Big or Small lias are lias

Part 38

بعد فطرنا سبقنا العم جون و راح للشركته
و عطانا خبر ان السواق ينتظرنا برا
كنت توني بوقف من طاولة الاكل شفت يونقوك جمبي يساعدني بالعكازات همست له بشكر و مشيت ورا فيونا الي كانت تغمز
وقفت و قلت : فيونا قسم بالله اذا ما وقفتي هاذي الحركات منيب طالعه و حتى العملية منيب مسويتها
ضحكت و هي تقول : طيب خلاص اسفه سفه المهم بشوفك في الدور الرئيسي
تنهدت و انا اسب تحت انفاسي و احس بيونقوك الي واقف وراي
تحركت للاصنصير عشان اروح للدور الرئيسي التفت على يونقوك الي كان عارف اني ما اعرف شي في البيت لان من دخلت هذا البيت و انا كان مغمى علي و ما طلعت من الغرفة الي انا فيها ابداً فا بسرعة بديهيه دخل معاي الاصنصير و رص الزر
قلت : الافضل ان بعدين توريني المكان
هز راسه و قال : ولا يهمك انسه هانا
قلت : و بعد احس تسميني هانا بدون شي ما احب اتعامل برسميه كثير
وقتها انفتح الاصنصير
و لحقت يونغوك بالعكازات بشويش لين ما وصلت للسياره
خذ مني العكازات و ركبت السيارة
....
طبعا من وصلنا السوق و ندخل المحل
كنت اجلس على الكرسي و جمبي فيونا
و يلا الموظفين ما يبقون شي في المحل الي و جايبينه لنا
و ما نطلع الا شارين نص المحل يمكن
و يلا نطلع من محل الى محل
وقفت و قلت : يااا فيوناا ستوب انا تعبت انشقت يديني انا و مع ذا العكازات ياخي ارحميني شوي
كتمت ضحكتها وهي تشوفني تسندت على الجدار
و قالت : لسا القائمه ما بعد خلصت اذا تبين خلي يونقوك يشيلك
قلت : يا ربااه يا عالم يجوز اني اقتلها ذي ياا خلينا ناخذ بريك
قالت : خلاص رحمتك اجل يلا نتغدا
ناظرت الساعه الي بيدي كان العصر الحين يعني خلص وقت الغداء اصلا
قلت : يونقوك خذ لك بريك ارتاح فيه شوي قبل ما تكرفنا ذي المجنونه
و همست باخر شي قلته عشان ما تسمعني و تصفقني
التفتت علي و قالت : كني سامعه شي عني
ابتسمت بتوتر و قلت : لا ابداً
التفت على يونقوك و قال : على امرك اذا احتجتي شي انا قريب منك
هزيت راسي له و قلت : شكرا
التفت على فيونا الي كانت عيونها متوسعه و فمها مفتوح
تنهدت و قلت : وش فيك بعد ؟
قالت : ص صوته عميق مره حتى اعمق من كرييس
نزلت عيوني لما جابت طاريه و حسيت بقلبي يعورني
همست : تقدر تروح الحين
حطت يدها على فمها فيونا وهي تسب نفسها
و شافتني مشيت تعديتها
مسكت كتفي و قالت : هانا انا انا اسفه ما كنت قاصده بس..
