Big or Small lias are lias

Part 39

اول ما وصلنا نزلت بسرعه ما كنت ابي استنى حتى الكرسي
ركض يونقوك لي و مسك يدي
و قال : هانا بشويش لا تنسين رجلك
استندت على يونغوك و مشينا لين الباب
رنيت الجرس مره
مرتين
ثلاث
اربع
ما كان في مجيب
قال يونقوك وهو يسندني على الجدار : استني هنا بتأكد
قلت : بجي معاك
قال : هانا استني هنا اريح لك
قلت : لو سمحت يونقوك
تنهد يونقوك وهو يرجع يمسك يدي و استند عليه
و مشينا لين الجيران
رنينا الجرس
و كان الرد : اااه ايه تركوا البيت من يومين تقريبا و عطوني المفاتيح
قلت و انا احس رجع قلبي يعورني : تركوا البيت ! ما تعرفين وين راحوا
هزت راسها و قالت : مع الاسف لا
بعد ما سكرت الباب
كنت بس اكرر هاذي الجمله و انا مصنمه : تركوا البيت ..تركني
يونغوك : هانا اهدي شوي هانا
بعدها انهرت و قلت : راح و تركني يا يونقوك معدني قادره اشوفه مره ثانيه يونغوك
قمت اصيح و شالني يونغوك لاني معد قدرت امشي مره ثانيه
ركبني السياره و تحركوا
تمسكت فيه و انا اصيح كان انهياري اكثر من انهياري الي قبل
على ما وصلنا للمطار
كنت نايمه في حضنه و متمسكه فيه تنهد وهو يشوف بقايا دموعي على وجهي
ركضوا العم جون و فيونا ليونغوك
قال : مب موجودين في البيت
قالت بصدمه : كييف مب موجودين وين راحوا
تنهد العم جون و قال بقلة حيله : يونغوك ركبها للطياره احنا خلصنا  الاجراءات اصلا
و بما ان كانت الطياره خاصه فا رحنا مع الvip
بشكل اسرع
......
يوم قمت كان الكل نايم وقتها
و كنت منسدحه على الكنبه و ملحفيني
زينت جلستي بحذر لرجلي و لميت رجليني لحضني
و انا اناظر من شباك الطياره
و كان الفجر
تنهدت و انا اناظر حواليني و اشوفهم نايمين كلهم
غطيت وجهي بين يديني و انا امسح دموعي
تنهدت للمره المدري كم
قررت من اليوم منيب ابد منزله دموع من عيوني
مسحت اخر بقاية دموعي الي نزلت
و قمت من مكاني و بديت امشي بشويش الين ما وصلت الحمام
دخلت و غسلت وجهي و رفعت شعري
و بعدها طلعت
شفت بعض المضيفات انحنوا لي لما شافوني
و انحنيت لهم بابتسامه صغيره
جت وحده بتساعدني
قلت و انا ابتسم  : لا شكرا اقدر امشي حالي
ابتسمت لي وهزت راسها
قالت المضيفه الثانيه : تبين نحضر لك فطور
هزيت راسي و قلت : يا ليت لو سمحتم
ابتسموا لي و قالوا : ولا يهمك
و كل راح لشغله و انا رجعت مكاني شفت فيونا قامت من نومها بسرعه و هي تناظرني
جلست على الكنبه الي كنت نايمه عليها
و على طول قامت و جلست جمبي
و قالت بحزن : هانا
قلت : فيونا انا بخير الحين و معد ابي ابدا اتكلم عن كريس ولا حتى في اكسو
حسيت بغصه في حلقي لما جبت طاريهم
مسكت دموعي و انا اذكر نفسي بوعدي
ابتسمت لها و انا اربت على كتفها و قلت : ارتاحي الحين و روحي غيري ملابسك و بعدها تعالي افطري معاي
رمشت كم من مره فيونا تناظرني بغرابه و تغير شخصيتي الغريب البنت كانت منهاره قبل كم من ساعه و الحين جالسه و تبتسم لها و تطلب انها ترتاح
تنهدت فيونا و قامت راحت تغير ملابسها
التفت على يونغوك الي كان نايم قبالي شفته يمدد جسمه وهو يتثاوب ابتسمت :صباح الخير
كان هو نفس استغراب فيونا
لكن على طول ابتسم و قال : صباح النور ، كيفك اليوم ؟
ابتسمت و قلت : احسن من امس
قال : و هذا المهم
هزيت راسي له و بعدها رجعت التفت على الشباك
و رجع وجهي لجموده
...
