناك ما كأنه فرحان بهذا الخبر . هناك فيه شي
رجع شعره على ورا كريس و تنهد
و قال : لا بس المكان بعيد مره عن هنا متوقع انك بتسوينها هنا
قلت : ما تفرق اني اسويها هنا ولا هناك كريس اهم شي انها تنجح
رجع انسدح و ذي المره غط عيونه بيده و قال : ما ادري يا هانا
تنهدت و قمت من الكرسي و جلست جمبه على طرف السرير
سحبت يده الثانيه و مسكتها بين يديني
قلت : كريس !! لا تنسى انت اول الناس بحياتي كلها انت الي دفعتاني اسوي هاذي العمليه بعد ايش و ما احس انها بتفرق اذا سويتيها بأي مكان كريس
كان ساكت طول ما اتكلم وهو مسكر عيونه لكن رجع يتنهد
و ناظرني وهو يأشر بيده الثانيه بحذر : و تأكدي انا اول صوت بتسمعينه بعد عمليتك هاذي
ابتسمت و قلت : وعد مني 
....
من بكره قمت على الساعه تقريبا ٩ الصباح
نزلت تحت و شفت دي او قاعد ينقل الفطور للطاولة و يساعده سوهو و سيهون الي كان جالس على الطاوله
و تشانيول الي نايم على الكنبه و كاي الي يشرب كوفي
اما بيكهون فكان نايم على الطاولة جمب سيهون
ابتسمت و انا ادخل و اوقف جمب بيكهون و ربت على شعره
و انا اقول للكل : صباح الخير
ردوا علي بابتسامه و بعدها تجمعنا كلنا على الطاوله و سوهو الي راح يسحب تشانيول من الكنبه
لاحظت اننا بدينا نفطر بدون السته الثانين كان باقي كريس و تشين و تشومين و تاو و لاي
قلت : وين الباقين ؟!
ناظروا بعض لثواني
بعدها رد علي دي او بدون ما يناظرني : رجعوا للمدينه صار لهم شغل طارئ لكن لا تخافين بيرجعون
هزيت راسي كرد له و تفهم للي يقوله بس ما اتذكر ان امس جابوا طاري انهم بيرجعون يمكن صار شي هناك و لكن جاني شعور ان دي او يكذب
تنهدت و انا اقنع نفسي انه صدق كلامه
بعد ما خلصنا من الفطور سحبت تشانيول و بيكهون معاي يغسلون الصحون و كل شي
قلت و انا اجلس فوق الطاوله وهم قدامي : يلا يا شباب ابدو غسلوا
تشانيول بتذمر : ليه احنا
هز راسه بيكهون وهو يحك عيونه : كان خذتي سيهون مع تشانيول
ضرب تشانيول راس بيكهون و ضحكت
و قلت : عشان تصحصحون شوي ما تشوفون اشكالكم كنكم زومبي
تنهدوا و جوا عند الغساله جمبي و بدوا يغسلون
ابتسم لي سوهو الي كان متسند على باب المطبخ
و حرك شفايفه "شكرا"
هزيت راسي له و ابتسمت ، طبعا اكيد مب مخليني بيكهون و تشانيول بون نقطة مويه فا تقريبا طلعت من المطبخ و متسبحه مويه و صابون داخل عيني فا صارت وحده من عيوني حمرا
كنت اضحك و ماسكه عيني و انا اقول : اوتش تشانيول نسيتا ان المويه فيها صابون ناظر عيني وش صارت
رفع تشانيول بدينه بمعنى مالي دخل و اشر على بيكهون
و قال بيكهون : هيي انا مالي دخل صح انها فكرتي بس الصابون لا
وقفنا احنا الثلاثه قدام سوهو الي كان متكتف و يناظرنا
قال لي : هذا و انا كنت احسب انك قادرة تمسكينهم في الاخير طلعتوا و المطبخ كله مويه
كتمنا ضحكنا و تأسفنا لان صدق المطبخ عباره عن مويه
اما هو تنهد و قال : روحوا غيروا بسرعه لو سمحتم
مشينا و احنا نضحك
و جا سيهون وهو يقول : هيييه غش كان قلتوا لي
سوهو : و انت بعد !!! تعال تعال نظف معاي المطبخ
هنا معد قدرنا نتفس من الضحك حتى كاي و دي او الي جو اخر ناس
قاموا يضحكون معانا
رقيت فوق اغير ملابسي الرطبة لملابس جافه بعد ما نشفت شعري و خلصت نزلت بالصدفه مريت من مكتب كريس
وقفت لثواني قدام الباب في الاخير فتحته
اول ما دخلت مكتبه استقبلني ريحته الي صرت معتاده عليها
مدري لي حسيت بالدفا ينتشر في داخلي و كنه معاي
لمست طرف مكتبه و انا اتخيله يشتغل عليه زي كالعاده
جلست على الكرسي و رفعت رجليني لحضني
و انا اتأمل مكتبه كان المكتب الي هنا شبيه مره للمكتبه الي في المدينه حتى نفس الالوان الي توقعت هي المفضله له و الي كان الغالب اسود مع بعض اللمسات الذهبيه
ولا ارادي مني ابتسمت
لفيت الكرسي على ورا و كان في شباك وراي
ناظرت الغابه و انا احس بهدوئها
لكن مسرع ما اختفى هذا الهدوء الي كنت احسه لما لمحت نفس العيون الحمرا الي شفتها امس كان تشع من بين الاشجار و مب مبين هيئة هذا الشخص وقفت من الكرسي بسرعه و قربت اكثر للشباك لكن شهقت لما حسيت بأحد يمسك كتفي  و رجعت على ورا طلعت منه ضحكه كاي
وهو يقول : معليش ما كنت قاصد اروعك
رجعت شعري على ورا و انا اناظر الشباك بحذر لكن رجعت العيون الحمرا تختفي تنحنحت و انا اقول : لا عادي بس كنت سرحانه شوي
قال : واضح لان كنت مار من هنا و شفتك في مكتب كريس
حمرت خدودي بإحراج و قلت : بس انا يعني كنت ..
قال وهو يغمز لي : عارف عارف خلاص ماله داعي تشرحين شي
تنهد بقلة حيله وانا اشوفه يربت على كتفي
و بعدها طلع و عليه ابتسامة مكر