قلت : فيونا يلا وش تبين اي مطعم
ما كنت حتى ابي اتكلم عنه
ناظرتني بحزن و تنهدت
و كان كل هذا تحت اناظر يونقوك الي كان واقف قريب مننا و عيونه علي مثل ما وصاه العم جون
شاف كمية الحزن الي على وجهي "مين كريس هذا؟"
كان هذا السؤال الي يدور في باله
بعد ما تغدينا و ريحت شوي بدينا الجوله رقم ٢ في السوق
تعرفون لما قالت فيونا (كل شي لازم نشتريه) و هذا الي سوينها بالضبط ارسلنا السواق مرتين للبيت يرجع اغراضنا و يرجع لنا
دخلت محل و رميت نفسي على الكرسي
و قلت :شوفي يا انا بموت يا بموتك خلاص ترى صدق هذا اخر محل ندخله فيونا لك نص ساعه و تقولين اخر محل اخر محل و هاذا سادس واحد ندخله
و كان ردها ضحك علي جلس جمبي يونقوك ما الومه
من الساعه ٨ و احنا ندور الى الساعه ٣ و من بعد الغدا و احنا ندور بدون توقف
همست : انا ما ادري كيف اصلا باقي في جسمها طاقه
شفت يونقوك ضحك علي
و قال بدون ما يناظرني : خلينا نوصل البيت اول من بينوم هي
هنا جا دوري اني اضحك
التفت علينا فيونا : ياا وش تضحكون عليه انتم الاثنين
رمت علي بلوزه و قالت : خذي رووحي قيسي هاذي
تنهدت و انا ادخل غرفة تغير الملابس للمره المليون
...
طبعا كان هذا اخر محل دخلنا رجعنا البيت و يلا
نادينا الخدم و بدوا يرتبون معانا الشنط
تقريبا على الساعه ١٢ كنت راقده على السرير
و تذكرت كلام يونقوك على فيونا و كان صدق اول من نام هي
طلعت مني ضحكه و انا اشوفها نايمه
انقلبت للجهه الثانيه و تنهدت مسرع ينصرف انتباهي
الا و صورة كريس ترجع في بالي
مسحت دمعتي الي نزلت و تنزل دموعي ورا بعض
سحبت المخده و غطيت فيها فمي اخفي شهاقي
تكورت على نفسيي و انا احضن المخده لنفسي اكثر
فتحت عيونها فيونا و هي تناظر جسمي الي يرجف
و تسمع صوت صياحي الي كان خفيف عشاني كاتمته بالمخده
تنهدت و مسحت دمعتها الي نزلت معد عرفت وش تسوي
الى لما جت الساعه ٥ الفجر
كنت وقتها اناظر الجدار بفراغ و دموعي الي كانت الى الان تنزل قررت اني اطلع من الغرفه
غمضت عيونها فيونا على طول لما شافتني قمت
كانت فيونا ما نامت ابد و حست فيني يوم طلعت من الغرفه
تنهدت و غطت وجهها بالمخده اما انا
طلعت من الغرفه و كان البيت هدوء و الكل كان نايم
دخلت للاصنصير و رصيت اي دور عشوائياً
طلعت من الاصنصير و بديت ادور في هذا الدور
كان واضح هذا الدور لاستقبال الضيوف
رجعت و رصيت دور ثاني
دخلتها و درت فيه و اخيرا لقيت الي كنت ابيه و كان المطبخ
دخلته و دورت اللمبات الى لما ولعتها
حطيت العكازات على جمب و نطيت الى لما وصلت الى الثلاجه
حست فيها لين مالقيت النعناع
شفت الغلايه و عبيتها مويه و شغلتها
خذت شوي من النعناع و غسلته بالمويه
شهقت لما لمحت احد واقف عند الباب
حطيت يدي على قلبي
و قال باحراج : معليش ما كنت قاصد اني اروعك
خذت نفس و انا اقول : لا عادي
قرب وهو يشوف عيوني المنتفخه من الدموع بس ما حب انه يجيب طاري قال : اشوفك دليتي المطبخ
طلعت مني ضحكه و قلت : سويت جولة بحث في البيت شوي
شافني نطيت لواحد من الدواليب الي كانت شفافه وواضح فيها الاكواب
و طلعت منها كوبين
قلت بدون ما اناظره: ما نمت ؟!
رجعت ناظرته عشان اعرف رده هز راسه ب لا
و بعدها تنهد وهو يقول : شوية ارق ، انتي؟!