مر تقريبا اسبوع و كان كله تحاليل و اشعة و غيرها من الاشياء الي كان يبونها و اخيرا قاعدين يجهزوني الحين ادخل غرفة العمليات كانوا معاي في الغرفة كلهم العم جون و فيونا و يونغوك
فيونا بخوف و قلق  : انتي متأكده انك بتسوينها هانا ترى يمدينا نتراجع ترى عندنا وقت
طبعا ما قدرت اني اترك فيونا معلقه بدون ما تدري عن شي
تكلمت لها عن بعض الاشياء و اخفيت عنها البعض حسيت بجسمي يرجف لما تذكرت حقيقته
بس لمحت لها بطريقه اخرى و غير مباشره
فا تقريبا هي تعرف اغلب الاشياء
لكن الشي الي ما تعرفه اني كل ليل لازم تجيني فتره اصيح فيه
الشي المي ما تعرفه عن حقيقته و حقيقة اكسو
الشي الي ما تعرفه اني ابتسم رغم الالم الي احس فيه
الشي الي ما تعرفه اني ابي اول صوت اسمعه هو
قلت و انا اضحك : مين السبب الي من البدايه جايبني هنا هاه و بعدين ما اتوقع اني بحس بشي يعني من ناحية الالم فا لا تخافين
ربت العم جون على يدي و قال : متحمس اشوف ردة فعلك لما تسمعين
ابتسمت و انا امسك يده و قلت : كل شي في وقته العم جون
يونغوك الي كان متسند على الجدار و يناظرني
تنهد لانه كان يعرف ان كنت اخفي الي جواتي بشكل اعمق و اعمق و اظهر لهم العكس
بالصدفه شافني اصيح واحد من الايام الي راحت
و ايه كسرت الوعد اني ما اصيح ما قدرت امسك نفسي
دخلت الممرضه و قالت لنا انه وقت العمليه
تنفست بعمق بتوتر
و انا اشوفهم يدفون السرير و ودعتهم بابتسامه
اول ما اختفوا عن عيوني لما دخلت غرفة العمليه
بدت تجتمع دموعي في عيوني
غمضت عيوني و انا اشوف لمحة من كريس تمر من بين عيوني
نمت و اخر شي حسيت فيه دموعي و هي تستلم و تنزل
وعدك لي يا كريس اخلفته
...
و اكيد حسيت بالالم فضيع براسي بعد العمليه
تقريبا قعدت لي شهر علاج طبيعي و تمرينات كيف استخدم الجهاز الي جمب اذني
و اخيرا الحين هو اليوم الي بجرب فيه الجهاز بشكل مباشر و معاهم الدكتوره : هانا تفضلي على الكرسي
جلست و انا امسك يديني بتوتر
كانت واقفه فيونا و معاها الكاميرا تصورني مع اني كنت رافضه
لكن تعرفون فيونا و نظراتها الي تخوف فجاه
ابتسم لي العم جون بدفىء و المح من عيونه الحماس
يونغوك الي وقف جمبي و مسك كتفي يخفف من توتري
هزيت راسي له اعلمه اني بخير
بديت احس بصوت خافت زي الرنين صغير
زينت قعدت شوي و قلت : ممكن تعلين الصوت شوي احسنه خافت
قالت : اكيد
رفعت الصوت و هزيت راسي لها كويس  لما حسيت بالصوت اكثر
بلعت ريقي بصعوبه
و اشرت الدكتوره لفيونا بانها تتكلم
فيونا وهي بدت تتجمع في عيونها الدموع : اهلا هانا
توسعت عيوني لما سمعت صوت ناعم و هادي
رمشت كم من مره و احس بدقات قلبي ارتفعت
و قلت : فيونا !!
قالت : هانا تسمعيني
حطيت يديني كردة فعل على اذنيني
و انا اقول : او ماي قاد ليش صوتك هادي كذا متوقعه صوتك مزعج
بعدها غطيت فمي لما سمعت صوتي
هنا الكل ضحك علي
مسحت دموعي الي نزلت لا ارادي مني و انا اشوف العم جون
الي قرب مني و قال وهو يحرك شفايفه بس : تذكرين المفاجاة الي كنت ابي اقولها لك ؟
عقدت حواجبي و قلت : غريب ليه ما اسمع صوتك
ضحكت فيونا وهي تمسح دموعها و تقول : يا غباء لان اصلا بس يحرك شفايفه
ضحكت و انا اقول : اها
و رجعت ناظرت العم جون و شفته يتنحنح
بعدها قال :  تقبلين اني اتبناك كبنت لي
رمشت كم من مره و رجعت تتوسع عيوني اكثر
اولا الصدمه ان صوته نفس ما تخيلته فيه حنيه  و امان
ثانيا الشي الي قاله
قلت و انا احس بدموعي رجعت تنزل : و و وش قلت ؟!
شد على يدي وهو يكرر كلامه مره ثانيه
وقفت و حضنته و انا اقول : اكيد و كيف برفض مثل هذا الشي
فيونا : يا يا يكفي لحظات مثل كذا عيوني معد تتحمل
بعدت عن العم الجون و انا اضحك
الدكتوره وهي تبتسم : باقي شخص ما سمعتي صوته هنا
التفت على يونغوك و انا اناظره بحماس
كانت فيونا الى الان تصور
قال : الشي الي الي اقوله الله يعينك على صوت المزعجه هاذي
رمشت كم من مره بصدمه و قلت : وااه فيونا انتي ما تكذبين لحظه لحظه صوتك كذا ولا انا اتخيل
ضحك يونغوك و قال : اكيد صوتي
قلت : ما توقعته بهذا ال
ضحكت فيونا و قالت : قلت لك
مسحت دموعي و انا اضحك
كان صدق هذا اليوم بالنسبه لي مهم
لكن كنت احس بجواتي نقص و فرااغ كبير و تعرفون السبب