هزيت راسي له و قلت : تقريبا انا بعد
حطيت النعناع في كل الكوبين و صبيت عليه المويه الحاره
مديت الكوب له و قلت : خذ ! ترى يساعدك في الارق
ابتسم وهو ياخذ الكوب مني و قال : شكرا
هزيت راسي له و انا رفعت نفسي بحذر على الطاوله
و مسكت بين يديني الكوب الدافي
و تنهدت و انا اناظر الكوب قررت اني اترك افكاري شوي و رفعت عيوني عليه و قلت و انا اخذ رشفة من النعناع : من متى و انت تشتغل هنا ؟!
قال : تقريبا من ١٠ سنين تقدرين تقولين اني تربيت عند العم جون
هزيت راسي بتفهم له
بعدها رجعت سرحت و انا اناظر الكوب الي بيدي
و مسحت دمعتي بسرعه الي نزلت و تنهدت
تذكرت ان الى الان موجود يونقوك
ضحكت و انا امسح باقي دموعي و قلت : معليش اسفه
هز راسه و قال : خذي راحتك اعتبريني مب موجود
شربت شوي من النعناع بيدين مرتجفه
ناظرته و قال : تفكرين فيه ؟
خذت نفس و انا اهز راسي بمعنى ايه و قلت : مع الاسف
قال : دايم و خذيها مني قد ما تقدرين اشغلي نفسك خصوصا من بكره و احنا بنصير مشغولين للايام الجايه
قلت : بتجي ؟!
قال : اكيد هاذي من اوامر العم جون و لا تنسين وش قال لك
هزيت راسي له
و قال : تذكري هانا ان معاك الكل و خصوصا فيونا اذا لاحظتي ما كانت تجيب اي طاري يحزنك
كنت توني استوعب الي قاله يونقوك كان صح كلامه. فيونا ابد ما سألتني عني شي بالاحرى كانت تستناني اتكلم ولا كانت تبي تسأل عشان ما تضايقني
تنهدت للمره المليون
و نزلت بشويش من الطاوله و حطيت الكوب في الغساله
و جا هو و بعد و حطه
جاب لي العكازات و شكرته
قلت : توصلني لغرفتي ما اتوقع اعرف اني ارجع لها
قال بضحكة : ولا يهمك يلا
ابتسمت له ابتسامه صغيره باحراج
و لحقته
....
ما انكر اني ارتحت ليونقوك مع انه كان غريب و توني متعرفه عليه لكن الحين حسيت و كني عارفته من زمان
و زياده على كذا انه مريح و هادي و مب من النوع الي صوته عالي تذكرت شي "صوته اعمق من كريس "
انا صرت من اسمه بس احس بقلبي يعورني و ترجع عيوني تدمع كان لا ارادي مني
مسحت دموعي الي نزلت بسرعه
مسكت اكتافي فيونا و قالت : هانا اسمعي انا معد اقدر اتحمل اني اشوفك في هذا الحاله لكن بقول لك شي الحين و غصب عنك انك بتسوينه صح اني ما اعرف عن اي شي من الي صار بس و لهاذي المره بس يا هانا روحي كلميه يمكن ما ادري بس يمكن انتي تسرعتي ولا سمعتي الي الي بيشرحه لك

وقفت و هي تأشر على الباب : لك ساعتين قبل نركب الطياره بسرعه روحي مع يونغوك يلا استعجلوا
قلت : فيونا اسمعيني انا ..
قالت : بسرعه ما ابي اسمع منك اي شي
تنهدت و انا احس بالحماس ينتشر جواتي
ذي المره كنت جالسه على كرسي متحرك لان كان اصعب اني امشي بعكازات طول الوقت دفني يونغوك و هو يكلمهم يقربون السياره عند بوابة المطار اول ما ركبنا وصفت لهم بيت اكسو
و مشو عليه
...
سوري على التأخير لكن ان شاءالله اذا قدرت نزلت لكم بارت اليوم في الليل اول بكره